Muuduko 37:11 - Gooti Toolluro Yogalokwono

¹¹ Toro tovino gami gadai'yago tooro kwekuullu kuudo yau'dupu Joosepolluno ilaiyo mwinyajuporogano. Toro kuvi kuruv gami ganumiyago toolno'gwowi Joosepolluro wojo kuudoka tovino kuudo kwolallo sourukwapiyajukekono.

Muuduko 37:11 交叉引用

Kuurotokwe 7:9

Nemi nellukweyago su tooro aiyoga Joosepolluno kwekuullu kuudo yau'no sumaveyokwe Ijup'no pla'mdopure a'mwo pworai morapiyo'mno Joosepollu nuugwiyo abiyomaropekono. Toro te Joosepollu ki'nato womdo imwalono'moneyokwe Ijup'no amokavlavopekono. Toro amokavlavopo kuvi kuruv Gooti tool amollomwallajukekono.

Luuk 2:51

Toro te Jisasol gami ganum kwolabolo su teyauke Nasaret'no aikomgu bo'mno abomwalopogano. Toro bomwalno sumaveyokwe Jisasol gami ganum kwolabolo teyaulluro yogalo wuudodole tovi pi'mwono kuumjungovlaiyajukekono. Toro te Jisasolluro ganeyago tov gami yiuwi'nokai kwonyajuko su tonyuno gami poowokalago tovi momullosuno sumaiyokwe kuudo kuuno sou'movlaiyajukokwono.

Luuk 2:19

Toro kuvi kuruv Mariya'gwowi yiuwi'nokai sumo'nugelabiyajuko su tonyuno gami kuudo tovi po'dogalo amomullosajukokwono. Yo'no aki gami poowokalago kuunodo tokwe kuudo kuuno sourukwapiyajukokwono.

Jems 4:5

Gooti toolluro yogalo sakwollungiko puruv aro nekudodowodokwono. “Gooti toolluro Kuullo kuulonekumwalodowodo tool buro'nyo buro'nyorodeyo pworo nemi amollubworonekumokavlapi tovino ilaiyo mwinyokwekono. Gooti toolluro Kuullo gavnokwe su toolno nemi mollubworonekumokavlaiyo'mo to'no winyokwekono.” Gooti toolluro yogalo sakwollungiko su tov yasuwa'nodo'maiyo. Toro tovino kevu kuudo neya jaurogaulo.

Taitos 3:3

Kuudo neya jaullulo. Muudu'nodo toga ne kunol kuruv junorukuudo tooro yau'dowa Gooti toolluro yogalo tovi kisuvolo kwiyajuwonogano. Aki kuunano yogalo youkuu'nanekudodopure toorai kaduko wiyodowa noonyumwonyu kwanyu sumdo kinuwiyo'mo pasudo toorogai'aro nevnokwenollu ilaiyo igollunyo'mo pasudo toorogai'aro su toorai kiroungovlaiyo'moneyokwe ki'nato womdo sajuwonogano. Aki toro tonol magu'nyo kuudo toorogai'aro kwekuullu kuudo toorogai'aro you'movla'mdowa a'mwo abolo togai sumwoluko gwabo sungovlaiyajuwonogano. Muudu'nodo toga nevu kaiya'no pasudo su toro toorogai somjomwekovlaiyajuwonogano.

Galesiya 5:21

kwekuullu kuudo gabovo toorogai'aro imo'wonyo anpi tovida'ai amomo pasudo toorogai'aro lubullu doto deroungovlaiyo'mo pasudo toorogai'aro aki pasudo su toorobusuko pworogai'aro yiuwi'nokai su tooraino nevu kuudo nyau'mwakuuwono. Toro te nuu sumdomgu duudapi yogalo me'no adaikullo tovi aki aiko te aro ikudumo'monyugono. A'mwo abolo kaiya'no pasudo su toorai mujumovla'mdupudo ton aguto Kig Gooti toolluro mido mollomwalo tovi dolago tomuu ku'nono maulomwalpinogano.

Kuurotokwe 13:45

Toro i'bwo'nodopure tonyu Juu pworo wonyuno sumaveyokwe Banabaseke Pooleke tooralluno kwekuullu kuudo sauroporogano. Toro yau'no sumaveyokwe a'mwo abolo ton Poololluro yogalo tovi kaduko nuuwipiyokweyo'mo kuunano yogalo aro soukuu'nuudoporogano. “Poololluro yogalo aikudadopiko tov nebalo'maiyo.” Soukuu'nuudoporogano. Toro youkuu'nuujuno sumaveyokwe aki Poololluno bwolomorumwogapiyo'moneyokwe kuuguudo pun kuudoporogano.

Matyuu 27:18

Toro wuudoganyuno sumaiyokwe Pailatol kwolallo abi'bwo'nopo su tonyuno aro kuudo me'no souromarokaikono. Oo a'mwo kwolallo ton Jisasolluno ilaiyo kuudo yau'dopure kuvi kuruv pris mido mollomwalokwe toorono'gwowi Jisasolluno kwekuullu kuudo yau'dupu mi dobomanubwemavo. Kuudo me'no souromarokaikono.

Muuduko 24:31

Toro wonyuno sumaiyokwe aro abuudokaikono. “Oo Gooti Yawelluro sugudo gubweyodowodo tookunoo. Guu buro'nyo'mo kwa'mgu akamuu dodakuno? Guu doulabono. Gumiyo'mo ago toru me'no sovo'dogalagubwemokwono. Aki gumoro sa'ai kemel toorai ki'duvolludapiyo'mo kuru me'no sovrowosumokwono.”

Muuduko 37:12

Toruda'ai lukomgu Joosepolluro gadai'yago tooro kemi kuunumiyago toolluro sipsip meme toorai momworaro'mno wagwolago Sekem wobo toru'no amollubworomokavlavoporogano. Toro mollubworomokavla'mno sumaveyokwe gwo'gwo'womdokwe tomuu ai'duvollajuporogano.

Muuduko 42:9

Toro te Joosepol gami gadai'yago tooro kwako tovi kuuno wolomuulo'na'dopure toorai wono'no gami aiyogasuro wojo suwo'noka tovino aki aiko te kuudo saurokaikono. Toro kuudo yau'no sumaiyokwe aro soukuu'nuudokaikono. “Kevu nemoro kantri akavi jurogudomaiyokwe pumuuno wonomollo'mo domokadokwe toorekul abadokwoporekikono.” Soukuu'nuudokaikono.