Filip. Tima 4:4 - Tampulma

⁴ Ma nyɛ ma tusa sɔɔni saha maga ya kunyan ti daha. Mu zi bukoo nɔ mau, ma nyɛ ma tusa sɔɔni.

Filip. Tima 4:4 交叉引用

Room 12:12

Ma kpak bambi bɛgim awa tu sɔɔna un ni, a kinamsi wa kanyita ni aa kpak un ma bambe ni a sumi Koosa saha maga.

Filip. Tima 3:1

Mu niinbisa, ma nyɛ ma tusa sɔɔni ya kunyan ti daha. Mu daŋni mu ŋɔ ma wu digirɛ. Mu funɛ te sɔbiu o wɛu a nyɛ ma a bura sɔbi nan. O zi suŋi mau ma ta cheli. Chendaha ma tuha sɔɔni di mu ya chen.

Mat. 5:12

Chene nibinsa funɛ muksi Koosa witinsa ba naa funɛ nyɛn saha digi chen kinkan. Koosa funɛ kpa o papaha zenu a chiŋsi o tɔha ni di o nyɛ ma. Chendaha ma nyɛ ma tusa sɔɔni kinkan.”

1 Pita 4:13

Ma waa la namsi a chi Kristo funɛ namsi. Chendaha ma nyɛ ma tusa sɔɔni. O wa bur wa, ka nara na o jirima awa o chaani kinkan, ma tusa zi wa sɔɔniu hali a la gali.

Tuma 16:25

O fun wa dugli tɔhɛɛsa, Pɔɔl awa Sailas funɛ sumi Koosa a lɔ boola a pɛgi un. Ba naa ba fun kpa gbaari ba ni dɛ ti ni fun kani a nu ba wati.

Tuma 5:41

Ba funɛ li, nitumɛ ta tusa fun sɔɔni kinkan di Koosa funɛ lisi ba di ba tuksi ba Yesu daha.

Gal. 1:8

Koosa malaikasi ta digi zi wa li o tɔhɔn tiu koo min wa biksi ma laaboor weri naa kurgɛɛ a li Koosa laaboor weri naa ya piin biksi ma chen, Koosa zi na ya galimsau a ta ya yɔri.

2 Kɔr. 6:10

Ya tusa yaa chɔku a bu sɔɔni kinkan. Ya ya fara timwa, amaa ya suŋi nidamatau kinkan di ba wa zim Koosa. Nibinsa lisi di ya wa kpak kundɔŋ, amaa ya waa ka dɔ kina maga.

Filip. Tima 2:18

O lawa mu wa ma gbanko tusa sɔɔniu.