Ya kunyan ti wa wa, o kaa wa chi chenani ŋmɛɛr ya wa chene. Chen wuzu ti wa tel, o zi jimu a chi dinful. Buudaha zi wa nyigmiu ka din wa di tɛɛnɛ maga.
Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.
Maa nu chenani ya kunyana ŋɔ ma. O ŋɔ, “Mu zi bur wau ka ma vɛ zim mu wɛ a chi ŋmɛɛr. Chenani Koosa bu vɛ na ma galimsa chi ma gatiwa. Ma doso a kilaari a saha maga, chen ni mu wa wa, ma wa zi kpak bar kpal a chiŋi ma na hiisa nara suwachak ni.”
