Luk 17:5 - Tampulma

⁵ Doone Yesu nitumɛ ta digi fun ŋɔ un, “Ya daŋni chenani ya se su hin iiu a gbaari.”

Luk 17:5 交叉引用

Maak 9:24

Be ti nyan ti vaan la nɔɔni a ŋɔ, “N si suu, amaa o wa mak min. Suŋi min.”

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Filip. Tima 4:13

Kristo kpak o kpok ti a nyɛ min, chen ni mu zi a chem kina magau.

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

Luk 7:13

Yesu funɛ na luhaan ti, o fun kpak un siki ka o tuha chɔk a gbaari. O fun ŋɔ un, “Ta wiili.”

Maak 6:30

Yesu nitumɛ fidalɛ, ba naa o fun tum chen, bur wa a ŋɔ un kin naa maga ba tum awa kin naa maga ba biksi nara ta.

Luk 7:19

a tum ba Yesu wati di ba la pɛɛsi un, “Hin ya baal naa ya kunyana fun ŋɔ di i kaa wa chen, akoo yaa nyini nandigi nyinbaan nii?”