2 Tim. 3:16 - Tampulma

¹⁶ Koosa titi fun nyɛ ba naa funɛ sɔbi a li o sɛm tɔn ti ni saha digi chen di ba sɛm ta ya wutiu. O nitiŋɛ ta koti a kpa o sɛm tɔn ti a biksi nara o wuti ti wɛ. Ba gbanko koti a biksi ba chenani baa tum tum tagna awa chenani ba zi gil a a kitum tum were,

2 Tim. 3:16 交叉引用

Room 15:4

Kin nawara ba fun sɔbi a li Koosa sɛm tɔn ti ni saha digi, a waa nyɛn dooni di a kpami ya a biksi ya di ya kpak kanyita, chen ni ya kpak bambi bɛgim Koosa ni.

Ju 4:12

Koosa kpak miisa awa kpok kinkan. Chendaha o sɛm maga tum. A diu a kaali chi nɔsa lɛ a zu nara bambe ni a zim chenani ba lise maga du.

Maak 12:24

Yesu fun ŋɔ ba, “Ma wa zim Koosa sɛm tɔn ti ni nɛnɛ. Chendaha ma nyuksi nyinbaan. Ma wa vɛɛn zim o kpok gbanko.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

Tuma 20:20

Mu funɛ biksi Koosa laaboor weri ti a nyɛ ma nara suwachak ni a vɛɛn biksi ma a li ma damsi ni. Kinkin naa la zi suŋi ma wa ka mu vɛ ŋɔ ma.

Jɔn 3:20

Ba zimu di ba tum ba tum tagna nha ni, nara maga zi na chenani ba tumu. Chendaha ba chɔ li un ni.

Mat. 13:52

Yesu fun bukoo ŋɔ ba, “Nibinsa ba naa funɛ tiŋ Koosa chiksɛ gantɛl duŋduŋ ka Koosa dɔ ba lalaknɔ, ba waa chi ba naa kpak napagsa. Ba waa kote a lisi wuti bunɛ awa wuti falɛ a li ba napagsi ta ni a biksi nara.”

Tuma 18:25

O funɛ zim chenani nara tiŋ ya kunyan ti, amaa ba wa fun kpa Yesu sɔn a chaksi un. Ba ka funɛ kpa nire a chaksi un a chi chenani Jɔn fun chaksi nara wa ni ni chen. O funɛ biksi Ɛfɛsus tima wuti awa si sɛm nɛɛ Yesu wɛ.

Room 2:20

aa ŋɔ di ma koti a biksi ba naa ya womniwa awa ba naa ya bichɛsa. Ma kpak bambeu di ma kpak zima awa wuti maga hali a wa peti a li o chiksɛ ta ni.

Gal. 3:8

Koosa funɛ te biksi ba naa funɛ sɔbi a li o sɛm tɔn ti ni di o wa zi bu na ba naa vɛ ya Ju tima galimsa o suwachak ni, domi ba se zi wa su unu. Abraham funɛ te nu nan laaboor weri nɔ di, “Koosa zi suŋi ba naa maga nyɛn tɛɛnɛ nɔ maga niu a chi nan o daha.”

Ju 3:7

Ba fun sɔbi a li Koosa sɛm tɔn ti ni di o siim weri ti funɛ ŋɔ, “Koosa sɛm sɛma ma wati zinan,

1 Kɔr. 12:7

Koosa siim weri ti funɛ kpa o papaha a nyɛ ma nibɛgim bɛgim ni di maa suŋi dɔŋa.

Tuma 20:27

Kin naa maga Koosa daŋni o tum wa ka mu vɛ biksi ma.

Mat. 26:56

Chenani Koosa witinsi ta fun sɔbi saha digi a li o sɛm tɔn ti ni, chen la ya zinan.” Doone o gantɛl tiŋsi ta maga fun si chɔ kaali a ka un.

Tuma 1:16

“Mu dɔŋtima, ba funɛ sɔbiu a li Koosa sɛm tɔn ti ni chenani Koosa siim weri ti fun nyɛ koor Devid te sɛm di Judas zi nyini ba naa funɛ kpak Yesuu. O sɛm ta fun ya wuti.

Mat. 21:42

Yesu fun pɛɛsi ba, “Ma ha wa karimi Koosa sɛm tɔn ti aa zim o muna doonani o ŋɔ di, ‘Buŋkul naa tɛsaalsa fun vɛ chen, waa ya buŋkul kpok aa ya kibirigi? Koosa zi kpa un a baŋ dɛ ti zɛchik ni. Koosa tuma funɛ chi chene. A fun ya nara alaazibu kinkan.’ ”

Room 4:23

Ba wa fun sɔbi sɛm nama a li Koosa sɛm tɔn ti ni a nyɛ Abraham duŋduŋnɛ.

Ju 11:1

Ya naa se su Koosa, ya zimu di wuzu digi o zi wa lisiu a li o kina ni a nyɛ ya. Ya kpak bambi bɛgimu kin nama ya ha vɛ naaliu.

Room 3:2

Ju tim ta kpak nyusumu a kaali ba a li wu damata ni. Wu birigi naa Koosa fun biksi o sɛma a du Ju tim ta nin ni.

Tuma 28:25

Pɔɔl sɛm ta fun nyɛ Ju tim ta di dɔŋa wa amɔrɛ ka ba funɛ daŋni ba la, amaa Pɔɔl funɛ nyɛ ba chiŋiu o sɛm ba sɛm tama a gbaari. O funɛ ŋɔ bau, “Koosa siim weri ti fun nyɛ Koosa witiina Azaaya sɛm wuti sɛma a nyɛ ma nawaalsi ta ni saha digi.

Maak 12:36

Koosa siim weri ti funɛ biksi Devid saha digi, Devid fun a sɛm Kristo wɛ, ‘Mu kunyana Koosa funɛ ŋɔ mu kunyan ni, kani mu nihɛɛti bar kani ni, ka mu nyɛ i dɔma burgi i yosa.’

Mat. 26:54

Mu ya chen, kin nawara ba fun a sɔbi n wɛ a li Koosa sɛm tɔn ti ni chen, wa zi wa ya wuti.”

Mat. 22:43

O fun bu pɛɛsi ba, “O ya di wutirɛ, yɛrɛ Koosa siim weri ti funɛ biksi Devid di o yir Kristo o kunyana. Ba funɛ sɔbiu a li Koosa sɛm tɔn ti ni di Devid ŋɔ,