Mat. 18:8 - Tampulma

⁸ “Nibine kpa o nin koo o naŋgeri a tum tum tagna, o teŋ o nin ti koo o naŋgeri ti a yo ta. Nibine naa kpak nin bɛgim koo naŋgeri bɛgim a kpak Koosa miisa, waa bɔɛɛ wa o kpak nisa lɛ koo naŋgere lɛ a la zu din dam ti.

Mat. 18:8 交叉引用

Room 13:12

O chi dusum la daŋni o peti, ka chɔɔsa pisa dugli. Ma nyɛ ya gil ya tum tagna a naa chi dusum a ta aa nyɛ ya tum tum were a naa chi nha.

JɔnN Deesi 20:15

Ba naa ba ha vɛ sɔbi ba sɔna a du Koosa mi fali tɔn ti ni, ba fun kpa ba a yo du bɛɛŋ ti gbanko ni.

JɔnN Deesi 14:10

Koosa na paan kinkan a du ba ni a lɛrgi ba diŋsa. O paan kinkan chi sin kpokre ba vɛ kpa kundɔŋ a pulsi, naa o muksi ba di ba nyɔ. O zi nyɛ ba kpa bau a du din ni di ba namsi kinkan a li piisi be ti awa o malaikasa naa o fun lisi a nyɛ o titi ni suwachak ni.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

Luk 14:33

Chen vɛɛna, ma nidigi wa kiya mu gantɛl tiŋna, see o kpa min a te suwachak a gil o walɛ awa o kina.”

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

Luk 16:24

Doone o fun tɛsi a ŋɔ, ‘Mu kunyana Abraham, ɔm min siki. Mu namsi kinkannɛ a li din dam nɔ ni. Tum Lazarus o la zɔk ni tama a wa nyɛ min mu nyɔ.’

Mat. 17:27

amaa ya wara daŋni ya muksi nara nama. Ma la bɛɛŋ ti a la yo konkunte a kpaksi nyinsa. Nyine naa ma wa te kpak, ma zi na malɛu o nɔ ni. Malɛ ta zi iiu a bɔ mu awa hin Koosa bar jɛɛmi dam lampo. Kpa a a la bɔ lampo nilalɛ ta.”