1 Lire kàntugo, ka *Yakuba si u jyaabii yyere maa jwo: «Yii a ma, yii i mpa bínni na taan, karigii nimpaŋkii cyi sí nɔ yii na ke, mii sí cyire jwo yii á.
Lire kàntugo nde à pyi mii á kacyeele mà ɲwɔgɔ ɲya k'à múgo nìɲyiŋi i. Mɛjwuuni mii mpyi a fyânha a lógo mpurugo mɛɛ fiige ke, lir'à jwo: «Dùgo naha, karigii cyi à yaa cyi pyi nde kàntugo ke, mii sí cyire cyêe mu na.»
Ɲyɛ Kile Munaani à yi fíniŋ'a jwo wuu á na diɲyɛŋi tèekwooni ká byanhara, pìi sí kàntugo wà Kile kun'á, si ntaha kafinivinibii pìi ɲwɔh'i, mpii pi ɲyɛ na sùpyire wurugo ke, pire u kàlaŋi s'à fworo jínabil'e.
U mpyi a jwo na Kile à jwo: “Diɲyɛŋi canzanɲyi ká nɔ, mii sí na Munaani pyi li tîge sùpyire puni ɲuŋ'i. Yii nàɲjiipyire ná yii pùceepyire sí raa Kile tùnnture yu. Mii sí naye cyêe yii nàɲjiibii na, si karigii yyaha cyêe pi na. Yii nàŋkolyeebii sí raa mii karigii ɲaa ŋɔɔyi i.
