1 Kɔr. 10:13 - Tampulma

¹³ Sintana zaamsi nibine magau di ba tum tum tagna. Chenani o zaamsi ba, o zaamsi ma gbankou. Amaa Koosa ya wuti tiina. O wa zi nyɛ wu zaamsɛ a naa kaali ma kpok, wa pu ma, chen ni ma wa zi wa chel. O zi nyɛ ma kpoku ma kpak kanyita wa wu zaamsɛ ni a yisi ma a li a ni.

1 Kɔr. 10:13 交叉引用

2 Pita 2:9

Koosa zim chenani o yisi ba naa la tiŋ un nɛnɛ a li ba namsi niu. O gbanko zimu chenani o chiŋsi ba naa la tum tum tagna hali saha naa o wa wa di o di tɛɛnɛ nɔ tim maga sɛria a lɛrgi ba diŋsa.

2 Tim. 4:18

O gbanko zi lisi minu a li tum tagin naa maga nibinsa zi wa tum a du min ni a nyɛ mu zu o koor naa nyɛn Koosa tɔhɔn ti ni. O la jirima kinkan hali saha naa vɛ kpak bɔ. Ami.

2 Tɛs. 3:3

Amaa ya kunyan ti ya wuti tiina. O zi kpa o kpoku a nyɛ ma a yisi ma a li tum tagna naa sintana tum a du ma ni.

Ju 12:4

Ma funɛ kpak unu a li ma bambe ni di ma vɛ tum tagna, amaa hali wa zinan nandigi wara daŋni o kpu ma chen daha.

1 Tɛs. 5:24

O waa naa funɛ yir ma di ma wa o wati, ya wuti tiina. Chendaha o zi kok ma.

Luk 22:46

O fun ŋɔ ba, “Yɛrɛ ma chɔ do? Ma si a sumi Koosa, chen ni sintana wa zi wa zaamsi ma.”

2 Kɔr. 1:10

Chen saha ti, Koosa fun a yisi ya a li sou ni. Ya se su di o zi yisi yau a li wɛ niu.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

1 Pita 4:19

Chendaha ba naa tiŋ Koosa tutɔ a la na namsi lalaknɔ, o lawa baa tum tum were a kpa ba titi a du Koosa naa funɛ naami kina maga, nin niu. Waa ya wuti tiina.

1 Jɔn 1:9

Amaa ya la nɔɔni di ya tum tum tagniwa, Koosa zi gil au a nyɛ ya a yisi ya doŋ maga a li ya ni. Ya zimu di o zi ya chenu a nyɛ ya domi o ya wuti tiinnɛ ka o tum maga gbanko deŋli.

1 Kɔr. 1:9

Koosa ya wuti tiina. O funɛ yir ma chen di o nyɛ ma wa o be Yesu Kristo ya chɛnsiwa.

Ju 11:11

Abraham haan, Sara, funɛ hɛɛsiu a vɛ koti a lul be. Amaa o si funɛ su di Koosa zi kpa o kpoku a nyɛ un o lul a tum chenani o fun vɔu chen.

Ju 10:23

Ya se su di chenani o fun vɔu a nyɛ ya chen, zi ya wutiu. Ma nyɛ ya kpak chenani ya ŋɔ nara ni di ya kpak bambi bɛgim un niu nɛnɛ.

Luk 11:4

aa gil ya taali a pɛŋ ya, ka ya ka gil aa pɛŋ ba naa laa tum ya wu tagna.’ ”

Ju 6:18

Koosa ya wuti tiina a vɛ chɛrgi o bambi. Chenani o fun kpa o sɔn ti a gbaari o vɔu ti ni kpami ya kinkan. Ya naa funɛ chɔ la Koosa wati di o suŋi ya koti a kpak nɛnɛ a li chenani ya kpak bambi bɛgim ni di o zi wa kpa o kinau a nyɛ ya wuzu digi.

JɔnN Deesi 19:11

Doone mu fun nyini a na ka Koosa tɔhɔn ti bulzɔɔnɔ puk, ka zaag pilim chiŋi dooni. Ba funɛ yir naa la zini un chen, wuti tiina awa naa tiŋ o ŋɔ. O yaa funɛ la laal ni saha maga a la di o dɔma sɛria awa chenani deŋlee ni.

Luk 16:26

Nɛŋtɛŋbɔ luŋi nyɛn ya wa ma bambaan ni. Ya wa kiji un a la dɔŋ wati.’

Tuma 27:44

a ka fun ŋɔ ba naa vɛ zim ni diili chen ba tu ni ti a kpaksi arŋ kpɛligi ta a kpa ba a la tel jibaŋ ti. Ya maga fun ya chen a fosi ni ti ni.

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’