Baal digi funɛ nyɛn doon. Ba yir un Josɛf a li tɔhɔn naa ba yir Arimatia ni. O funɛ ya Yesu gantɛl tiŋsi ta digirɛ, amaa Ju tim ta nihɛɛti daha, o fun sogli a tiŋ un. O fun kaali Pailɔt wati a la sumi di ba lisi Yesu a li daakakli ti ni a nyɛ un o la sogli. Pailɔt fun a nyɛ un nyinbaan o lisi un.
O funɛ wa ŋɔ Pailɔt ni chen, o fun ya Pailɔt alaazibu kinkan di Yesu sou lalagau. O fun yir lanjimasa kɔkwa nihɛɛ ti o wa o wati. O pɛɛsi un, “Wutirɛ ba ŋɔ di Yesu sou chenn?” O fun ŋɔ, “O ya wutirɛ o sou.”
Josɛf fun li a la yau gar pilim a la yisi un daakakli ti ni a kpa mɛɛsi un a kpa un a la du gbɛntɛl bɔ fali naa ba yaa sogli ba nara chen a bilimsi gbɛntɛl zen a tɔ bɔ ti zɔɔnɔ.
