2 Tim. 4:2 - Tampulma

² Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

2 Tim. 4:2 交叉引用

1 Tɛs. 5:14

Mu niinbisa, ya ŋɔ mau wuti ni, ma ŋɔ nibin yarɛ ni a kikpami ba, a kisuŋi ba naa la ɔm wa ba kpak bambi, a kisuŋi ba naa se suuli gbarɛgɛɛ, aa kpak nara maga wa kanyita.

Tait. 2:15

Kibiksi kin nama a nyɛ nara ni. Kpa Koosa kpok naa o nyɛ hin chen a kpami ba naa la nu i biksi ti. Ba vɛ nu i nɔ, i kpaŋi i titi a ŋɔ ba di ba burgi ba nyuuna. Kpa Koosa kpok ti, chen ni nandigi wa zi koti a nyini hin di i ya bichɛllɛ.

1 Tim. 4:13

Hali mu wa wa i wati, kpak si sɛm a karimi Koosa sɛm tɔn ti nara suwachak ni a kibiksi ba Koosa wɛ.

JɔnN Deesi 3:19

Mu zulimi ba naa maga mu daŋni a biksi ba ba tum tagna. Ma gil chenani ma funɛ tum a kpak si sɛm awa mu tiŋi ni.

Tait. 1:13

O sɛm ta ya wutirɛ. I lawa i burgi Yesu nitiŋɛ ta nyuunau wa kpok ni, chen ni ba zi kpak Koosa wuti tiu nɛnɛ.

2 Tim. 2:21

Ba naa maga gil ba tum tagna, ba chi aniita awa salma kin nawara ba kpa chiŋsi a pɔ wuzu zene chene. Ba saksi ba titiu di ba tum tum were a nyɛ un.

Gal. 6:6

Naa funɛ nu Koosa laaboor weri ti Kristo wɛ, o wa o nibiksɛ bɔni o kina.

Room 12:12

Ma kpak bambi bɛgim awa tu sɔɔna un ni, a kinamsi wa kanyita ni aa kpak un ma bambe ni a sumi Koosa saha maga.

2 Tim. 3:10

Amaa i chau chenani muu biksi nara nɛɛ awa chenani mu nyɛni du wa chenani mu kpak un a li mu bambi ni di muu tiŋ Koosa. I gbanko zimu di mu si yaa su Koosau ka mu daŋni mu dɔŋtima awa kanyita ni wa chenani mu di mu namsi.

1 Tim. 5:20

Ba naa la tum tum tagna, kpaŋi a burgi ba nyuuna nara suwachak ni, chen ni ba naa nuɛɛ zi ɔmu.

Kɔl. 1:25

Koosa nyɛ mu tum a nyɛ o nitiŋɛ ta ni, chen ni mu zi suŋi bau kinkan. Waa funɛ nyɛ mu ya chen tumtumna a ŋɔ di muu biksi o laaboor weri ti maga hali a wa peti.

Room 10:15

Koosa fu vɛ tum nandigi, anti fu zi koti a biksi nara tima o wɛ? Ma zim chenani ba fun sɔbi a li Koosa sɛm tɔn ti ni a ŋɔ, “Ba naa la gba a la mɔɔli Koosa laaboor weri ti, ba waali weru kinkan.”

Tuma 20:7

Asibri wuzu zaazɔn ya wa Yesu nitiŋɛ ba naa funɛ nyɛn Troas ni, fun lagmi a di diwe. Ya funɛ di peti, Pɔɔl fun si a ŋɔ ya ni. O funɛ sɛm chene hali tɔhɛɛsa. Chɔɔsa zi wa pisi, o funɛ daŋni ya li dooni. Chendaha o fun sɛm a vusi.

Tuma 16:13

Ju tim ta wuzu hiisi funɛ wa tel, ya fun li tɔhɔn ti ni a la val pul nɔ ni, a dɛu doonani Ju tim ta yaa lagmi a sumi Koosa. Ya funɛ na un, ya fun la lagmi nihaani ni a kani dooni a sɛm.

Luk 9:60

Yesu fun ŋɔ un, “Tiŋ min lalaknɔ a la biksi nara di Koosa daŋni o dɔ bau. Nyɛ ba naa vɛ tiŋ min sogli un.”

Luk 7:4

Ba fun wa Yesu wati a sumi un nɛnɛ a ŋɔ un, “Lanjima nihɛɛ nɔ daŋni ya walɛu a fun sa ya bar lagmi dɛ a nyɛ ya. Adaha i kpaŋi i titi a wa suŋi un.”

1 Tɛs. 5:20

Ma ta sɛm sɛm tagna a nyɛ laaboor naa Koosa witinsa ta sɛm a li o kpok ti ni chen.

Luk 7:23

Ba naa vɛ beeli mu wɛ, ba tusa sɔɔnɛu.”

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

Ju 13:22

Mu niinbisa, mu tɔn naa sɔbi a nyɛ ma nan, o wa ziŋ. Mu sumi mau di ma nu mu sɛma a naa la zi kpami ma, wa kanyita ni.

Tuma 28:16

Ya funɛ la tel Room, ba fun nyɛ Pɔɔl nyɛn o duŋduŋ ka lanjima il un.

Tuma 13:5

Ba fun tum chenani o sɛm ba a kpa Jɔn Maak a gbaari ba titi ni. Ba funɛ la tel tɔhɔn naa ba yir Salamis a li Saiprus pulum ni, ba fun gba a zu Ju tim ta bar lagmi dɛɛna aa biksi ba Koosa laaboor weri ti.

Kɔl. 4:3

Maa sumi Koosa gbanko a nyɛ ya di o nyɛ ya nyinbaan ya sɛm nara ni o laaboor weri ti wɛ aa biksi ba o kisogli wɛ. O wu sogli ti ya Kristo. O laaboor weri ti daha ba fun tɔ min dɛ.

1 Tɛs. 1:6

ka ma fun a tiŋ ya awa ya kunyan ti. Domi ma funɛ la nɔɔniu Koosa laaboor weri ti ni, nara funɛ muksi ma kinkan, amaa Koosa siim weri ti funɛ nyɛ ma tusa sɔɔniu kinkan.