Jɔn 1:45 - Tampulma

⁴⁵ Filip fun na baal naa ba yir Nataniɛl chen a ŋɔ un, “Mosis awa Koosa witinsa funɛ sɔbi a li Koosa sɛm tɔn ti ni saha digi Kristo naa Koosa fun ŋɔ di o zi wa tumu wuzu digi chen wɛ. Ya zim unu. Waa ya Yesu, Josɛf be, a li tɔhɔn naa ba yir Nazarɛt ni chen.”

Jɔn 1:45 交叉引用

Luk 24:27

Ba ha funɛ vɛɛn a val nyinbaan ni chene, Yesu fun biksi ba chenani Mosis awa Koosa witinsi ta maga fun sɔbi o wɛ saha digi chen a li Koosa sɛm tɔn ti ni.

Mat. 2:23

di o la sa o dama a li tɔhɔn naa ba yir Nazarɛt a li Galili pulum ni. O fun ya chen, chenani Koosa witinsi ta fun sɛm saha digi, chen ya wuti. Ba funɛ ŋɔ di, “Koosa be la zi yir Nazarɛt nar.”

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Luk 4:22

Yesu sɛm were fun ya ba lɛmlɛm ka alaazibu fun kpak ba kinkan. Ba bɔnɛ ka fun ŋɔ dɔŋ ni, “Baal nɔ, o wa ya Josɛf beree?”

Jɔn 18:7

Yesu fun bu pɛɛsi ba, “Antirɛ maa dɛu?” Ba fun vɛɛn ŋɔ un, “Ya dɛu Yesu Nazarɛt narrɛ.”

Maak 6:3

O laata funɛ ya bugilsal a nyɛn bar nɔ ni chenn? O niina laata ya Mɛri chenn? Jems, Josɛf, Judas awa Simɔn laata ya o niinbisa chenn? Ya wa o toosa laata lagmi nyɛnn?” Ba wa un wa fun lɛm dɔŋ ni, domi ba funɛ zim unu.

Mat. 21:11

Zɛmɛ ta bɔnɛ ba naa wa Yesu zu tɔhɔn ti, fun ŋɔ ba, “Koosa witiina Yesure. O li Nazarɛt naa nyɛn Galili pulum ni chene.”

Tuma 22:8

Mu fun ŋɔ, ‘Mu kunyana, anti ya hin?’ Ta ti fun ŋɔ, ‘Min ya Yesu Nazarɛt nar naa i namsi chen.’

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Jɔn 21:2

O gantɛl tiŋsa ba naa funɛ lagmi dooni, ya Simɔn Pita, Tɔmas ka o ya leu chen, Nataniɛl naa li Kena a li Galili pulum ni, Zɛbɛdi bisa lɛ awa nara balɛ.

Luk 2:4

Josɛf fun li Nazarɛt naa nyɛn Galili pulum ni a kaali tɔhɔn naa ba yir Bɛtlihɛm a li Judia pulum ni. Ba fun lul koor Devid dooni saha digi. Josɛf funɛ ya koor Devid bi lulirɛ. Chendaha o fun kaali dooni.

Maak 14:67

Nihabichɛl digi funɛ nyɛn doon a ya Koosa dam kɔkɔɔrsi ta nihɛɛ ti dam be. Waa funɛ na un ka o weeri din dooni. O fun a nyini Pita hali a vusi a ŋɔ un, “I gbanko tiŋ Yesu Nazarɛtrɛɛ?”

Mat. 13:55

O laata funɛ ya bugilsal be a nyɛn bar nɔ ni chenn? O niina laata ya Mɛri chenn? Jems, Josɛf, Simɔn awa Judas laata ya a niinbisa chenn?

Tuma 26:9

“O fun burgi a bu ŋɔ Agripa ni, ‘Mu fun lisi di mu zi kpak unu mu bambi ni kinkan di mu chɔk Yesu Nazarɛt nar sɔn.

Tuma 3:6

Pita fun bu ŋɔ un, “Ya wa kpak malɛ a la zi nyɛ hin, amaa ya zi nyɛ hin kundɔŋu. Kpa Yesu Kristo Nazarɛt nar kpok a si a val.”

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Jɔn 19:19

Pailɔt fun ŋɔ o lanjimasi ta ni ba sɔbi o yaali a mari o daakakli ti ni. Chenani ba fun sɔbi ya, “Yesu Nazarɛt narrɛ. Waa ya Ju tim ta koora.”

Jɔn 18:5

Ba fun ŋɔ un, “Ya dɛu Yesu Nazarɛt narrɛɛ.” O fun ŋɔ ba, “Minnɛ.” Judas naa funɛ li o gantɛl chen funɛ lagmi zɛmɛ ta ni.

Jɔn 6:42

Ba fun ŋɔ dɔŋ ni, “Baal nɔ, laata ya Yesu, Josɛf be ti, chenn? O nyana awa o niina laata ya zim chenn? Ka yɛrɛ o sɛm di o funɛ li Koosa tɔhɔn tirɛ?”

Luk 3:23

Yesu funɛ wa dugli bun fumtora, o fun piili a gba a biksi nara. Nara fun sɛm di o ya Josɛf bere. Josɛf nyana sɔn funɛ ya Hɛli.

Mat. 10:3

Filip, Batɔlɔmi, Tɔmas, Matiu naa funɛ ya lampo nilali, Jems, Alfius be, awa Tadius,

Luk 2:48

O nyan ti awa o niin ti funɛ na un, alaazibu fun kpak ba gbanko kinkan. O niin ti fun ŋɔ un, “N be, yɛrɛ i ya ya nan? I nyana awa min nyini i bar nyɛni a vusi. I namsi yau kinkan.”

Jɔn 1:44

Filip tɔhɔnnɛ ba funɛ yir Bɛtseida. Doonee Andiru awa Pita gbanko fun nyɛn.

Jɔn 6:5

Yesu fun burgi a nyini aa go a na zɛmɛ kinkan ka ba wa o wati. O fun pɛɛsi Filip, “Leene ya kaa ya pu diwe a yau a nyɛ zɛmɛ naa maga ni ba di?”

Jɔn 6:7

Filip fun ŋɔ un, “Ya yau boroboro sidi tusugsa nyuu, o wa zi tel ba hali ba di tama.”

Jɔn 12:21

Yesu gantɛl tiŋsi ta digi sɔn funɛ ya Filip. O tɔha funɛ ya Bɛtseida a li Galili pulum ni. Ba fun wa ŋɔ un, “Ya nihɛɛ, ya daŋni ya la pu Yesuu.”

Jɔn 14:8

Filip ha wa fun vɛɛn zim o sɛm ta mun a ŋɔ un, “Mu kunyana, ma nyɛ ya pu i nyan ti. Chen duŋduŋnɛ ya daŋni.”

Luk 18:37

Ba fun ŋɔ un, “Yesu naa ya Nazarɛt narrɛ.”