Gal. 6:2 - Tampulma

² Maa suŋi dɔŋa a li ma tuma maga ni. Ma ya chen, ma zi tiŋ chenani Kristo fun a biksi yau.

Gal. 6:2 交叉引用

Room 15:1

Ya naa se su Kristo nɛne, o lawa ya suŋi ba naa se vɛ su un nɛne. Ma ta nyɛ yaa lisi ya duŋduŋ kina wɛ,

1 Tɛs. 5:14

Mu niinbisa, ya ŋɔ mau wuti ni, ma ŋɔ nibin yarɛ ni a kikpami ba, a kisuŋi ba naa la ɔm wa ba kpak bambi, a kisuŋi ba naa se suuli gbarɛgɛɛ, aa kpak nara maga wa kanyita.

Jɔn 13:34

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

1 Jɔn 4:21

Nannɛ Kristo fun biksi ya. Naa la daŋni Koosa, o lawa o daŋni o dɔŋtima gbankou.

Jems 2:8

Maa tiŋ Koosa koor chiksɛ naa ba fun sɔbi a li o sɛm tɔn ti ni chen, nɛnɛ di ma daŋni dɔŋa a chi ma titi, chen weru.

Jɔn 15:12

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

1 Pita 2:24

Kristo funɛ sou a li o daakakli ti ni, o fun kpa ya tum tagna a du o titi ni, chen ni ya wa zi bu tum tum tagna, amaa ya zi tum tum wereu. O chɔɔra funɛ nyɛ ma na alaafɛu.

Mat. 8:17

O funɛ ya chene di chenani Koosa witiina Azaaya fun sɔbi a li Koosa sɛm tɔn ti ni saha digi, chen ya wuti. O fun ŋɔ, “O titi la zi tiibi ya wichɔɔrsi ta maga.”

Gal. 6:5

Nibine maga dɔ ba titi tumwa Koosa wati.

1 Kɔr. 9:21

Mu wa ba naa vɛ ya Ju tima a vɛ tiŋ Ju tim chiksɛ ta, wa lagmi, mu yaa kpa mu titiu a burgi ba, chen ni mu gbanko zi la ba bɔnɛu a nyɛ Koosa ni. Mu kpa mu titi a burgi nara nama, mu ha vɛɛn tiŋ Koosa nɔrɛ. Muu tiŋ chenani Yesu fun biksi ya di yaa tiŋnɛ.

Room 8:2

O siim weri naa funɛ kpa o mi fali ti a nyɛ ya, funɛ yisi ya a li tum tagna kpok ni awa chenani Koosa zi ta ya yɔri, domi ya wa Yesu Kristo ya nibɛgimnɛ.

Luk 11:46

Yesu fun ŋɔ un, “Ma Koosa chiksɛ nibiksɛ ta, yɛrɛ o kaa wa du ma ni? Ma fun a saksi bun yuga a lagmi dɔŋ ni a nyɛ nara chuŋi a, amaa ma wa fun kpa ma nisa a gbaŋsi bun tima.

Jems 1:25

Diga ti biksi ya chenani Koosa chiksɛ ta du. A weru hali a wa peti a biksi ya chenani ya zi gil ya tum tagna. Nibine nu Koosa chiksɛ ta a yaa lisi a naa la zi koti a yisi nara a li ba tum tagna ni wɛ a la tiŋ a a vɛ sugli, Koosa zi wa nyɛ un tu sɔɔnau a li tum naa o tum chen ni.

Jems 2:12

Wuzu digi Koosa zi wa kpa o chiksɛ naa biksi ya chenani ya zi gil ya tum tagnau a wa di ya sɛria. Adaha maa tiŋ aa kisɛm chenani la zi sɔɔni o tuha.

2 Pita 2:21

Ba funɛ te wa zim Koosa wuti nyinbaan ti a vɛ Koosa chiksɛ ta a li a gantɛl ni. Ba fu vɛ wa zim o wuti nyinbaan ti, chen fu bɔɛɛ.

2 Pita 3:2

Mu daŋni maa lisi sɛm naa Koosa witinsi ta fun sɛm saha digi wɛwa awa chenani ya kunyana naa funɛ yisi ya a li ya tum tagna ni yaa tiŋ un, fun a biksi o nitumɛ. Ba fun kpa chenani ba nu a wa biksi ma.