8 Koosa funɛ te biksi ba naa funɛ sɔbi a li o sɛm tɔn ti ni di o wa zi bu na ba naa vɛ ya Ju tima galimsa o suwachak ni, domi ba se zi wa su unu. Abraham funɛ te nu nan laaboor weri nɔ di, “Koosa zi suŋi ba naa maga nyɛn tɛɛnɛ nɔ maga niu a chi nan o daha.”
Ba funɛ wa biksi ya Koosa laaboor weri ti wɛ a chi chenani Mosis gbanko fun biksi ba chen. Amaa ba wa fun na nyɔɔra a li un ni, domi ba se wa fun su un.
Ba fun a sɔbi a li Koosa sɛm tɔn ti ni di tɛɛnɛ nɔ tim maga na galimsa ba tum tagna daha. Chendaha ba naa se su Yesu Kristo, la Koosa papaha naa o fun vɔu a nyɛ Abraham ni chen.
Ba fun bukoo sɔbi a li Koosa sɛm tɔn ti ni a ŋɔ, “Koosa funɛ kpa o vɔwe a nyɛ Abraham awa o be luli ni.” Ba wa fun sɔbi di o kpa a a nyɛ Abraham awa o bi lulɛ ni. O mun ya di o funɛ kpa a a nyɛ nibin bɛgim duŋduŋ nɛɛ. Chen tiina ya Kristo.
Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”
Ba funɛ bukoo sɔbiu a li Koosa sɛm tɔn ti ni chenani Koosa fun ŋɔ Ijipt tim koor ni, “Mu funɛ daŋni mu biksi hin mu kpokre, chen ni tɛɛnɛ nɔ tim maga zi nu mu wɛu a nyɛ min jirima. Chendaha mu fun vɔu hin koora.”
Ba fun bukoo sɔbi a li Koosa sɛm tɔn ti ni a ŋɔ, “Nihaan yom ti be awa naa vɛ ya yom chen be wa zi bɔni ba nyana kina. Chendaha ma duŋni nihaan yom ti awa o be ti a ta.”
Ba funɛ sɔbiu a li Koosa sɛm tɔn ti ni a ŋɔ, ‘Ba zi lul Kristo a li tɔhɔn naa ba yir Bɛtlihɛm ka o nyɛn Judia pulum ni. O zi wa ya koor Devid bi luliu. Chendaha ba kaa wa lul un a li o tɔhɔn ti ni.’ ”
