11 Ya funɛ nu di ma bɔnɛ ya zanyɛrka timwa a la zu ba dɔŋtima wɛ ni. Chendaha ya sɔbi nan a nyɛ ma.
Luhaan butoosa gbanko zi kpak zanyɛrkau a gba nara damsa a zu ba wɛ ni aa lɔ nara gantɛl.
Ma zimu di ma ta kpu nara a ta ŋmɛɛli a ta tum tum tagna a ta zu nara wɛ ni. O wa ya Koosa tutɔrɛ maa namsi kin nama daha.
Mu niinbisa, ya kunyan Yesu Kristo ŋɔ ya di ya ŋɔ ma kin nama wɛ. Ma ta nyɛ ma wa ba naa kpak zanyɛrka lagmi, domi ba wara tiŋ ya biksi ti.
Ma kpaŋi ma titi aa tum ma tuma balimm. Ma ta zu ma dɔŋtima wɛ ni. Ma gbanko kidi ma bara wilim ni a chi chenani ya fun piin a biksi ma chen.
Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.
