Muuduko 42:24 - Gooti Toolluro Yogalokwono

²⁴ Toro te Joosepol gadai'yago tooro kuuguudo yajunodopure tovi wuu'no'no pumuu wuugollu'mo'mno sumaiyokwe kumdo adokaikono. Toro tool kumdo me'no dopiyogalno sumaiyokwe aikomgu bo'no abuuru'marokaikono. Toro buuru'ma'no sumaiyokwe gamoro womdokwe pworai Simiyoonollu galamworapino'moneyokwe amodapiyokaikono. Toro amodapiyoka tooro yiuwi'nokai Joosepolluro gadai'yago gabovo tooro muugona'dopure toga Simiyoonollu wuulo amerosopekono.

Muuduko 42:24 交叉引用

Muuduko 43:30

Joosepol toro wuujuno sumaiyokwe gami gagwai'yago toolluno kalo bwotonyo wino'no kumdo jo'mo sokaikono. Toro tool kwa'mgu tomuu yere bolokwino sumaiyokwe ago adovarojungiko puusi kuula'no yiulo tomuu kumdo adokaikono.

Hibruu 4:15

Nemi Pris Aguto su tool nemoro yiuwi'nokai jul'nyo ibwosunodowa'jure tonyuno kuudo me'no youroma'dowodekono. Su tov aro tovinokwono. Yiuwi'nokai nemi me'nonekumokavlaiyo'mo yamju baneki'mo'mdupudo su tooro Jisasol kwollu kuruv yamju aval'no kwiyoganyajupekono. Toro wiyoganodopure kuvi kuruv Jisasolno'gwowi ma'no ma'no pasudo puru'monodo kuruv miyajukekono.

1 Koorin 12:26

Toro te nemoro kulako tovida'ai puruv danyu'nyuwuulo amaro'ji tov yiuwi'nokai kulako tovida'ai judo'no judo'nodo kun kuruv danyu'nyuwuulo aval'no ibwosungoulapinogano. Aki nemoro kulako tovida'ai puvi ilaiyo toru sulomorumwallupi tov yiuwi'nokai kulako tovida'ai judo'no judo'nodo kun kuruv ilaiyo aval'no ipinogano.

Room 12:15

A'mwo abolo pun ilaiyo nyubwosunpinogano. Toro ibwosunodopure su togai kevu ilaiyo aval'no neya jubwosunogaulo. Aki a'mwo abolo pun kalo'mo yopi kumdo dodopure toga kevu a'mwo abolo su togai kumdo nokwo dumwalpinogaikikono.

Luuk 19:41

Aki Jisasol wagwolago Jeruusalem tovi wobo toru bai'movo'no igo'mgu iloonyopino sumaiyokwe wagwolago su tovi mwalodupudo tobuuraino kumdo adokaikono.

Muuduko 43:23

Toro kuudopo toorai a'mwo womdo tovi mollomwalokwe tool kuudokaikono. “Kevu luko mipinono. Aki kemoro sumwoluko ton duka'bwo'nyu mipinono. Kevuge'aro kemi tellunumiyago tooke'aro tonumdotekullu Gooti tool nuugwiyo su ton kemi kuto tonyu amullaikubweyokakwono. Toro aikudumo tov aro tovinokwono. Kemoro sumdomguda'ai nuugwiyo abiyopo tov nuu me'no amarokwono.” Kuudokaikono. Toro wuujuno sumaiyokwe Simiyoonollu wuulo killo'mo ago tovida'ai irolovomo'no sumaiyokwe amokabokaikono.

Muuduko 43:14

Jekoopol toro wuujuno sumaiyokwe aki aro amodapiyokaikono. “Gooti Jurogudo Kuunodo toolluro yodowo'jure tovida'ai Ijupda'ai a'mwo aguto tool kemino kalo maikumwonyowo'ji ilaiyo kuudo yaikuuronekono. Kemino ilaiyo saikuuro'ji tov kevudorotekulluro pwol wuulo killo'mo ago te aule'nasuko toollu irolowapiyowo'ji aki Bejamenol kweke'aro toorallu miyomno nokwo mokabupinorakono. Toro kuvi kuruv Gooti tool mino tov, Kwolaiyomaiyokwe amwalono, kuudo sanuuro'ji to'gwowi nuu kuvinono kwolaiyomaiyokwe nokwo mwalmonyugono.” Jekoopol gami muugunyo toorai toro amodapiyokaikono.

Muuduko 42:23

Toro todoroto kemi yogalo tovida'ai yajuno'mno aro kuudo sauroporogano. Aguto tool nemoro yogalo tovi muu'nonoldeyo. Kuudo yauro'mno kuu'maiyo toru'no nokwo yajunyuno soporogano. Toro yajunodopure kuvi kuruv Joosepol kavo au'nallajukekono. Aro tovinokwono. Sumdomgu Joosepol gami gadai'yago su toorai kuuguudo wuujo'mo tool Ijupda'ai tooravuro yogalo tovida'ai wuudoduke toga a'mwo pwol amollovodo'mwojuujajukekono.

Muuduko 45:1

Toruda'ai Joosepol kalo bwotonyo wino'no kumdo jo'mo kwinokaikono. Toro tool a'mwo amuugonodaiyajupo pworai aro amodapiyokaikono. “Kevu yiuwi'nokai Ijupda'ai toorekul kwa'mgu tomuuno dolokwilo.” Amodapiyokaikono. Toro modapino sumaiyokwe a'mwo gabovo pworo mamwalodopure tomuu Joosepol gami gadai'yago toorai gavnokweyolluno kuu'maiyo toru'no wuujo'mo kwinokaikono.

Muuduko 45:2

Toro te a'mwo gabovo pworo me'no bolokwino sumaveyokwe Joosepol kumdato bwotonyo adokaikono. Toro doduke toollu a'mwo Ijupda'ai tooro kwa'mgu tomuu davo'mno kuu'noporogano. Toro wuu'nyuno sumaveyokwe pworo Joosepolluro kumdato soka tovino kuuguudo tov a'mwo aguto Feroo toolluro ago tomuuno mokavla'mno kuudoporogano.