Eburu Shiinbii 5:6 - Senoufo Supyire

⁶ Kile à jwo u á sahaŋki: «Mu à pyi tèrigii puni sáragawwuŋi Mɛlikisedɛki fiige.»

Eburu Shiinbii 5:6 交叉引用

Eburu Shiinbii 7:17

Y'à jwo Kile Jwumpe Semɛŋi i na: «Mu à pyi tèrigii puni sáragawwu Mɛlikisedɛki fiige.»

Eburu Shiinbii 7:21

Yesu wi ke, ur'à le sáragawwubaaraŋi i tèni ndemu i ke, Kile à kâa u á na: «Mii Kafooŋi Kile à kâa, mii sì na ntilwɔhe niɲcyange lwɔ́ sahaŋki mɛ: “mu na ɲyɛ sáragawwu fo tèekwombaa.”»

Eburu Shiinbii 7:3

U tuŋi mɛge ɲyɛ a yyere mɛ, u nuŋi mɛge ɲyɛ a yyere mɛ, u tayirige mú ɲyɛ a jwo mɛ, Kile Jwumpe Semɛŋi wà tufiige ɲyɛ a sìi na u siŋkanni, lire ɲyɛ mɛ na u kwùŋkanni kyaa yu mɛ. U na ɲyɛ mu à jwo Kile Jyaŋi, ɲaha na yɛ u sí n‑kwôro sáragawwu tèrigii puni i.

Eburu Shiinbii 5:10

Yii li cè na sáragawwuɲuŋufembwɔhe shiŋi u mpyi Mɛlikisedɛki ke, kuru shiŋi Kile à pyi u wi.

Eburu Shiinbii 6:20

Wani Yesu à fyânha a jyè wuu yyaha na wuu ntɛ̀gɛŋi kurugo. U à pyi Mɛlikisedɛki fiige sáragawwuɲuŋufembwɔhe fo tèekwombaa.

Eburu Shiinbii 7:15

Wuu Kafooŋi à pyi sáragawwu bà Mɛlikisedɛki mpyi mɛ, lire l'à li fíniŋ'a cyêe na u ná Levi tùluge ɲyɛ piye kur'e mɛ.

Eburu Shiinbii 7:8

Sáragawwuubii pi maha yáhaŋi shuu sùpyir'á ke, pire na ɲyɛ sùpyii mpiimu pi sí n‑kwû canŋka ke. Mɛlikisedɛki mú mpyi na yáhaŋi shuu, ŋka uru sí n‑kwôro ɲyii na bà y'à sémɛ Kile Jwumpe Semɛŋi i mɛ.

Eburu Shiinbii 7:11

Ma tàanna ná Izirayɛli shiinbii Saliyaŋi i, Levi tùluge shiinbii kanni pi mpyi a yaa pi jà a pyi sáragawwuu. Kampyi pi sáragawwuuni mpyi na sí n‑jà Kile ɲyii wuuni pyi li fûnŋɔ, ɲùŋɔ sàha mpyi na sì n‑pyi sáragawwuŋi wabɛrɛ u pa mà ta u ɲyɛ a pyi Arɔn fiige mɛ, fo Mɛlikisedɛki fiige.