1 Tɛs. 2:13 - Tampulma

¹³ Ya gbanko yaa zaami Koosau domi ya funɛ a wa ma wati a fun ŋɔ ma Koosa sɛma, ma funɛ nuu a la nɔɔni di a ya wutiu. A wa fun ya nibinsa sɛmwa amaa Koosa titi sɛmwa. O kpa o sɛma aa du ma naa se su un di aa tum ma ni.

1 Tɛs. 2:13 交叉引用

Ju 4:12

Koosa kpak miisa awa kpok kinkan. Chendaha o sɛm maga tum. A diu a kaali chi nɔsa lɛ a zu nara bambe ni a zim chenani ba lise maga du.

Room 10:17

Nara funɛ wa biksi ya Koosa laaboor weri ti wɛ. Waa ya Kristo wɛ. Ya funɛ nu un, chen nyɛ ya se su un.

1 Pita 1:23

Koosa sɛma nyɛnu hali saha naa vɛ kpak bɔ. A wa zi kut chɔk. Koosa fun a kpa o mi fali ti a nyɛ ma a daha.

1 Pita 1:25

Amaa Koosa sɛma zi nyɛnu hali saha naa vɛ kpak bɔ.” Kin nama ya o laaboor weri naa ba fun wa biksi ma chen.

1 Pita 2:2

O lawa ma chi bichɛl pilimsa ba naa la daŋni ba numa ilwa. Saha maga o lawa maa daŋni Koosa biksiu, chen ni o zi kotiu a suŋi ma ma bi. O lawa ma biu, chen ni wuzu digi Koosa zi wa yisi mau a li ma tum tagna ni hali a wa peti.

Luk 11:28

Yesu fun burgi a ŋɔ un, “Ba naa laa nu Koosa sɛma a la tiŋ a, ba tusa sɔɔnɛ kinkan a kaali mu niina.”

Tuma 13:48

Chenani Pɔɔl fun sɛm nyɛ ba sɔɔni ba naa vɛ ya Ju tima tusa kinkan ka ba pɛgi ya kunyan ti o laaboor weri ti daha. Doone ba naa Koosa fun lisi di o kpa o mi fali naa vɛ kpak bɔ a nyɛ ba, ba se fun su o laaboor weri ti.

1 Jɔn 3:3

Adaha ba naa maga kpak chen bambi bɛgim, ba zi kpak unu ba bambe ni di ba ya tu chaan tima a chi chenani Yesu ya tu chaan tiin chen.

Gal. 4:14

Mu wichɔɔrta fu zi duŋni mau wati, amaa ma wa fun vɛ min. Ma waa ka funɛ nyini min a chi mu ya Koosa malaikasi ta digi. Hali a vɛɛn chi mu ya Yesu Kristo titi.

2 Kɔr. 3:18

Ya naa ya Yesu nitiŋɛ ta, ya se wa tɔ. A chi diga naa la nyiksirɛ ya kunyan ti jirima awa o chaani kinkan. O siim weri ti tum ya bambe nee a chɛrgi ya di ya chi un a gbaari.

Tuma 17:11

Ba naa nyɛn dooni chen, bambe funɛ puku a kaali ba naa nyɛn Tɛsalɔnika ni, domi ba funɛ kpak un ba bambe ni di ba nu chenani Pɔɔl kaa sɛm. Wuzu kam ba yaa fun karimi Koosa sɛm tɔn tiu di ba na chenani Pɔɔl biksi ba chen ya wutirɛ.

Kɔl. 1:6

Koosa laaboor were tirɛ ba kpa a mɔɔli bar damata ni a gbaari. Nara kinkan se funɛ su Koosa, ba bur a tum tum were o daha. Saha naa ma se fun te lɛli a zim di Koosa funɛ suŋi mau, o gbanko fun nyɛ ma se su un, chen ni ma zi tum tum wereu.

Luk 8:21

Yesu fun ŋɔ ba naa nyɛn doon maga ni, “Ba naa maga nu Koosa laaboor weri ti a tiŋ un, ba waa ya mu numa awa mu niinbisa.”

Jɔn 17:19

Mu lisɛ mu titiu a li ba ni di mu tiŋ i tutɔ a sou a nyɛ ba, chen ni ba zi kotiu a tiŋ i wuti nyinbaan a ta bur la lagmi tɛɛnɛ nɔ tim maga ni.

Mat. 10:40

“Nar la ma du, o la mu gbankore. Nar la min du, o la Koosa naa funɛ tum minnɛ.

Jɔn 17:17

I sɛm naa mu fun kpa a biksi ba chen ya wutirɛ. Kisuŋi ba baa tiŋ i wuti nyinbaan ti a ta bur la lagmi tɛɛnɛ nɔ tim maga ni.

Jɔn 15:3

Chene o fun piin ya a chaksi ma tusa a li mu sɛm nawara mu fun sɛm ma ni.

Luk 8:11

“Ma nyɛ mu ŋɔ ma jɛɛgi ti mun. Kiduha ti chi Koosa laaboor weri tirɛ.

Mat. 10:20

Ma nyan Koosa siim weri zi wa chiŋi ma bar chiŋi niu a sɛm nyɛ ma.

2 Pita 3:2

Mu daŋni maa lisi sɛm naa Koosa witinsi ta fun sɛm saha digi wɛwa awa chenani ya kunyana naa funɛ yisi ya a li ya tum tagna ni yaa tiŋ un, fun a biksi o nitumɛ. Ba fun kpa chenani ba nu a wa biksi ma.

Jems 1:18

O tutɔ nɛɛ o fun nyɛ ya burgi o bisa a li o wuti sɛm nuuli ni, chen ni waa dɔ ya a kpa ya a chiŋsi kin nawara maga o fun naami suwachak ni.

Tuma 17:32

Nihɛɛti ta awa nibiksɛ ta bɔnɛ nu ka Pɔɔl sɛm di Koosa funɛ lɛli Yesu a li o sou ni, ba funɛ mɔmsi un. Bɔnɛ ka fun wa ŋɔ un, “Ya daŋni i bur wa biksi yau a gbaari.”

Tuma 16:14

Nihaani tima digi sɔn funɛ ya Lidia ka o nu ya sɛm ta. O yaa funɛ yogli gar naa ya ti bɛgim a laksi kibilima awa kisɛma ka a malɛ kpok kinkan. O funɛ li tɔhɔn naa ba yir Tiataya a li Azia pulum ni. O yaa funɛ jɛɛmi Koosau ka ya kunyan ti puk o bambi di o nu Pɔɔl sɛm ta.

Tuma 10:33

Mu fun vaan tum ba di ba la yir hin. I ka ya nibin weri a wa. Lalaknɔ ya maga lagmi bar nɔwa Koosa suwachak ni a pɔ di i ŋɔ ya chenani o ŋɔ hin.”

Tuma 2:41

Doone ba nidamata fun la nɔɔni di o sɛm ta ya wutiu. Ba fun gil ba tum tagna a bur tiŋ Koosa a nyɛ nitumɛ ta chaksi ba wa ni ni. Chen saha ti ba naa funɛ gbaari Yesu gantɛl tiŋsi ta ni, funɛ dugli nara tusugsa torau.

Tuma 8:14

Nitumɛ ba naa funɛ kpalimi Jɛrusalɛm ni chen, funɛ nu chenani Samaria tim ta nidamata se su Koosa laaboor weri ti, ba fun tum Pita awa Jɔn ba wati.

Luk 5:1

Wuzu digi Yesu fun chiŋi zɛmɛ bambaan ni a li bɛɛŋ naa ba funɛ yir Gɛnɛsarɛt nɔ ni. Ba funɛ murgi dɔŋa di ba pu un a nu Koosa laaboor weri ti biksi.

Ju 4:2

Ba funɛ wa biksi ya Koosa laaboor weri ti wɛ a chi chenani Mosis gbanko fun biksi ba chen. Amaa ba wa fun na nyɔɔra a li un ni, domi ba se wa fun su un.