2 Kɔr. 1:17 - Tampulma

¹⁷ Mu funɛ te daŋni mu wa ma watiu a bu vɛ daŋni, nan nyɛ mu burgi a chi naa chɛrgi o bambi saha magaa? Mu kpak sire a te daŋni mu wa ma wati a bu vɛ daŋnii?

2 Kɔr. 1:17 交叉引用

Mat. 5:37

Ma la nɔɔni koo aai. Ma sɛmɛɛ a kaali nan ni, ma sɛm ta maga li sintana watɛɛ.”

Jems 5:12

Mu niinbisa, a naa kaali a nama maga, o wa werwa ma hɛɛsi Koosa tɔha akoo tɛɛnɛ nɔ maga koo kundɔŋ maga. Ma la nɔɔni akoo ma wa la nɔɔni, a ta hɛɛsi, chen ni ma wa zi zu Koosa sɛria bar diili dɛ.

Jɔn 8:15

Ma yaa di nara sɛria dentil nee. Mu ka wara di nandigi sɛria.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

1 Tɛs. 2:18

O wa ya di bu bɛgimnɛ mu waa, Pɔɔl, funɛ kpaŋi di mu bur wa ma wati, amaa sintana funɛ tɔ ya nyinbaanu. Ya fun vɛ koti a waali.

Gal. 2:2

Koosa titi funɛ biksi min di ya la dooni. Ya wa Yesu nitiŋɛ ba naa nyɛn dooni, nihɛɛta fun wa lagmi dɔŋ ni ya duŋduŋ. Mu fun ŋɔ ba chenani mu fun biksi ba naa vɛ ya Ju tima Koosa laaboor weri ti wɛ. Mu wara daŋni ba lisi di tum naa mu tum a nyɛ Koosa ni chen ya yɔrirɛ.

Gal. 1:16

a nyɛ mu wa zim o be Yesu ti gbampulim ni, chen ni mu zi la biksi ba naa vɛ ya Ju timau o laaboor weri ti wɛ. Mu wa fun lagmi nandigi ni di o ŋɔ min chenani mu zi tum,

Mat. 1:19

Josɛf funɛ ya wuti tiinne. Chendaha o funɛ daŋni o tum chenani deŋlee. O wa funɛ daŋni o du Mɛri wa hiisa nara suwachak ni a la daŋni o sogli a vɛ un.

2 Kɔr. 11:18

Nibiksɛ nama la tiŋ ba titi daŋnɛ aa daŋni sɔna a du ba titi ni. Chendaha mu gbanko daŋni sɔn.