Kɔl. 2:8 - Tampulma

⁸ Biksi bɔnɛ nyɛn doon ba yir zima. Nara bɔnɛ biksi a, amaa a ya yɔrirɛ. O ya nibinsa zimarɛ ba la alizin tagna wati. Adaha ma ta nyɛ ba wa kpak ma a muri. A nama wa li Kristo wati.

Kɔl. 2:8 交叉引用

1 Tim. 6:20

Timoti, kiil kin tima mu fun kpa a du i nin ni chen. Ta lagmi ba naa la sɛm di ba biksi nara chenani ba zi wa zim Koosa. Ba biksi ti ya yɔrirɛ. Saha maga nara nama di ba titi womsi amɔrɛrɛ a la sɛm sɛm tagna.

Ɛfɛ. 5:6

Ma ta nu nara womsi sɛma a nyɛ ba mur ma. Ba wara tiŋ Koosa nɔ. Chendaha o na paan a du ba ni a zi wa lɛrgi ba diŋsa.

Mat. 7:15

“Ma doso a kinyini witinsa ba naa vɛ zim Koosa. Ba wa wa ma wati, ba chi piisisiwa, amaa ba tusi ni ba chi gbesiwa a naa la daŋni diwewa.

Gal. 4:9

Lalaknɔ ma zim Koosa a ya o bisa ka o zim ma, yɛrɛ maa daŋni ma bur aa tiŋ chiina awa chiksɛ? Ma bur a daŋni ma ya a yosiwaa?

Kɔl. 2:20

O chi ma wa Kristo funɛ sou. Chendaha ma wa tɛɛnɛ nɔ maga zima wa kpak wu digi wa dɔŋ ni. Tɔ. Yɛrɛ maa tiŋ tɛɛnɛ nɔ maga zima ti a chi ma wa tɛɛnɛ nɔ tim maga ha vɛɛn ya nibɛgim? Yɛrɛ maa tiŋ nibinsa chiina,

2 Tim. 3:13

Amaa nimurɛ ba naa la tum tum tagna zi wa tumu aa gbaari. Ba wa la mur nara awa ba titi.

2 Pita 3:17

Amaa, mu bi daŋnɛ, ma piin zim kin nama wɛu. Maa il a ta nyɛ nibiksɛ ba naa la chɔk Koosa laaboor weri ti, wa mur ma a burgi ma Koosa wuti tiŋi ni ma chel ma bar kpok ni.

Ju 13:9

Nara wa biksi ma a kurgɛ a li chenani ma nihɛɛta fun te biksi ma, ma ta bur wuti nyinbaan ti ni a tiŋ ba. Chiksɛ naa la biksi ma diwe diili wɛ, a wa suŋi ba. Chendaha a vɛ suŋi ma. Chenani Koosa kpa o kpok a nyɛ ma a la suŋi ma, chen kaali ba chiksɛ ta maga kinkan.

2 Jɔn 1:8

Ma nyini ma titi nɛnɛ, chen ni ma wa zi wa chel a chɔk ya tuma. Ma ya chen, ma zi wa na papaha naa Koosa kaa wa kpa nyɛ ma wuzu digiu.

Gal. 4:3

Chen vɛɛna, wu damata awa chiksɛ funɛ te dɔ ya a nyɛ ya burgi a yosa ka ya zi wa zim Yesu Kristo.

2 Kɔr. 10:5

a lisi chenani nara zer ba titi a vɛ zim Koosa a ta. Ya kpa o kpokre a biksi ba, chen ni ba zi burgi a tiŋ Yesu Kristo nɔu awa ba bambe ni.

Kɔl. 2:18

Ma ta nyɛ nandigi wa ŋɔ di o lawa maa tiŋ a chi chenani oo tiŋu, chen ni ma wa zi wa na papaha naa Koosa kaa wa kpa nyɛ ma. O ŋɔ di ma ya nibin jɛɛgɛ a kinyɛ malaikasa jirima. O na kinawa a chi o deesi. Chendaha o ŋɔ di o zimu a kaali ma. O yir o titi nibin zen, amaa oo tiŋ chenani o gantɛl tuha kina wɛ durɛ.

1 Pita 1:18

Ma lisi saha naa ma funɛ tiŋ ma nawaalsa nyinbaan naa funɛ ya yɔri chen, Koosa wa fun kpa salma akoo aniita a naa la zi wa chɔk, a la ma nyuuna a nyɛ ma di ma burgi aa tiŋ un. O ka fun a tum Kristo tɛɛnɛ nɔ maga ni di o wa sou o chɛl li. Koosa fun kpa chɛl weri ti a la ma nyuuna a nyɛ ma. Kristo funɛ chi piisibe werire naa Ju tima yaa fun kpa a la kɔrigi chene.

Room 16:17

Mu niinbisa, mu sumi mau ma il aa zim ba naa la daŋni ba waligi ma a li dɔŋ ni a bur ma a li Yesu tiŋi ni. Chenani baa biksi awa chenani nara fun te wa biksi ma yo dɔŋa. Ma ta lagmi ba ni.

Ɛfɛ. 4:20

Chen laata ba fun biksi ma di maa tiŋ Yesu Kristo.

Gal. 1:14

Mu funɛ tiŋ chenani Ju tim ta tiŋu nɛnɛ a kaali ba naa nyuuna mak dɔŋa. Mu se funɛ sɛriu kinkan di mu wa tiŋ mu nawaalsi ta nyinbaan.

Filip. Tima 3:2

Ma doso kinkan ba naa funɛ teŋsi ba titi bara a la tum tum tagna a la daŋni ba teŋsi ma gbanko chen. Ba chi vasa a naa ya yɔrirɛ a gba a tum tum tagniwa.

Mat. 16:6

Yesu fun ŋɔ ba, “Ma kpak ma titi nɛnɛ aa kidoso Farisi tim ta awa Sajusi tim ta lure naa ba yaa kpa a du boroboro ni.”

Mat. 10:17

Ma doso. Nara zi kpak mau wa kpok ni a la sɛria bar diili dɛ. Ba zi tuksi ma wa vurmsi niu a li ba bar lagmi dɛɛni ta ni.

Kɔl. 2:22

Chiina awa chiksɛ na nibinsa fun naami ka maa tiŋ a nan, a ya yɔrirɛ.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

Tuma 17:18

Nibiksɛ ba naa ba yir Ɛpikurian awa Stɔik wa Pɔɔl gbanko funɛ di amɔrɛ. Ba bɔnɛ fun ŋɔ dɔŋ ni, “Nyu bilim tiin nɔ wa zim chenani o biksi chen mun.” Ba bɔnɛ ka fun ŋɔ dɔŋ ni, “O chi o biksi vursa a naa hɔɔra nyɛ a jirima wɛwa.” Ba funɛ sɛm chene, domi Pɔɔl funɛ biksi ba Yesu wɛ awa chenani Koosa fun lɛli un a li o sou ni.

Tuma 17:32

Nihɛɛti ta awa nibiksɛ ta bɔnɛ nu ka Pɔɔl sɛm di Koosa funɛ lɛli Yesu a li o sou ni, ba funɛ mɔmsi un. Bɔnɛ ka fun wa ŋɔ un, “Ya daŋni i bur wa biksi yau a gbaari.”

1 Kɔr. 8:9

Amaa ma doso. Ma vɛ chi a a la se vursa namsa, ma ta nyɛ ma yaali ti mur ba naa ŋɔ di namsi ta zi nyɛ ma dɔŋu, a wa chel.

1 Kɔr. 10:12

Chendaha naa lisɛɛ di o chiŋɛ nɛnɛu, o doso a ta wa cheli a chi ba.

Gal. 5:15

Ma yaa na paan a du dɔŋ ni a la di dɔŋa wa amɔrɛ, ma doso. Wuzu digi ma zi wa chɔk dɔŋau.

Kɔl. 2:23

Chenani ba daŋni ba nyɛ malaikasa jirima a kilisi di ba ya nibin jɛɛgɛwa a kimuksi ba bara kinkan, nyɛ nara lisi di ba kpak zimau. Kin nama wa zi nyɛ ba gil ba tutɔ daŋnɛ.

Ju 3:12

Mu niinbisa, ma doso. Ma ta nyɛ ma se suuli bur gantɛl ka ma tum tum tagna, a bur tiŋ Koosa naa nyɛnɛɛ, nyinbaan.