Room 4:24 - Gooti Toolluro Yogalokwono

^24-25 Yogalo su tov ne kunolluda'aiyo'mokwono. Nevu Gooti toolluno kuudo kuubweya'ji tonolluno Gooti tool, “Sugudodeyo,” dowo'ji ilaiyo aval'no mollonekumaronekono. Gooti su tool nemoro ma'no ma'nodo tovuro kirumwallo tovi mobiyanekudukwopiyo'moneyokwe Jisasollu a'mwo romiyosodopure tooravuro ato tovi amorubweyokaikono. Toro morubweno sumaiyokwe nemi Aguto Jisasol yiuno'no abolokaikono. Toro kwollu kuruv Gooti tool aiyo aiko te amodukavokaikono. Gooti toolluro amodukavoka su tov nevu kuudo kuubweya'ji tonol gamoro sumdo tovi sugudo wimo'nyo'moneyokwe tovinokwono. Toro te Gooti tool nevu kuudo kuubweya'ji su tonollu ilaiyo nomollonekumaronekono.

Room 4:24 交叉引用

Kuurotokwe 2:24

Kevu toro aromiyosopo kwollu kuruv bolnodo su tov Jisasollu wuulo muugullokakwono. Aki bolnodo tovuro jurogudo tovi dolago tomuu yiunokuudo mamwalokaikono. Gooti gavnokwe tool aiyo aiko te modukavo'no bolnodo tovuro jurogudo tovida'ai kwollu amollurolowapiyokaikono.

1 Pita 1:21

Toro te kevu Krais su toollu'aro Gooti toollu kuudo me'no kuubwemwakopogaikikono. Aki Gooti su tool Krais toollu aiyo aiko te moduka'mno sumaiyokwe gamoro bako bwotonyo toru me'no amorumwallokaikono. Toro tovino tov kevu Gooti su toolluno kuudo uubweyodupudogaikikono. Aki Gooti su toolluno sogwollo to'no kinodupudogaikikono.

Kuurotokwe 13:30

Toro amolsosopo kwollu kuruv Gooti tool aiyo aiko te amodukavokaikono.

Kuurotokwe 2:39

Aiyoga Gooti tool gamoro Kuullo tool ikullabiyo'mo subuu'yamju me'no sokaikono. Subuu'yamju su tov kevuge'aro kemi kwolaiyo taiyo lukomgu sawosunpi kugai'aro togaikullo'mokwono. Aki yiuwi'nokai a'mwo abolo Juu tooravuro miyawosunodupudo kunyuda'aiyo'mokwono. Toro te kemi Gooti Aguto toolluro deko ikudodowo'jure tovi kaduko wiyopi kuudo souragunyumo'nupi tov gamoro subuu'yamju me'no aikulloka kuvinono Kuullo tool nekullabwonekono.” Pital toro kuudokaikono.

Kuuguudo Sugudo akav Makolluro sakwollokakwono Mak 16:16

Toro moruudomollodopure tovi a'mwo pwol mino kuudo nubweyowo'ji wonyo uuvollunonekono. Su toro so'ji toollu Gooti tool aiyo yiunokuudo mujomwekovlaiyo'moneyokwe tov nuuwiyo'mwojonekono. Toro kuvi kuruv a'mwo pwol mino kuuguudo sugudo tovi kuudo muubweyo'ji toolno'gwowi Gooti toolluro kirumwallo tov nomaronekono.

Kuurotokwe 2:32

Toro te Gooti toolluro a'mwo amodukavoka su tool Jisasol kwekono. Toro amodukavoka toollu nevnokwenolluro sumdo tokwe me'no kwonowekono. Toro kwonowo toonol kuu'maiyo toru'no dodoluwosodowadonogano.