12 Ba naa la daŋni sɔna nara suwachak ni, ba waa la daŋni ba muksi ma di ba teŋsi ma. Ba daŋni ba teŋsi ma chene, chen ni nandigi wa zi nyɛ ba na namsi. Ba wa la nɔɔni di chenani ma se su Kristo naa funɛ sou a li o daakakli ti ni, magu.
Mu niinbisa, mu biksi di o lawa ba teŋsi ba naa la tiŋ Yesu, yɛrɛ Ju tim ta ha vɛɛn a muksi min kinkan? Mu biksi nara nan ni, ba wa zi muksi min. Mu zi kotiu a biksi nara di Kristo funɛ sou a li o daakakli ti ni a ta na muksi.
Chenani ba daŋni ba nyɛ malaikasa jirima a kilisi di ba ya nibin jɛɛgɛwa a kimuksi ba bara kinkan, nyɛ nara lisi di ba kpak zimau. Kin nama wa zi nyɛ ba gil ba tutɔ daŋnɛ.
Ba wa ya Koosa wuti nitumɛ. Ba ka ya nusun timwa, domi ba mur mau di ba biksi awa ya biksi ti ya kibɛgimnɛ. Ba fun chɛrgi ba titi di ma lisi di Yesu Kristo funɛ tum ba ma wati.
Wuzu digi nibin bɔnɛ fun li Judia pulum a kaali Antiɔk a la biksi Yesu nitiŋɛ ba naa ya ya nibinsa a nyɛn dooni, a ŋɔ ba, “Koosa wa kikoti a yisi ma a li ma tum tagna ni see ba teŋsi ma a chi chenani Ju tim ta chiksɛ ta biksi ya.”
Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.
Mu funɛ na ka ba vɛ tiŋ chenani Koosa laaboor weri ti biksi ya wuti, mu fun ŋɔ Pita ni ba maga suwachak ni, “I ya Ju tima, amaa i nyɛnu a chi ba naa vɛ ya Ju tima. Yɛrɛ ii daŋni i muksi ba naa vɛ ya Ju tima di ba nyɛn a chi Ju tim nyɛnɛɛ?”
Ba fun kpa Koosa sɛm tɔn ti kiwiwisa a naa ba fun guti a vɔti ba tilsa awa ba nisa, ba funɛ gutiu a zen. Zɔsɛ naa ba fun kpa gbaari ba kilaarɛ ziŋziŋɛ ni, ba fun nyɛ a gbanko zen. Ba funɛ ya chene di nibinsa nyɛ ba sɔna.
“Ma vɔti nɔɔna, ma ta nyɛ ma se nyakmi a chi ba naa vɔti nɔɔna a li gbampulim ni. Ba waa bɔrsi ba se, chen ni nara maga zi zim di ba vɔti nɔɔniwa. Ma nu mu sɛma. Ba waa piin na ba papahau.
“Adaha ma yaa tum tum were a nyɛ nara ni, ma ta mo luŋa yau ni awa ma bar lagmi dɛɛni ta ni a daŋni sɔn a chi nara bɔnɛ tum. Ba tum chene di nara pɛgi ba. Ma nu mu sɛma. Chenani nara pɛgi ba ya ba papaha.
“Ma sumi Koosa, ma ta sumi a li gbampulim ni. Nara bɔnɛ daŋni ba chiŋi yau ni awa ba bar lagmi dɛɛni nɛɛ a sumi Koosa di nara na ba a pɛgi ba. Ma nu mu sɛma. Chenani nara pɛgi ba ya ba papaha,
“Ma Koosa chiksɛ nibiksɛ ta awa Farisi tim ta. Yɛrɛ o kaa wa du ma ni? Ma ya nusun timwa. Ma chi hugilsa a naa bara weree ka hoga awa birsa su a tusiwa.