Toto Thovuye Utuniye Jon Le Rorori 21:3 - Sudest

³ Saimon Pita i dage weŋgiya ghauneko iŋa, “Ghino ya wa va mwaritau.” Thɨŋa, “Weime ghen.” Thɨ rakatha e waŋga na thɨ goraŋgi eto, ko iyemaeŋge gougouko iyako ma thɨ ndewo mun borogi.

Toto Thovuye Utuniye Jon Le Rorori 21:3 交叉引用

Toto Thovuye Utuniye Luk Le Rorori 5:5

Saimon i gonjoghawe iŋa, “Amalana, me gougou mo rovurɨgheghe moli ko iyemaeŋge ma mo ndekosi mun. Ko kaiwae u dagena e ghino ne ya vakatha ŋgoreiya ghalɨŋana.”

1 Tesalonaika 2:9

Lama bodaboda, hu renuwaŋakiki kaiwo laghɨye moli va wo vakatha ghena mbala valɨkaiwame wo thalavu lama yakuyaku. Gougou na ghararaghɨye vambe lama kaiwo eŋge, mbala lama kaiwoko vuyowae thava wo worawe e ghemi mbaŋa wo utuŋa Toto Thovuye i mena weya Loi.

1 Korinita 3:7

Thela i kabu na thela i vavanjighɨnjighɨ, thiye ma bigi ŋgoreiye, ko iyemaeŋge Loi iye i laghɨye, kaiwae iye i vakatha na i mbuthu.

1 Korinita 9:6

O tembe ghino na Banabas wo rovurɨgheghe e nɨmame riwameke ghathalavu kaiwae?

Vakatha 20:34

Kaero hu ghareghare ghamimberegha, mbe ghino vara wombereghake ya vakaiwoŋa nɨmanɨmaŋguke na thebigiya ghino na wouneke nuwameiya wo vaidiŋgi.

Vakatha 18:3

na mbowo ve yaku na i kaiwo weiyaŋgi, kaiwae thiye na amalaghɨniye ghanjikaiwo regha, thɨ ŋgiyaŋgiya ŋgolo ŋgoreiya pɨlai na thɨ vakuneŋa.

Toto Thovuye Utuniye Jon Le Rorori 21:4

Ighɨviya rakaraka Jisas i ndeghathɨ e njighɨko ghadidiye, ko iyemaeŋge gharaghambuko mava thɨ ghareghare, Jisas iya amalaghɨniyeko.