Kɔl. 1:10 - Tampulma

¹⁰ Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

Kɔl. 1:10 交叉引用

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Ju 13:21

Koosa naa ya bara sɔɔna tiina, zi yisi kin naa maga ma daŋniu a nyɛ ma, chen ni ma zi kotiu a tiŋ o tutɔ nɛnɛ. Yesu Kristo la suŋi ya di ya tum tum were a sɔɔni Koosa tuha. Ma nyɛ ya nyɛ Yesu wa jirima kinkan hali saha naa vɛ kpak bɔ. Ami.

1 Jɔn 3:22

Ya sumi un kundɔŋ, o zi nyɛ yau, domi yaa tiŋ o nɔ sɛmwa a la tum tum naa la sɔɔni o tuha.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

1 Tɛs. 4:1

Mu niinbisa, ya funɛ biksi mau chenani ma zi tiŋ Koosa di o tu kisɔɔniu. Chene maa tiŋ chen. Amaa ya sumi mau Yesu sɔn daha di ma bukoo tiŋ chen a gbaari.

Ju 13:16

Ma ta suglɛ di ma tum tum were a kisuŋi dɔŋa saha maga. Chenani ya ya chen gbanko kɔɔr naa sɔɔni Koosa tuha kinkan.

Jɔn 15:8

Chenani maa tum tum were a nyɛ min a gbaari la zi biksi nara di ma ya mu gantɛl tiŋsiwa. Doone ba zi bur a nyɛ mu nyan ti wa jirima kinkan.

Tait. 3:14

Kibiksi i nara ba se sɛri baa tum tum were, chen ni ba zi koti a suŋi ba naa la daŋni suŋi wuti niu. Ba ta ya nibin yɔrisa.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.

2 Pita 1:8

Ma tum tum were nama a gbaari, a zi nyɛ chenani ma zim ya kunyan Yesu Kristo bukoo zenu a gbaari.

Kɔl. 2:6

Ma fun la nɔɔni di Yesu Kristo ya ma kunyana. Chendaha maa tiŋ un nɛnɛ.

1 Tɛs. 2:12

Ya funɛ belimi mau a la kpami ma a ŋɔ ma di ma tum tum naa la zi sɔɔni Koosa tuha. Waa ya naa funɛ yir ma di ma wa zu o koor ti. O wa ma zi wa bɔni o jirima awa o chaaniu wuzu digi.

Kɔl. 4:5

Ma wa ba naa vɛ tiŋ Yesu, lagmi dɔŋ ni, ma lisi chenani ma zi tiŋ wa nɛha a li ba wati. Maa biksi ba Koosa nyinbaan saha maga.

Ɛfɛ. 5:15

Maa doso ma nyɛni ni. Ma ta tiŋi a chi womna, amaa maa tiŋ a chi ninɛɛgɛ.

Ɛfɛ. 2:10

Koosa fun nyɛ ya wa Yesu Kristo ya nibɛgim, chen ni ya zi tum tum wereu a nyɛ un. O funɛ lisi yau saha digi di ya tum nan a nyɛ un.

2 Kɔr. 2:14

Ma nyɛ ya pɛgi Koosa kinkan. Waa funɛ nyɛ ya wa Kristo ya nibɛgim. Lalaknɔ waa dɔ ya. Saha maga waa nyɛ ya gba a biksi nara, chen ni ba zi na nyinbaanu a zim un.

Room 6:4

Ba funɛ chaksi ya, o chi ya wa un funɛ sou ka ba sogli ya, ka Koosa fun lɛli ya a li ya sou ni a nyɛ yaa tiŋ o mi fali ti nyinbaan. O funɛ kpa o kpok kinkan tirɛ a lɛli Kristo a li o sou ni. Chendaha o fun koti a ya chen a nyɛ ba.

Ɛfɛ. 5:10

Ma kpak un ma bambe ni a zaamsi ma tuma a nee a zi sɔɔni ya kunyan ti tuhau.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

Tait. 3:1

Kilisi nara di baa kpa ba bambe a du ba koora awa ba nyuhu tim ni a tiŋ ba nɔɔna a kisaksi ba titi aa tum tum were saha maga.

Kɔl. 3:20

Bichɛsa, maa tiŋ ma nyama awa ma numa nɔɔna a li kina maga ni, chen ni ma zi sɔɔni ya kunyan ti tuhau.

Ɛfɛ. 4:13

Ya se su Koosa be a gbaari a wa zim un nɛnɛ, ya maga zi kpak nɔ bɛgimu wa dɔŋ ni. Ya ya chen, ya zi mak nibaalau a burgi a chi chenani Yesu Kristo wer a peti chen.

Ju 11:5

Baal digirɛ ba funɛ yir Inɔk, o se fun su Koosa. Chendaha Koosa wa fun nyɛ o sou. Wuzu digi Koosa fun wa kpa un a zini a zu o tɔhɔn ti. Nandigi wa fun koti a na un. Ba fun a sɔbi a li Koosa sɛm tɔn ti ni, di Inɔk funɛ nyɛn, o yaa fun sɔɔni Koosa tuhau kinkan.

2 Tim. 2:4

Lanjima la laal ni, o yaa gil o kina magau a ta gantɛl ni. O yaa daŋni o tuma sɔɔni o nyuhu tiina tuhau.

Kɔl. 2:19

O wara tiŋ Kristo naa ya ya nyuhu tiina. Ya waa ya o bara luk pɛksa a la na kpok awa suŋi a li un ni. O wa ya ya nibɛgimnɛ ka yaa bi a chi chenani Koosa daŋni yaa bi.

Filip. Tima 4:18

Ma papaha naa Ɛpafrodaitus fun kpa li ma wati, a mak chenani mu daŋni a kaali. Chenani ma fun ya nyɛ Koosa tuha sɔɔni kinkan. O chi Ju tim ta funɛ kpa sela a kɔɔri kɔɔra a nyɛ Koosa ni saha digi chene.

Ɛfɛ. 1:17

chen ni naa ya ya kunyan Yesu Kristo nyana a kpak jirima kinkan, o zi kpa o zimau a nyɛ ma a biksi ma a biksi ma o titi wɛ gbampulim ni, chen ni ma zi zim unu nɛnɛ.

2 Kɔr. 9:8

Ma ya chen, Koosa zi bu gbaari mau a i a kaali chen, chen ni saha maga ma zi kpaku a mak ma titi ka ma nyɛ nara ni.

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

Room 4:12

Ba naa ba teŋsi nyɛ ba se su Yesu a chi Abraham si funɛ su Koosa chen, ba gbanko ya Abraham bi lulɛwa.

Room 1:13

Mu niinbisa, mu daŋni ma zimu di mu funɛ daŋniu mu wa ma wati bu damata, amaa mu wa fun koti a wa. Mu daŋni mu lisi narawa ma wati a nyɛ Koosa ni a chi mu funɛ lisi ba a li ba naa vɛ ya Ju tim wati bawu maga ni.

2 Kɔr. 5:9

Ya nyɛn bar nɔ koo ya duglɛ un a li Koosa tɔhɔn ti ni, o lawa ya kpak unu ya bambe ni o ya Koosa wa tu sɔɔna.

3 Jɔn 1:6

Ba funɛ sɛm i wɛu a nyɛ Yesu nitiŋɛ ba naa nyɛn bar nɔ ni. Ba funɛ pɛgi hinu a li chenani ii daŋni ba ni. Ba wa saksi di ba li, i suŋi ba ba li nyinbaan ti ni nɛnɛ, chen ni i zi sɔɔni Koosa tuhau kinkan.