1 Tɛs. 5:14 - Tampulma

¹⁴ Mu niinbisa, ya ŋɔ mau wuti ni, ma ŋɔ nibin yarɛ ni a kikpami ba, a kisuŋi ba naa la ɔm wa ba kpak bambi, a kisuŋi ba naa se suuli gbarɛgɛɛ, aa kpak nara maga wa kanyita.

1 Tɛs. 5:14 交叉引用

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

Room 14:1

Nar vɛ kpak kpok a li chenani o se su Yesu a la daŋni o lagmi ma ni, ma la un, amaa ma ta di chenani o lisi amɔrɛ.

Tuma 20:35

Mu funɛ tum nannɛ di mu biksi ma chenani ma gbanko zi wa tum a koti a suŋi fara tima. Ma lisi chenani ya kunyana Yesu fun biksi ya. O funɛ ŋɔ, ‘Nar lisi a li o kin ni a nyɛ nandigi ni, o tuha zi sɔɔniu a kaali nara nyɛ un kina.’ ”

Kɔl. 1:28

Kristo wɛ duŋduŋnɛ ya yaa biksi nara. Yaa kpami nara maga a biksi ba awa zima maga, chen ni ba zi wa ya nibin wereu kinkan, domi ba wa Kristo ya nibɛgimnɛ.

Ju 13:3

Maa lisi ba naa ba fun kpa la tɔ dɛ a chi ma nyɛn ba watɛɛ dooni wɛ. Maa gbanko kilisi ba naa la na namsi a chi ma titi la na namsi wɛ.

1 Tim. 6:11

Amaa i waa naa la tiŋ Koosa, ta tum tum tagna chen ni. Nyɛ i si sɛri wa tum were tumi ni ka i tiŋ Koosa nɛnɛ. Nyɛ i si su un kinkan a ya jɛrgi a kidi i namsi a kidaŋni nara maga.

Ɛfɛ. 4:2

Ma ya jɛrgɛ tima a kpak dɔŋ wa kanyita saha maga. Maa suŋi dɔŋa, chen ni nara zi zimu di maa daŋni dɔŋau.

1 Kɔr. 4:14

Mu wa sɔbi nannɛ a nyɛ ma di mu nyɛ hiisa kpak ma, amaa mu daŋni mu dɛɛsi mau a chi mu titi bisa.

Tuma 20:31

Ma doso a kilisi chenani mu fun kpak un mu bambi ni di mu biksi ma bunsa tora a ta hiisi tama.

Mat. 12:20

O zi wa suŋi fara tima ba naa chi kɔ borke chenu. O zi wa kpa o kpok a nyɛ jɛɛgɛ tima ba naa chi fitin nyiksi ni. O wa zi wa gil nan yaali hali o biksi ti wa di.

Ju 12:12

Kin nama daha, ma kpak bambe a tum tum naa kaɛɛ.

Tait. 1:6

O lawa nihɛɛ kpak sɔn weri wa nara niu a kpak nihaan bɛgim duŋduŋ a kpak bisa ba naa se su Koosa. Ba ta chɔk o malɛ aa kitiŋ o nɔ.

1 Tim. 3:3

O wa lawa o nyɔ sin a dɛɛsi a kpak nara wa tuha sa a kidaŋni o ya malɛ tiina. O lawa o ka ya jɛrgiu a kpak bara sɔɔna saha maga,

Ɛfɛ. 4:32

Ma ka ya jɛrgɛ nara a kpak dɔŋa wa siki saha maga. Yesu Kristo siwi daha, Koosa fun gil ma tum tagna a nyɛ ma. Chendaha ma gbanko gil a nyɛ dɔŋ ni.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Room 12:1

Mu niinbisa, Koosa funɛ kpak ma sikiu kinkan. Chendaha mu sumi ma di ma kpa ma titi a nyɛ un a chi nara yaa kpa kina a kɔɔri kɔɔra chen. Ma ya chen a ya nibin were, ma zi tiŋ unu nɛnɛ a sɔɔni o tuha kinkan.

Tuma 20:27

Kin naa maga Koosa daŋni o tum wa ka mu vɛ biksi ma.

Luk 22:32

N funɛ sumi Koosa a nyɛ hinu di chenani i si su min wa zi bur gantɛl hali a wa peti. Sintana wa zaamsi hin, i zi chelu, amaa i burɛɛ a tiŋ min nɛnɛ, n daŋni i chiŋi i dɔŋtima gantɛl nɛɛ.”

Tait. 1:10

Nibin damata vɛ tiŋ Koosa nɔ a kpa ba sɛm yɔrisa a la mur ba dɔŋtima. Ju tima ba naa ŋɔ di ba se su Yesu, bɔnɛ la ya chen a kaali ba maga.

1 Kɔr. 8:7

Amaa nara nidamata laata zim di nan ya wutiu. Nibinsa ba naa funɛ nyɛ vursa jirima kinkan, bɔnɛ wa se vursa nɛmɛ, ba yaa lisi di ba jɛɛmi vursi tawa. O fun muksi ba di nɛmɛ naa ba se chen, zi nyɛ ba doŋu.

2 Tɛs. 3:15

Ma ta ya un a chi o ya ma dɔmnɛ, amaa ma kpaŋi a burgi o nyuha o tiŋ nyinbaan ti a chi ma niinbe.