Mat. 24:3 - Tampulma

³ Ba fun la zini bi Ɔlif ti nyuha daha a kani dooni, o gantɛl tiŋsi ta fun wa Yesu wati ba duŋduŋ. Ba fun pɛɛsi un, “Saha leemawa chen kaa wa ya? Baŋa kaa wa te ya a biksi ya di tɛɛnɛ nɔ maga siili awa i waali saha telu?”

Mat. 24:3 交叉引用

Tuma 1:7

Yesu fun ŋɔ ba, “Mu nyana duŋduŋ zim saha naa kin na zi ya. O wa ya di ma nisa nyɛn dooni.

Mat. 24:37

Mu waali ti zi wa chi chenani o fun du Nowa saha tirɛ.

Mat. 13:49

Chen vɛɛna, tɛɛnɛ nɔ maga siili saha wa tel, Koosa malaikasi ta zi wa purigi nibin were a li nibin tagna ni.

Luk 21:7

Ba nidigi fun pɛɛsi un, “Mu kunyana, saha leemawa chen kaa wa ya? Baŋa kaa wa te a ya a biksi ya di saha ti telu?”

Mat. 21:1

Ba fun wa tel tɔha naa ba yir Bɛtfaji chen a fun wa tel bi naa ba yir Ɔlif chen a wa dugli Jɛrusalɛm. Yesu fun a tum o gantɛl tiŋsa nara balɛ a ŋɔ ba,

Mat. 24:39

Ba wa fun zim di Koosa zi wa tum niu o wa su tɛɛnɛ nɔ maga. Ba ka wa fun saksi di ba siti a siti. N waa nibine be waali ti zi wa chi chen saharɛ.

Mat. 24:27

Mu waa nibine be wa bur wa, n zi wa chi nasɛha din ya nyiksi a su buudaha maga chene.

Ju 9:26

O fu ya chen ni, saha naa Koosa fun naami tɛɛnɛ nɔ maga hali wa zinan, o fu zi namsi bu damatau a sou. Tɛɛnɛ nɔ maga siili saha funɛ wa dugli, o fun wa sou ya daha bu bɛgim a lisi tum tagna kpok a ta.

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

Mat. 17:19

A gantɛl nɛɛ o gantɛl tiŋsi ta fun wa Yesu wati ba duŋduŋ a pɛɛsi un, “Yɛrɛ ya vɛ koti a duŋni alizin tagin ti a taali?”

Mat. 24:43

Ma nyɛ mu ŋɔ ma nan. Dam tiin zim a saha naa ŋmɛɛr zi wa wa a zu o dama, o wa zi chɔ do a kpak un.

Mat. 15:12

O gantɛl tiŋsi ta fun wa ŋɔ un, “Chenani i sɛm chen, i pini Farisi tim ta zomwa.”

Mat. 13:36

Doone Yesu fun gil zɛmɛ ta a fun la zu dama. O funɛ wa zu dooni, o gantɛl tiŋsi ta fun wa ŋɔ un, “I funɛ jɛɛgi kɔsa na jɛɛgiu a li ŋmaha ni. Ŋɔ ya o mun.”

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Mat. 16:28

Ma nyɛ mu ŋɔ ma nan. Nara nyɛn bar nɔ a la zi vɛ siti hali ba wa na mu waa nibine be ka mu wa a chi koora.”

Mat. 24:30

Kin nama maga la zi biksi di mu waa nibine be zi wa nyɛn nyinbaan ni a dugli. Tɛɛnɛ nɔ maga nara zi wa kpak hansurau kinkan. Ba zi wa na min ka mu li dobaal tuha a wa awa kpok ni awa n jirima ni a kichaani kinkan.