Mat. 13:11 - Tampulma

¹¹ Yesu fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Amaa o ha wa ya chen a nyɛ ba.

Mat. 13:11 交叉引用

1 Kɔr. 2:14

Nibine naa vɛ kpak siim weri ti o nyɛn un ni, o vɛ Koosa siim weri ti kinawa. A ya yɔrirɛ o wati ka o vɛ zim a muna.

Mat. 19:11

O fun ŋɔ ba, “Nara maga wa zi koti a tiŋ ma biksi nɔ. Ba naa Koosa fun lisi duŋduŋ koti a tiŋ chen.

Jems 1:5

Zima pɔɔgi ma bɔnɛ, ma sumi Koosa o kpa o zima ti a nyɛ ma. Waa kpa kina a nyɛ nara maga ni a kaali chenani o daŋni a vɛ zɛɛmi ba.

1 Jɔn 2:27

Koosa funɛ kpa o siim weri ti a du ma bambe ni. Chendaha nara wa biksi ma a gbaari o biksi ti ni, o ya yɔrirɛ. Koosa siim weri ti ya naa la zi biksi ma kina maga nyinbaan. O biksi maga ya wutirɛ. Nusuna wa to un ni. Adaha ma nyɛ ma wa Yesu ya nibɛgim a chi chenani Koosa siim weri ti fun a biksi ma chen.

1 Jɔn 2:20

Amaa Koosa funɛ kpa o siim weri ti a du ma bambe niu ka ma maga kpak zima.

Mat. 16:17

Yesu fun ŋɔ un, “Simɔn, Jɔn be, Koosa zi nyɛ i tuha sɔɔniu kinkan. Nibine wa fun koti a biksi hin wuti sɛm naa i sɛm nan, amaa mu nyana naa nyɛn o tɔhɔn ti ni, waa ka funɛ biksi hin.

Ɛfɛ. 1:9

o funɛ lisiu saha digi di o zi kpa Yesu Kristou a tum o tuma hali o wa peti. O fun a tiŋ o tutɔ ti a biksi ya o wu sogle nama wɛ.

Ɛfɛ. 5:32

Mu zimu di nan bɔmu wa ma zim o mun. O biksi ya di Yesu Kristo awa o nitiŋɛ ta ya nibɛgimnɛ.

Room 16:25

Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

Luk 8:10

O fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Ba naa ka la nu mu wati, ba kpak seu a vɛ naali. Mu ŋɔ bau, ba ka wa zim mu sɛm ta mun. Chendaha mu jɛɛgi jɛɛgɛ a nyɛ ba.”

1 Kɔr. 15:51

Maa nu. Mu zi biksi ma Koosa wu bɛgim sogli wɛu. Ya maga laata kaa sou. Amaa ya sitɛɛ akoo ya wa siti, wuzu digi Koosa zi wa chɛrgi ya maga barau bu bɛgim.

1 Kɔr. 2:7

Ya ka biksi ma Koosa zima ti wɛwa. O funɛ te lisi unu ya jirima daha a zi naami tɛɛnɛ nɔ maga. Hali saha nɔ Koosa ha vɛɛna sogli unu a li nibinsi ni.

Jɔn 6:65

Doone Yesu fun bu ŋɔ ba, “Chendaha mu fun piin ŋɔ ma di nandigi wa kikoti a wa mu wati see mu nyan ti gbaŋ un a wa mu wati.”

1 Tim. 3:9

Amaa o lawa ba kpak wuti naa funɛ sogli ka Koosa kpa un li gbampulim chenu a kpak tu bɛgim wa Koosa ni.

1 Kɔr. 13:2

Mu koti a biksi nara Koosa wɛ nɛnɛ o kpok ti ni, a nɛɛgi kinkan a zim Koosa kisogle a kpak kpok a zi koti a ŋɔ bi ni di o si o bar chiŋi ti ni aa la bar digi. Mu koti aa tum nan maga a vɛ daŋni nara, o ya yɔrirɛ.

Maak 4:11

O fun ŋɔ ba, “Ma warɛ Koosa nyɛ ma zim o koor ti kina, amaa ba naa vɛ nyɛn Koosa koor ti ni chen, jɛɛgɛwa n yaa jɛɛgi a nyɛ ba chen,

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

Ɛfɛ. 6:19

Ma gbanko kisumi Koosa mu daha, di o nyɛ mu bambi kpok mu biksi nidamata o laaboor weri ti wɛ. O laaboor weri nɔwa, o fun kpa sogli hali wa zinan o kpa un a li gbampulim ni.

1 Kɔr. 4:7

Anti ŋɔ ma di ma kaali ma dɔŋtima? Koosa funɛ nyɛ ma kin naa maga ma kpak. A maga li Koosa watɛɛ, ka yɛrɛ maa daŋni sɔn di ma titi kpokre ma kpak a nan?

1 Kɔr. 4:1

O weru di ma la yir ya Yesu tumtumsi chen. Koosa funɛ kpa o wu sogle a du ya nisa ni. Ya ka kpa a aa biksi nara.

Jɔn 7:17

Ba naa maga la daŋni ba tiŋ Koosa tutɔ ti zi zimu di mu biksi ti li mu watɛɛ koo o wati.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

Ɛfɛ. 1:18

Mu sumi unu di ma lise zi la o wutiu, chen ni ma zi kpak bambi bɛgim a li chenani o fun yir ma ni a zim di kin nawara o fun vɔu di o kpa nyɛ o nara ni zenu kinkan.

Tuma 16:14

Nihaani tima digi sɔn funɛ ya Lidia ka o nu ya sɛm ta. O yaa funɛ yogli gar naa ya ti bɛgim a laksi kibilima awa kisɛma ka a malɛ kpok kinkan. O funɛ li tɔhɔn naa ba yir Tiataya a li Azia pulum ni. O yaa funɛ jɛɛmi Koosau ka ya kunyan ti puk o bambi di o nu Pɔɔl sɛm ta.

Mat. 13:10

Doone o gantɛl tiŋsi ta fun wa pɛɛsi un, “I funɛ biksi nara, baŋnɛ i fun jɛɛgi jɛɛgɛ a nyɛ ba?”

Mat. 20:23

Yesu fun ŋɔ ba, “Wutirɛ namsi naa mu kaa wa namsi chen, ma gbanko zi wa namsi chenu. Amaa mu mun nindil nikani awa mu mun ningal nikani, Koosa piin yisi ba a chiŋsiu, chen ni ba zi wa kani dooniu. N waa laata dɔ ba lisi.”

Maak 10:40

Amaa mu mun nindil nikani awa mu mun ningal nikani, Koosa piin lisi ba a chiŋsiu, chen ni ba zi wa kani dooniu. N waa laata dɔ ba lisi.”

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.