Jɔn 21:15 - Tampulma

¹⁵ Ba funɛ wa se peti, Yesu fun pɛɛsi Simɔn Pita, “Simɔn, Jonas be, hin la daŋni min a kaali i dɔŋtim taa?” Pita fun ŋɔ un, “Mu kunyana, i zimu di muu daŋni hinu a kaali ba.” Yesu fun ŋɔ un, “Kidɛɛsi ba naa la tiŋ min a chi chenani piisi gbaŋna dɛɛsi o piisi bisa.”

Jɔn 21:15 交叉引用

Room 15:1

Ya naa se su Kristo nɛne, o lawa ya suŋi ba naa se vɛ su un nɛne. Ma ta nyɛ yaa lisi ya duŋduŋ kina wɛ,

1 Jɔn 4:19

Ya daŋni unu domi waa te a biksi ya di o daŋni yau.

1 Pita 1:8

Ma ha wa na un, amaa maa daŋni unu ka ma se su un. Chendaha Koosa piin nyɛ ma tu sɔɔna hali a la gali.

Ɛfɛ. 6:24

Koosa suŋi ba naa maga la daŋni ya kunyan Yesu Kristo awa daŋni naa vɛ kpak bɔ ni.

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

1 Jɔn 5:1

Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.

Jɔn 16:27

Mu nyan ti daŋni mau kinkan a la zi ya chen a nyɛ ma. Ma daŋni minu ka ma se su di mu funɛ li o watɛɛ. Chendaha o daŋni ma a chi chen.

1 Pita 2:25

Ma funɛ chi piisi nyuksɛwa. Lalaknɔ ma funɛ burgiu a wa Kristo naa chi ma nigbaŋi, wati. Waa la nyini ma siimsa.

Ju 4:13

Kin naa maga Koosa fun naami chen, puku a li gbampulim ni Koosa se ni. Wuzu digi o zi wa pɛɛsi ya magau chenani ya tumu.

Luk 22:32

N funɛ sumi Koosa a nyɛ hinu di chenani i si su min wa zi bur gantɛl hali a wa peti. Sintana wa zaamsi hin, i zi chelu, amaa i burɛɛ a tiŋ min nɛnɛ, n daŋni i chiŋi i dɔŋtima gantɛl nɛɛ.”

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

Room 14:1

Nar vɛ kpak kpok a li chenani o se su Yesu a la daŋni o lagmi ma ni, ma la un, amaa ma ta di chenani o lisi amɔrɛ.

Mat. 16:17

Yesu fun ŋɔ un, “Simɔn, Jɔn be, Koosa zi nyɛ i tuha sɔɔniu kinkan. Nibine wa fun koti a biksi hin wuti sɛm naa i sɛm nan, amaa mu nyana naa nyɛn o tɔhɔn ti ni, waa ka funɛ biksi hin.

JɔnN Deesi 2:23

Mu zi nyɛ o bisa sitiu, chen ni Yesu nitiŋɛ ta maga zi zimu di min ya naa zim chenani nibinsa bambe du. Mu zi bɔ ma magau a li chenani ma tum ni.

1 Pita 2:2

O lawa ma chi bichɛl pilimsa ba naa la daŋni ba numa ilwa. Saha maga o lawa maa daŋni Koosa biksiu, chen ni o zi kotiu a suŋi ma ma bi. O lawa ma biu, chen ni wuzu digi Koosa zi wa yisi mau a li ma tum tagna ni hali a wa peti.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Jɔn 21:12

Yesu fun ŋɔ ba, “Ma wa di diwe”. Ba maga funɛ zimu di o ya ba kunyan tirɛ. Chendaha ba nidigi wa fun pɛɛsi naa ya un.

Jɔn 21:7

Yesu gantɛl tiŋna naa o daŋni kinkan chen, fun na chenani yɛɛ, o fun ŋɔ Pita ni, “Naa chiŋɛ dooni chen ya ya kunyannɛ.” Simɔn Pita funɛ nu o sɛm ta, o fun vɔu takta naa o kpa lɔrgi ni chen a mari o bara kpala a za chiksi ni ti ni a la zaami un.

Mat. 18:10

“Ma doso ma ta wa ŋɔ di bisa nama ya yɔrirɛ. Ma nyɛ mu ŋɔ ma di ba malaikasa nyɛn mu kunyan Koosa naa nyɛn o tɔha ti ni suwachak ni. ((

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

1 Kɔr. 8:11

Kristo funɛ wa sou i dɔŋtiin ti daharɛ, amaa ma chɔk unu ma zima ti daha.

Jɔn 8:42

Yesu fun ŋɔ ba, “Ma nyan ti sir ya Koosa, ma fu zi daŋni minu domi mu li o watɛɛ. Mu wa wa bar nɔ n titirɛ, amaa waa tum min.

Maak 14:29

Doone Pita fun ŋɔ un, “Hali nara maga wa vɛ hin a ta, n waa wa zi gil hin.”

Luk 12:32

“Ma naa chi mu piisisa, ma ta ɔmi. Chenani ma kunyana Koosa dɔ ma ya un lɛmlɛmu kinkan.

Mat. 10:37

“Nar la daŋni o nyana koo o niina a kaali min, o wa deŋli di o tiŋ min. Nar la daŋni o nibabichɛla koo o nihabichɛla a kaali min, o gbanko wa deŋli di o tiŋ min.

Jɔn 13:37

Pita fun bu pɛɛsi un, “Mu kunyana, yɛrɛ mu vɛ ka koti a tiŋ hin lalaknɔ? Mu saksɛu di mu sou a nyɛ hin.”

Jɔn 1:42

O fun kpa Simɔn a wa Yesu wati. Yesu fun a nyini un a ŋɔ, “Hin ya Simɔn, Jɔn be ti. Mu nyɛ hin sɔn faliu ba yir hin Sifas.” Sɔn ti mun ya ‘gbɛntɛl’.

Mat. 26:35

Pita fun ŋɔ kpok ni, “Aai, mu wa zi kut ŋɔ di n wa zim hin. Hali n wa hin zi sou, n wa zi ŋɔ chen.” O gantɛl tiŋsi ta maga fun ŋɔ chen.

Mat. 26:33

Doone Pita fun ŋɔ un, “Hali nara maga wa vɛ hin a ta, n waa wa zi gil hin.”

Tuma 20:29

Mu funɛ kaali chen gantɛl nɛɛ, mu zimu di nara zi wau a chi gbesa a chem ba naa ma nyini chen a muksi ma kinkan.