1 Kɔr. 15:10 - Tampulma

¹⁰ Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 15:10 交叉引用

Filip. Tima 4:13

Kristo kpak o kpok ti a nyɛ min, chen ni mu zi a chem kina magau.

2 Kɔr. 3:5

Ya wa kikoti a kpa ya kpok a tum tuma a nyɛ Koosa ni. Waa kpa o kpok ti a nyɛ ya ya tum tuma a nyɛ un.

Filip. Tima 2:13

Saha maga Koosa yaa tum ma bambe niu, chen ni ma zi zim chenani o daŋni ma tumu.

Gal. 2:8

Koosa fun kpa o kpok ti a nyɛ Pita ni di o ya o nitumi a la biksi ba naa ya Ju tima. Koosa gbanko funɛ kpa o kpok ti a nyɛ min di mu ya o nitumi a la biksi ba naa vɛ ya Ju tima.

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

2 Kɔr. 12:11

Ma muksi minu di mu sɔbi a nyɛ ma a chi mu ya wom. Yɛrɛ ma bɔnɛ vɛ nyɛ min jirima? Mu titi kpok ti ya yɔrirɛ, amaa mu wara tiŋ nusun nibiksɛ ba naa ma lisi di ba wa ya nibirige, gantɛl.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

1 Kɔr. 4:7

Anti ŋɔ ma di ma kaali ma dɔŋtima? Koosa funɛ nyɛ ma kin naa maga ma kpak. A maga li Koosa watɛɛ, ka yɛrɛ maa daŋni sɔn di ma titi kpokre ma kpak a nan?

1 Kɔr. 15:2

Ma nu laaboor weri ti, Koosa zi wa yisi mau a li ma tum tagna ni hali o wa peti. Ma se vɛ su un wuti, o wa zi wa ya chen a nyɛ ma.

Room 11:1

Koosa funɛ vɛ o nara magauu? Aai. Mu gbanko ya Ju tim narrɛ awa Abraham lul bisa digi a li Bɛnjamin walɛ ni.

Mat. 10:20

Ma nyan Koosa siim weri zi wa chiŋi ma bar chiŋi niu a sɛm nyɛ ma.

1 Kɔr. 3:6

O chi mu waa, Pɔɔl, funɛ te wa chɔɔsi bugil. Doone Apɔlɔs ka yaa kpa ni a wa du, amaa Koosa duŋduŋ nyɛ bugil ti nyu a la zini.

1 Kɔr. 3:10

Koosa nyɛ min o kpok ti mu ya tɛsal weri a baŋ o dɛ ti sɛchik a nyɛ un. Nandigi wa wa sa zɔŋ o daha. Ba naa maga sa Koosa dɛɛna, ba doso a ya tɛsal were.

1 Kɔr. 15:11

Chenani mu biksi awa chenani ba biksi, a maga ya kibɛgimnɛ. Chendaha ma se fun su un.

1 Tɛs. 5:12

Mu niinbisa, yaa sumi mau di ma nyɛ ba naa ya kunyan ti fun lisi di ba ya ma nihɛɛta chen, wa jirima. Ba waa la tum o tuma kinkan ma wati a la nyini ma.

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

Mat. 25:16

Tumtum naa funɛ la sidi tusugsa nyuu chen, funɛ kpa au a la yausi kina aa piŋi a na nyɔɔra sidi tusugsa nyuu.