Filipi Shiinbii 4:20 - Senoufo Supyire

²⁰ Pèente ti taha wuu Tuŋi Kile na fo tèekwombaa. Amiina!

Filipi Shiinbii 4:20 交叉引用

Ɔrɔmu Shiinbii 11:36

Yii li cè na yaayi pun'à fworo Kile e, maa mpyi u mɛɛ na, maa mpyi u wuyo. Pèente ti taha u na fo tèekwombaa. Amiina.

Kacyeeŋkii 14:7

Ka u u wá na yu fànha na: «Yii a fyáge Kile na, yii raa u kêre, ɲaha na yɛ tèn'à nɔ u diɲyɛ sùpyire yíbe ti kapyiiŋkii na. Uru u à nìɲyiŋi ná ɲìŋke ná suumpe lwɔhe ná lùbilibii dá ke, yii a u pêre.»

Kacyeeŋkii 7:12

maa ŋko: «Amiina! Ŋkèeŋi ná sìnampe ná yákilifente ná fwùŋi ná pèente ná sífente ná fànhe na ɲyɛ wuu Kileŋi wuyo fo tèekwombaa. Amiina.»

Kacyeeŋkii 5:12

Pi mpyi na ŋko fànha na: «Mpabilini l'à bò mà pyi sáraga ke, lire l'à yaa ná sífente ná yaarafente ná yákilifente ná fànhe ná pèente ná sìnampe ná ŋkèeŋi i.»

Kacyeeŋkii 1:6

maa wuu le u Saanre e, maa wuu pyi sáragawwuu, bà wuu si mpyi s'a báare u Tuŋi Kile á mɛ. Pèente ná fànhe na ɲyɛ u á tèrigii puni i, fo tèekwombaa. Amiina!

Zhude 1:25

Uru Kile niŋkinŋi u à wuu shwɔ wuu Kafooŋi Yesu Kirisita cye kurugo. Sìnampe ná pèente ná fànhe ná ɲùŋufente ɲyɛ u á, mà ta diɲyɛŋi sàha dá mɛ, maa mpyi u á numɛ ná tèekwombaa. Amiina!

Filipi Shiinbii 1:11

Yii karigii puni sí raa n‑pyi ntìiŋi funŋke e ná Yesu Kirisita fànhe e. Lire li sí mɛtange ná pèente taha Kile na.

Efese Shiinbii 3:21

Pèente ti taha u na tèrigii puni i dánafeebii kuruŋke shwɔhɔl'e Yesu Kirisita wwoɲɛɛge e fo tèekwombaa. Amiina!

Kacyeeŋkii 11:13

Ka ɲìŋke si ntíl'a cyɛ̂ɛnnɛ sèl'e. Kànhe ká ntáa tataaya kɛ, taaga niŋkin baya mpyi a cwo, ka shiin kampwɔhii baashuunni (7.000) si ŋkwû kuru ɲìŋke ɲcyɛ̀ɛnniŋi kajyil'e. Mpii pi à kwôro ke, ka pire si fyá sèl'e, Kileŋi u ɲyɛ yaayi puni ɲùŋɔ na ke, maa li ɲwɔ cû na uru pêre.

1 Timɔti 1:17

Pèente ti taha saanrefoo Kile na tèrigii puni i, uru u ɲyɛ ɲyii na tèrigii puni i ke, sùpya ɲyɛ na u ɲaa mɛ; uru u ɲyɛ Kileŋi niŋkinŋi fo tèekwombaa. Amiina!

Filipi Shiinbii 4:23

Kafooŋi Yesu Kirisita u ɲwɔ yii na, u u jwó le yii á.

Ɔrɔmu Shiinbii 16:27

Kile kanni u ɲyɛ yákilifooŋi ke, pèente ti taha u na tèrigii puni i Yesu Kirisita cye kurugo fo tèekwombaa. Amiina.

Macwo 28:20

yii raa pi taanni karigii puni mii à jwo a waha yii á ke, cyire na. Mii na ɲyɛ ná yii e canŋa maha canŋa fo si sà nɔ diɲyɛŋi tèekwooni na.»

Macwo 6:9

Lire e ke yii aha a Kile ɲáare, yii jwo “Wuu Tuŋi u ɲyɛ nìɲyiŋi na ke, mu mɛge ku táan.