Maak 10:21 - Tampulma

²¹ Yesu fun nyini baal ti. O wɛ ya un lɛmlɛm kinkan ka o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”

Maak 10:21 交叉引用

JɔnN Deesi 2:4

amaa wu digirɛ ma vɛ seen a yaali. Ma wara daŋni min a chi chenani ma fun te daŋni min chen.

Luk 10:42

Chenani i ya diwe a nyɛ ya, chen weru, amaa ya zi di diwe ta petiu. Mu sɛm naa Mɛri nu, o ka zi kpak au o bambi ni hali saha naa vɛ kpak bɔ.”

Jems 2:10

Nar tiŋ o chiksɛ ta maga a chɔk kibɛgim, o chɔk a magawa. Chen tiina galimu Koosa wati.

Tuma 2:45

Ba fun yogli ba kina maga a nyɛ ba naa la daŋni a ni.

Luk 18:22

Yesu funɛ nu o sɛm ta, o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”

Mat. 16:24

Yesu fun ŋɔ o gantɛl tiŋsi ta ni, “Nar la daŋni o tiŋ min, o vɛ o tutɔ a zer o daakakli a baasi aa tiŋ min.

JɔnN Deesi 2:20

Amaa wu digirɛ ma vɛ seen a yaali. Nihaan digi nyɛn ma ni ba yir un Jɛzɛbɛl. O ŋɔ di waa ya Koosa nitumɛ ta digi, amaa o biksi ma di ma bur a tum chɔkumsi tuma a kidi vursa diwe. Ma waa la nɔɔni o nyɛn ma wati.

JɔnN Deesi 2:14

Amaa wu bɔnɛwa ma vɛ seen a yaali. Bɔnɛ nyɛn ma ni a tiŋ naa ba yir Beelam chen biksi. O funɛ nyɛn saha digi a biksi baal naa ba yir Belak di o la biksi Ju tima chenani ba zi di vursa diwe a tum chɔkumsa tuma.

Ju 10:34

Ma baga funɛ nyɛn ba naa ba fun tɔ dɛ chenu. Ba funɛ wa fuksi ma kina maga a li ma wati, ma tusa ha funɛ vɛɛn sɔɔniu, domi ma funɛ zimu di ma dɔ kin nawara kaali au a li Koosa tɔhɔn ti ni. Kin ta nyɛn hali saha naa vɛ kpak bɔ.

Luk 12:33

Ma kpa ma kina maga a suŋi ba naa la daŋni a. Ma ta chiŋsɛ kidamata a li tɛɛnɛ nɔ maga ni. Ma ka chiŋsɛ kidamata a li Koosa tɔhɔn ti ni. Chau wa zi wa chɔk a ka ŋmɛɛrsa wa chɔk dɛ ti a ŋmɛ a dooni.

Maak 8:34

Yesu fun a yir o gantɛl tiŋsi ta awa zɛmɛ ta a ŋɔ ba, “Nar la daŋni o tiŋ min, o vɛ o tutɔ a zer o daakakli a baasi a tiŋ min.

Luk 19:41

Yesu funɛ wa dugli Jɛrusalɛm, o fun chiŋi a wi o daha.

Luk 9:23

Doone o fun burgi a ŋɔ zɛmɛ ta ni, “Nar la daŋni o tiŋ min, o vɛ o tutɔ a zer o daakakli a baasi aa tiŋ min.

Mat. 19:21

Yesu fun ŋɔ, “Ii daŋni Koosa nyɛ hin o mi fali, kila a la kpa i kina maga a yogli a kpa malɛ ta a nyɛ fara tim ni a wa tiŋ min. I ya chen, i zi wa na kinau a li Koosa wati.”

2 Kɔr. 12:15

Mu daŋni mu kpu mu titirɛ a nyɛ ma, chen ni mu zi suŋi mau. Chenani mu daŋni ma la suwachak, ma daŋni zi bur gantɛluu?

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”

Luk 16:9

Yesu fun bukoo sɛm ba, “Wutirɛ mu ŋɔ ma, ma kpa ma kina a li ma nyɛni ni a suŋi nara, chen ni a bu vɛ wa kpak wu digi wa ma, Koosa zi wa la ma du o tɔhɔn naa nyɛn hali saha naa vɛ kpak bɔ.

2 Tim. 3:12

Nibinsa zi yaa wa muksi ba naa la daŋni ba tiŋ Koosa nɛnɛ, domi ba wa Yesu Kristo ya nibɛgim.

Maak 10:22

Yesu funɛ wa ŋɔ un nan chen, domi o funɛ kpak wu damatau. O tuha fun chɔk. O fun a nyakmi o se a fun si a kaali.