Jɔn 21:7 - Tampulma

⁷ Yesu gantɛl tiŋna naa o daŋni kinkan chen, fun na chenani yɛɛ, o fun ŋɔ Pita ni, “Naa chiŋɛ dooni chen ya ya kunyannɛ.” Simɔn Pita funɛ nu o sɛm ta, o fun vɔu takta naa o kpa lɔrgi ni chen a mari o bara kpala a za chiksi ni ti ni a la zaami un.

Jɔn 21:7 交叉引用

Jɔn 13:23

Naa Yesu funɛ daŋni kinkan a li ba ni funɛ kani a mari un.

Jɔn 20:2

O fun burgi a chɔ kaali Simɔn Pita awa Yesu gantɛl tiŋna naa o funɛ daŋni kinkan chen wati a ŋɔ ba, “Nara bɔnɛ wa yisi ya kunyana a li o hugil ti ni. N wa zim doonani ba kpa un kaali.”

Jɔn 19:26

Yesu fun na o niin ti dooni awa o gantɛl tiŋna naa o daŋni kinkan ka o wa o niin ti dugli dɔŋa. O fun ŋɔ o niin ti ni, “Mu niina, kina be naa kaa chiŋi mu bar chiŋi ni.”

2 Kɔr. 5:14

Yesu Kristo daŋni yau kinkan. Ya zimu di waa chiŋɛ nara maga bar chiŋɛ ni a sou ba daha. O la daŋni ya chen daha, ya se sɛrɛu di ya tum o tuma.

Jɔn 21:24

N waa, Jɔn, naa sɔbi tɔn nɔ nan, minnɛ Yesu daŋni kinkan. Mu funɛ na kin naa maga mu sɔbi a du tɔn nɔ tuha. Ya maga zimu di mu sɛm ya wutirɛ.

Jɔn 21:20

Yesu wa Pita fun gba a la, Pita fun burgi a na Yesu gantɛl tiŋna naa o daŋni kinkan chen, ka o tiŋ ba gantɛl. O waa funɛ ya naa tur la mari Yesu Ju tim ta wuzu zen wuzu ti a pɛɛsi un, “Anti kaa wa li i gantɛl chen?”

Tuma 10:36

Ma zim chenani o fun tum Yesu Kristo, naa ya kina maga nyuhu tiina, di o biksi Koosa laaboor weri ti a nyɛ Ju tim ta ni a nyɛ ba nyinbaan ba wa Koosa bu ya nɔ bɛgim.

Tuma 2:36

“Ma Ju tima, mu daŋni ma zimu nɛnɛ di Yesure ma fun kpu a li daakakli ti ni chen, waa ya nara maga nyuhu tiina. O gbanko ya naa Koosa fun vɔu di o zi tumu chen.”

Luk 7:47

N ŋɔ hinu di mu gil o tum tagna a nyɛ un. Chendaha o biksi di o daŋni minu kinkan. Ba naa la tum tum tagna tama ka n gil nyɛ ba, ba gbanko daŋni min tamnɛ.”

Luk 2:11

Dusum nɔwa ba lul bichɛla a li Devid tɔha Bɛtlihɛm ni. Waa la zi wa yisi ma a li ma tum tagna ni maa tiŋ Koosa. Waa ya ya kunyan Kristo.

Maak 11:3

Ma wa pur un ka nandigi wa pɛɛsi ma, ‘Yɛrɛ ma pur un?’ Ma ŋɔ un, ‘Ya kunyana la daŋni un. O wa peti, o zi nyɛ ya kpa un bur wau lalaga.’ ”

Jems 2:1

Mu niinbisa, ma naa se su ya kunyan Yesu Kristo naa ya jirima tiina kinkan, o wa lawa ma suŋi bɔnɛ a gil bɔnɛ.

1 Kɔr. 15:47

Koosa funɛ te kpa hɛɛra a naami Adam, amaa Adam naa tiŋ gantɛl chen, Koosa funɛ tum un a li o tɔhɔn ti nɛɛ.

Jɔn 20:28

Tɔmas fun ŋɔ un, “Hin ya mu kunyana Koosa.”

Jɔn 20:20

O fun pogli o nisa a biksi ba a burgi o chakpala di ba na. Ba funɛ zim di waa ya ba kunyan ti, ba tusa sɔɔni kinkan.

Luk 12:35

“Ma saksi a kirsi ma kilaarɛ aa suksi ma fitina,

Jɔn 21:8

Arŋ ti funɛ ya naŋgere kɔksa torawa ni ti nɔ ni. Yesu gantɛl tiŋsa ba naa funɛ ka a nyɛn arŋ ti tuhu ni, ba funɛ lɛrgi cham ti hali a wa li ni ti nɔ.