40 “Toro te a'mwo pwol nemi ikomago manekullumo'no'ji tool nemi avalo anekullumo'nadopiyo.
A'mwo pwol moro avalo manyumo'nodowodo tool mi ikomago nyumo'nodowodekono. Aki a'mwo pwol nuuge avaiwomdo miyodowodo su to kwol kuruv moro ikomago tooke avaiwomdo yodubulekono.
A'mwo pwol mino ilaiyo mwinodowodo su tool moro ikomago nyumo'nodowodekono. Aki a'mwo pwol nuuge a'mwo abolo tonyu mollu'bwollo'mo avaiwomdo miyodowodo su tool a'mwo abolo su tonyu mollovomjapiyo'moneyokwe moro ikomago tooke avaiwomdo yodubulekono.”
Toro kuudoka kuvi kuruv Jisasol kuudokaikono. “Kevu a'mwo toollu uumjukuto mipinono. A'mwo pwol moro yovo tovida'ai duuwallo jurogudo puruv so'ji tool moro yovo tovino buulo yogalo yere madonekono.” Kuudokaikono.
