21 Mu wa ba naa vɛ ya Ju tima a vɛ tiŋ Ju tim chiksɛ ta, wa lagmi, mu yaa kpa mu titiu a burgi ba, chen ni mu gbanko zi la ba bɔnɛu a nyɛ Koosa ni. Mu kpa mu titi a burgi nara nama, mu ha vɛɛn tiŋ Koosa nɔrɛ. Muu tiŋ chenani Yesu fun biksi ya di yaa tiŋnɛ.
Ba naa vɛ ya Ju tima wa la Koosa chiksɛ ta a la tum tum tagna, Koosa wa zi wa kpa o chiksɛ ta a wa di ba sɛria. Amaa Ju tima ba naa la o chiksɛ ta, chiksɛ tawa Koosa zi wa kpa a wa di ba sɛria.
Mu daŋni mu pɛɛsi ma wu digirɛ. Koosa funɛ kpa o siim weri ti a nyɛ ma, ma funɛ tiŋ o chiksɛ ta hali a wa petiu koo ma funɛ nu o laaboor weri tiu a nyɛ ma se su unn?
chen ni ya naa vɛ tum tuma a li ya bara kpok ti ni, amaa a la tum a a li Koosa siim weri kpok ti ni, zi kotiu aa tum tum were a naa maga chiksɛ ta biksi.
Koosa funɛ kotiu a yisi min a li un ni ya kunyana Yesu Kristo daha. Chendaha mu zaami un kinkan. Ma nyɛ mu lagmi a nama a ŋɔ ma. Muu tiŋ Koosa chiksɛ ta wa mu bambi lise ni aa la tiŋ tum tagna wa mu bara ni.
Ya funɛ piin sɔbi tɔnu a nyɛ ba naa vɛ ya Ju tim ni a nyɛ ba se su Yesu. Ya funɛ ŋɔ bau di ba ta di vursi diwe a ta se nɛmɛ naa ba vɛ kɔrigi o li chɛl a ta tum chɔkumsi tuma.”
Ba funɛ li tɔsi ni, ba yaa fun ŋɔ Yesu nitiŋɛ ta ni chenani nitumɛ ta awa nihɛɛta ba naa funɛ nyɛn Jɛrusalɛm ni, fun sɔbi a li ba tɔn ti ni. Ba gbanko fun ŋɔ ba di o lawa ba tiŋ chenani ba sɛmu.
A wuzu ti wa tel, nannɛ mu wa Ju tim ta zi bu ya nɔ bɛgimu. Mu zi wa kpa mu chiksɛ tau a du ba bambe ni, chen ni ba zi tiŋ a nɔu saha maga. Min la zi wa ya ba Koosa. Ba zi wa ya mu narau.
