Mat. 2:1 - Tampulma

¹ Ba funɛ lul Yesu a li tɔhɔn naa ba yir Bɛtlihɛm a li Judia pulum ni. Chen saha ti koor digi funɛ nyɛn doon a dɔ dooni. Ba funɛ yir un Hɛrɔd. Nara ba naa funɛ zim wula ta mun wɛ, ba waa funɛ wa Jɛrusalɛm a li nha bar yɛli ni.

Mat. 2:1 交叉引用

Jɔn 7:42

Ba funɛ sɔbiu a li Koosa sɛm tɔn ti ni a ŋɔ, ‘Ba zi lul Kristo a li tɔhɔn naa ba yir Bɛtlihɛm ka o nyɛn Judia pulum ni. O zi wa ya koor Devid bi luliu. Chendaha ba kaa wa lul un a li o tɔhɔn ti ni.’ ”

Luk 2:11

Dusum nɔwa ba lul bichɛla a li Devid tɔha Bɛtlihɛm ni. Waa la zi wa yisi ma a li ma tum tagna ni maa tiŋ Koosa. Waa ya ya kunyan Kristo.

Mat. 2:5

Ba ŋɔ un di, “Koosa witinsi ta digi funɛ sɔbi a li Koosa sɛm tɔn ti ni saha digi di ba zi wa lul unu a li Bɛtlihɛm naa nyɛn Judia pulum ni. O fun ŋɔ,

Mat. 1:25

Amaa o wa un waa fun chɔ hali o wa lul o nibabichɛl ti. O funɛ wa lul un, Josɛf fun du o sɔn Yesu.

Luk 2:15

Malaikasi ta funɛ lɔ bool ta peti, ba fun bur a kaali Koosa tɔhɔn ti. Piisi gbaŋsi ta fun ŋɔ dɔŋ ni, “Ma nyɛ ya la Bɛtlihɛm a la na be naa Koosa malaika ti ŋɔ ya o wɛ chen.”

Luk 1:5

Baal digi funɛ nyɛn doon. Ba yir un Zɛkaraya. O funɛ ya Koosa dam kɔkɔɔrsa nidigirɛ. O funɛ ya kɔkɔɔrsi ta digi walɛrɛ. Ba funɛ yir un Abia. O haan sɔn funɛ ya Ɛlizabɛt. O nyana gbanko funɛ ya kɔkɔɔrrɛ. Saha naa ba fun nyɛn chen, koor digi funɛ nyɛn doon a dɔ Judia pulum. O sɔn funɛ ya Hɛrɔd.

Mat. 2:19

Hɛrɔd funɛ sou, Koosa malaika ti fun bur wa Josɛf wati a li Ijipt pulum ni.

Mat. 2:3

Koor Hɛrɔd funɛ nu ka hɔɔra tima wa pɛɛsi be ti wɛ, o fun muksi un kinkan. Chen gbanko fun muksi Jɛrusalɛm tim maga.

Mat. 2:7

Hɛrɔd funɛ nu ba sɛma, o fun yir hɔɔra ba naa li nha bar yɛli chen, ba wa lagmi o wati ba duŋduŋ. O fun pɛɛsi ba nɛnɛ, “Ma zim saha naa ma na wul tiuu?” Ba fun ŋɔ un saha ti.

Mat. 2:16

Hɛrɔd funɛ zim di hɔɔra tima mur unu, o fun na paan kinkan. O fun yir o lanjimasa a tum ba di ba la kpu nibabichɛsa ba naa maga vɛ tel bunsa lɛ a nyɛn Bɛtlihɛm awa tɔsa naa maga go un ni. Hɔɔra tima funɛ piin ŋɔ unu saha naa Mɛri lul.