Kuuguudo Sugudo akav Makolluro sakwollokakwono Mak 6:30 - Gooti Toolluro Yogalokwono

³⁰ Toruda'ai Jisasolluro kuurotokwe tooro aikomgu bo'mno Jisaseke su'bwo'nomwaloporogano. Toro i'bwo'nomwalo'mno yiuwi'nokai kemoro womdo somollajupo togai'aro kuuguudo sodubwosomollajupo togai'aro tonyuno Jisasollu kuudoporogano.

Kuuguudo Sugudo akav Makolluro sakwollokakwono Mak 6:30 交叉引用

Luuk 9:10

Toruda'ai Jisasolluro kuurotokwe tooro aikomgu bino sumaveyokwe Jisaseke su'bwo'nomwaloporogano. Toro i'bwo'nomwalno sumaveyokwe yiuwi'nokai tooro kemoro womdo amjumovlaiyajupo tonyuno Jisasollu sodubwasoporogano. Toro yodubwasodopure tovi Jisasol wuu'nyuno sumaiyokwe gami uumjunyokwe toorai mokavlavo'no a'mwo abolo kwolallo tonyu kuugollu'movoporogano. Toro tooro wagwolago puvino avlavoporogano. Wagwolago su tovino yovo tov Betisaidavokwono.

Matyuu 10:2

A'mwo 12-pela kuurotokwe su tooraino yovo tov muudu'nodo tool Saimoonolekono. Toro toolluno yovo puruv Pitalekono. Pitaike'aro gami avalo Adruu'weke'aro yiuwi'nokai todorakono. Aki Sebediyolluro muugunyo Jemseke gagwai'yago Jooneke todorakono.

Luuk 22:14

Toruda'ai lubullu doto su tovi nonyo'moneyokwe tov me'no abai'movoka toga Jisaseke'aro gamoro 12-pela kuurotokwe toorogai'aro tooro noluuleyo puruv wosamujuko ton wo'dopure tovi wobo toru abomwaloporogano.

Luuk 17:5

A'mwo kuurotokwe tooro Aguto toollu kuudoporogano. “Guu nemoro kuudo uubweyodowado tovi muunyu toru jullovo'bworonekubweyono.” Kuudoporogano.

Luuk 10:17

Toruda'ai Jisasolluro 72-pela uumjunyokwe amorapiyoka tooro aikomgu aboporogano. Toro bino sumaveyokwe kemi poowokalago togai ilaiyo bwotonyo ibwosuno'mno Jisasollu aro kuudoporogano. “Agutoloo, nevu gumoro yovo tovida'ai kuuguudo moruudomollodowore toga kuullo ma'no ma'nodo kworo kuruv nemoro yogalo tovi dolago tomuu amwallajuporogano.” Kuudoporogano.

Kuurotokwe 1:26

Subusu'nyogalo toro juno sumaveyokwe a'mwo amolludapiyopo su tooralluno yovo tov sulo pullallu yokwolluroso'mno awollubworosoporogano. Toro awollubworosopo toga Matiyasolluno yovokwe sulo tollugwo amaroporogano. Toro te Matiyasol 11-pela a'mwo kuurotokwe toorai uuguro'mwonyo'no aki aiko te 12-pela a'mwo kuurotokwe sumo'noporogano.

Luuk 24:10

Kuurotokwe tooraiyomno kuuguudo amokabopo su tonyuno yovo tov arogano. Makdalada'ai Mariyakwe'aro Joowanokwe'aro Jemsollu ganeyago Mariyakwe'aro aki abolo pugai'aro togano.

Luuk 6:13

Toro domwalno sumaiyokwe iruko me'no sullourosoka toga gami uumjunyokwe toorai gamiyomno ilabupureyokwe adomarokaikono. Toro adomaroka su tooraida'ai yiuno 12-pela tooraino to'no ajesokaikono. Toro ajesoka su tooraino Jisasol gavnokwe tool, kuurotokweravo, sowarokarogano.

Kuuguudo Sugudo akav Makolluro sakwollokakwono Mak 3:14

A'mwo abopo su tooro gavuge mwalopi a'mwo abolo punyu moruujo'moneyokwe morapiyonorogano. Toro morapiyo'mo tool a'mwo 12-pela toorai ajesokaikono. Toro ajesoka tooraino yovo tov gavnokwe tool, kuurotokweravo, sowarokarogano.

Kuuguudo Sugudo akav Makolluro sakwollokakwono Mak 6:29

Su toro tovino Joonolluro uumjunyokwe tooro kuu'nopo toga Joonolluro kulako tov maro'mno buuso tovi amollurosoporogano.

Muuduko 24:66

Toro te a'mwo womdokwe tool Aisakollu wuuru'maro'no gamoro yiuwi'nokai womdo soka tonyuno kuuguudo tov kuudokaikono.