Luk 3:8 - Tampulma

⁸ Ma gil ma tum tagna a ka la tum tum were a biksi nara chenani ma bambe burgi. Ma ta lisi di chenani ma ya Abraham bi lulɛ, chen zi chiŋi ma tum were bar chiŋi niu. Ma nyɛ mu ŋɔ ma di Koosa koti a kpa buŋkul nama a burgi Abraham bi lulɛ.

Luk 3:8 交叉引用

Tuma 26:20

Mu funɛ te biksi Koosa laaboor weri ti a nyɛ Damaskus tim ni a zi kaali Jɛrusalɛm awa Judia pulum awa ba naa vɛ ya Ju tima a la biksi doonma ni. Mu fun biksi ba di o lawa ba gil ba tum tagnau a bur tiŋ Koosa a tum tum were di ba biksi nara chenani ba tum.

Mat. 21:43

Yesu funɛ sɛm a la mak o bɔ, o fun ŋɔ ba, “Baal ti ŋmaha ti chi Koosa koor tire. Koosa zi wa duŋni mau a li o koor ti ni a bu nyɛ ba naa la tum tum were chiŋi ma bar chiŋi ni.” ((

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Room 9:7

Abraham lul bisa maga laata ya Koosa bisa. Koosa funɛ ŋɔ un saha digi, “O ya Aizik bisa duŋduŋnɛ i zi yir i niisisa.”

Room 4:16

Koosa vɔwi nyini nara se suuli nee, chen ni Abraham bi lulɛ maga ba naa teŋsee awa ba naa vɛ teŋsi, zi kpak bambiu di Koosa zi tum chenani o fun vɔu. O vɔwi ti ya papaharɛ. Abraham ya ya maga nawaal.

Luk 19:40

Yesu fun ŋɔ un, “Wutirɛ mu ŋɔ hin, ba mooree, buŋkula naa ya nɔsi fu zi chɛɛmiu.”

Jɔn 8:33

Ba fun ŋɔ un, “Ya waa ya Abraham bi lulɛ a ha vɛ ya nara yosa. I ŋɔ di wuti ti la zi yisi ya a li yosi ni. Nan mun ya yɛrɛ?”

Jɔn 8:39

Ba fun ŋɔ un, “Abraham ya ya nyan ti.” Yesu fun ŋɔ ba, “Ma nyan ti sir ya Abraham, ma fu zi zer o naŋgeri weriu.

Mat. 3:8

Ma gil ma tum tagnau a la tum tum were a biksi nara chenani ma bambe burgi.

Mat. 3:9

Ma ta lisi di chenani ma ya Abraham bi lulɛ, chen zi chiŋi ma tum were bar chiŋi niu. Ma nyɛ mu ŋɔ ma di Koosa koti a kpa buŋkul na a burgi Abraham bi lulɛ.

Luk 5:21

Farisi tim ta awa Koosa chiksɛ nibiksɛ ta funɛ lisi ba bambe niu, “Baal nɔ, baŋ sɛmwa o sɛm chen? Anti la zi koti a gil nara wu tagna a nyɛ ba? See Koosa duŋduŋ la zi koti chen. O sɛm sɛma nan ni, o wara tiŋ Koosa nɔ. O kpa o titirɛ a maksi Koosa.”

Luk 13:25

Wuzu digi mu zi wa siu a far Koosa koor ti bulzɔɔnɔ ti. Ma zi wa chiŋi bulzɔɔnɔ ti gantɛl niu a yir, ‘Ya kunyana, puk bulzɔɔnɔ ti ka ya zu.’ Mu zi ŋɔ mau, ‘N wa zim doonani ma li.’

Luk 13:26

Ma zi ŋɔ minu, ‘Ya wa hin funɛ lagmi a di diwe a la nyɔ chen. I gbanko funɛ biksi yau a li ya tɔhɔn ni.’

Luk 14:9

o zi wa ŋɔ mau, ‘Nyɛ nara nama kani ma bar kani ti ni.’ Nan yɛɛ, ba naa maga kanɛ dooni zi nau ka ma si a la kani bar tagin ni. Hiisa zi kpak mau kinkan.

Luk 19:9

Yesu fun ŋɔ un, “Wutirɛ i sir ya Abraham bi luli digirɛ. Koosa wa bu na i wa i dam walɛ galimsa zinan kpa la.