Aki toro ton kwolaiyo muudoga punbusuko to'no kuudo saullajupogano. Aki kemi subuu'yamju me'no duuwiyodopure tonyu kisuvolo sajupogano. Aki kalomaiyo sumo'nyajupogano. Aki a'mwo abolo punyu mido mallo'mo to'no kwinyajupogano. Tono tono yomjomwekovla'mdupu kemoro poowokalago ton kalo mamwonyo'moneyokwe pasudo tov maullo'mowopiyajukogano.
Muuduko 45:14
9 交叉引用
Toro kuudo yau'no sumaiyokwe toga gami ganumiyago toollomno aikomgu avlavokaikono. Toro pla'mduke toga gami ganumiyago tool manyu toruda'ai me'no kwonokaikono. Toro wonyuno sumaiyokwe kalo winoduke tool kwollomno kano kano uuwo'no gami kwolaiyo su toollu mogudupolopino sumaiyokwe molluduuduulo amollomarokaikono.
Toro te Joosepol gadai'yago tooro kuuguudo yajunodopure tovi wuu'no'no pumuu wuugollu'mo'mno sumaiyokwe kumdo adokaikono. Toro tool kumdo me'no dopiyogalno sumaiyokwe aikomgu bo'no abuuru'marokaikono. Toro buuru'ma'no sumaiyokwe gamoro womdokwe pworai Simiyoonollu galamworapino'moneyokwe amodapiyokaikono. Toro amodapiyoka tooro yiuwi'nokai Joosepolluro gadai'yago gabovo tooro muugona'dopure toga Simiyoonollu wuulo amerosopekono.
Toro te a'mwo gabovo pworo me'no bolokwino sumaveyokwe Joosepol kumdato bwotonyo adokaikono. Toro doduke toollu a'mwo Ijupda'ai tooro kwa'mgu tomuu davo'mno kuu'noporogano. Toro wuu'nyuno sumaveyokwe pworo Joosepolluro kumdato soka tovino kuuguudo tov a'mwo aguto Feroo toolluro ago tomuuno mokavla'mno kuudoporogano.
广告