1 Kɔr. 5:8 - Tampulma

⁸ Yaa tiŋ Yesu, o wa werwa ya bur a tum ya titi tum bunɛ a lisi lise tagna a kitum tum tagna. Ma nyɛ ya kpa a nama maga a ta. A waa chi luri ti. Ma nyɛ ya sɛm wuti duŋduŋ a nyɛ ya tusa chaani nɛnɛ. A waa chi boroboro naa vɛ kpak luri ti.

1 Kɔr. 5:8 交叉引用

Luk 12:1

Nara tusugsa funɛ lagmi dɔŋ ni aa zaksi dɔŋa, Yesu fun ŋɔ o gantɛl tiŋsi ta ni, “Farisi tim ta ya nusun timwa. Chendaha ma doso ba biksi ni.

Maak 8:15

Yesu fun ŋɔ ba, “Ma kpak ma titi nɛnɛ aa kidoso Farisi tim ta awa Hɛrɔd luri naa ba kpa a du boroboro ni.”

Mat. 16:6

Yesu fun ŋɔ ba, “Ma kpak ma titi nɛnɛ aa kidoso Farisi tim ta awa Sajusi tim ta lure naa ba yaa kpa a du boroboro ni.”

1 Pita 4:2

a kitiŋ Koosa tutɔ wuzuna naa kaɛɛ ni.

Ɛfɛ. 6:24

Koosa suŋi ba naa maga la daŋni ya kunyan Yesu Kristo awa daŋni naa vɛ kpak bɔ ni.

1 Kɔr. 5:6

Ma sɔn daŋni ti wa wer. Ma wa zim di luri tama yaa nyɛn boroboro sau ni, o yaa nyɛ sau ti maga fɔɔsiu chenn?

Jɔn 1:47

Ba funɛ wa dugli Yesu, o fun ŋɔ ba naa nyɛn o wati, “Maa na Ju tim baal nɔ la wa di o wa na min. O ya wuti tiinnɛ kinkan.”

Mat. 16:12

Ba funɛ nu o sɛm ta, ba fun zim di o ŋɔ ba di ba doso Farisi tim ta awa Sajusi tim ta biksi ti ni. O wa funɛ ŋɔ ba di ba doso lure naa ba yaa kpa a du boroboro ni chen.

2 Kɔr. 8:8

Mu wara daŋni mu ŋɔ ma chenani ma zi ya, amaa mu piin ŋɔ mau chenani ba naa nyɛn Masɛdonia pulum ni fun kpak un ba bambe ni ba suŋi ba dɔŋtima kinkan. Mu daŋni mu zaamsi mau a na ma daŋni ma dɔŋtim tau a chi chenani ba daŋni ba.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

1 Kɔr. 5:1

Mu nuu ka ba ŋɔ min di maa tum chɔkumsi tumiwa. Ma nidigi funɛ kpa o nyan haan a la chɔ. Hali ba naa vɛ zim Koosa chi chenu.

1 Kɔr. 3:3

domi ma ha vɛɛna tiŋu a chi tɛɛnɛ nɔ tim maga. Chenani maa di handɔta awa dɔŋa a la di amɔrɛ wa dɔŋ ni biksi di ma wara tiŋ Koosa siim weri ti nyinbaan. Ma ka tiŋ tɛɛnɛ nɔ tim maga nyinbaannɛ.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.