1 Pita 3:9 - Tampulma

⁹ Nara tum tum tagna a nyɛ ma, ma ta bur tum tum tagna a nyɛ ba. Ba pini ma zoma a vɛ weri, ma ka ta bur pini ba zoma. Ma ŋɔ ba di Koosa la zi suŋi ma. Koosa funɛ lisi ma a nyɛ o titi ni, o fun a vɔu di ma ya chen, o zi suŋi mau.

1 Pita 3:9 交叉引用

Room 12:17

Nandigi tum tum tagin a du ma ni, ma ta bu kpa tum tagin a bɔ un. Maa ka tum tum naa nibinsa maga zim di a weru.

Room 12:14

Maa sumi Koosa di o nyɛ ba naa la namsi ma na alaafɛ, a ta ŋɔ nɔ a nyɛ ba.

1 Tɛs. 5:15

Ma ta tum tum tagin a bɔ tum tagin. Maa kpaŋi a tum tum were duŋduŋ aa nyɛ dɔŋ ni awa nara maga ni.

Mat. 5:44

amaa n ŋɔ mau saha nɔ, maa daŋni ma dɔma a kitum tum were a nyɛ ba. Maa sumi Koosa o suŋi ba naa la pini ma zoma a la muksi ma kinkan.

Ɛfɛ. 4:32

Ma ka ya jɛrgɛ nara a kpak dɔŋa wa siki saha maga. Yesu Kristo siwi daha, Koosa fun gil ma tum tagna a nyɛ ma. Chendaha ma gbanko gil a nyɛ dɔŋ ni.

Mat. 5:39

amaa n ŋɔ mau saha nɔ, nandigi ya wu tagin a nyɛ ma, ma ta bur ya wu tagin ti a nyɛ un. Nandigi mo ma nindil lɛha, nyɛ o mo ma ningal lɛha gbanko.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

Mat. 25:34

Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.

Ju 6:14

Koosa fun vɔu di o zi nyɛ un nyusumu kinkan a nyɛ un bi lulɛ damata.

Luk 18:18

Chen saha ti Ju tim ta nihɛɛ digi fun wa pɛɛsi Yesu, “Mu kunyan weri, yɛrɛ n kaa ya a wa na Koosa miisa naa vɛ kpak bɔ?”

Luk 10:25

Koosa chiksɛ nibiksɛ ta digi funɛ wa Yesu wati di o wa mo o lo. O fun pɛɛsi un, “Mu kunyana, yɛrɛ mu kaa ya a wa na miisa naa vɛ kpak bɔ?”

Mat. 19:29

Nar gil o dama, o maanasa, o niinbisa, o nyana awa o niina, awa o bisa awa o ŋmaha mu daha, Koosa zi wa kpa a kina kɔkwau a gbaari un a kpa o mi fali naa vɛ kpak bɔ a nyɛ un.

Room 8:30

Koosa fun yir ba naa o fun te lisi di ba wa o wati. Ba funɛ wa o wati, o wa fun bu na ba galimsa o wati a sɛm di wuzu digi o zi zer ba buudahau a nyɛ ba jirima.

Maak 10:17

Yesu fun li dooni a la bar digi chen. Baal digi fun wa chem un a gbiri o suwachak ni a pɛɛsi un, “Mu kunyan weri, yɛrɛ n kaa ya a wa na Koosa miisa naa vɛ kpak bɔ?”

Gal. 3:14

Yesu Kristo fun la ya nyuuna a nyɛ ya nan ni, chen ni Koosa wa zi koti a na ba naa vɛ ya Ju tima galimsa o suwachak ni o daha. Chene o fun vɔu a nyɛ Abraham ni. Ya se su Yesu Kristo. Chendaha Koosa fun kpa o siim weri ti a du ya ni a chi chenani o fun vɔu di o nyɛ ya chen.

Ju 12:17

O nyana funɛ wa dugli siwi, Isɔ funɛ daŋni o sumi Koosa a kpa un a du Koosa nin ni. Amaa o nyana wa fun koti a ya chen, domi o funɛ yogli o nyan ti kina magawa. Hali o fun a wi kinkan, o wa fun koti a chɛrgi chenani o tum.