Uruti 1:15 - Senoufo Supyire

¹⁵ Ka Nahami si yi jwo u a: «Mu ɲyii wà ma na yyahafooŋi cwoŋi na, u a núru na ŋkɛ̀ɛge u shiinbii ná u yasunɲy'a. Ma mú u núru u fiige mà sì ma shiinbii pyɛngɛ.»

Uruti 1:15 交叉引用

1 Yuhana 2:19

Pi à fworo wuu shwɔhɔl'e, ŋka pi mpyi ná wuu e mɛ, ɲaha na yɛ kàmpyi pi mpyi ná wuu e, pi mpyi na sí n‑kwôro ná wuu e. Ŋka pi à fworo wuu shwɔhɔl'e ke, lir'à li cyêe na pi wà tufiige mpyi ná wuu e mɛ.

Eburu Shiinbii 10:38

Kile à jwo: «Shinŋi u à tíi ke, dániyaŋi cye kurugo uru maha mpyi ɲyii na. Ŋka wà ha kàntugo wà mii á, mii funŋke sì n‑táan ná urufol'e mɛ.»

Luka 24:28

Kànhe na pi mpyi na ŋkɛ̀ɛge ke, pi à sà nɔ kuru na ke, ka Yesu si uye pyi mu à jwo u ko raa ntùuli s'a ŋkɛ̀ɛge yyaha yyére.

Uruti 1:14

Ka pi mú shuunni si myahii le na súu sahaŋki, ka Oripa si tàange fwùu kan, maa kàntugo wà pi nacwoŋ'a, ka Uruti si ɲcyé, maa yyére u taan.

Uruti 1:16

Ka Uruti si yi jwo: «Ma hà na kárama si ɲjîri ma taan, s'a ŋkɛ̀ɛge na shiinbii yyére mɛ. Cyage maha cyage e mu a kàre ke, mii mú sí n-kàre wani. Cyage maha cyage e mu a tɛ̀ɛn ke, mii mú sí n-tɛ̀ɛn wani. Mu shiinbii mú sí n-pyi mii shiinbii, mu Kileŋi mú sí n-pyi mii Kileŋi.