Kuuguudo Sugudo akav Makolluro sakwollokakwono Mak 14:10 - Gooti Toolluro Yogalokwono

¹⁰ Toruda'ai 12-pela uumjunyokwe tooraida'ai pwol Juudas Iskeriyootol Jisasollu morubweyo'moneyokwe pris mido mollomwalokwe tooraiyomno avlavokaikono.

Kuuguudo Sugudo akav Makolluro sakwollokakwono Mak 14:10 交叉引用

Joon 13:2

Toro tool sulato toga gami uumjunyokwe toorogai wosamujuko anomwaloporogano. Toro nomwalodopure toga Juudas Iskeriyootol Jisasollu ikomago tooravuro ato tovi morubweyo'moneyokwe kuudo tov Satanyol gamoro poowokalago tovi me'no aulomullosokaikono. Juudasollu ganumiyago toolluno yovo tov Saimoon Iskeriyootolekono.

Joon 13:30

Toro te Juudasol bret nobuudeyo tekwo me'no nyuno sumaiyokwe yere abolokwokaikono. Su toro abolokwoka toga surakuuto tov me'no ajunoka togakono.

Matyuu 10:4

Aki Selat Saimoonekono. Aki Juudas Iskeriyootekono. A'mwo su tool Jisasollu kaiyako wiyo'moneyokwe ikomago toorai amorubweyoka tool kwekono.

Da'buukiyo 41:9

Aki mi nyunyokwo pwol moro ibwoto'nyo anyumo'nyajukekono. Toro nyumo'nodowodo su toollu nuu me'no kuubweyekono. Toro toonal wosamujuko ton aval'no mujonugovla'modowolo kwonal kuruv moro ibwoto'nyo su tool mino biyolo nonuu'mwojodowo buulo anugunyumopimokaikono.

Kuuguudo Sugudo akav Makolluro sakwollokakwono Mak 3:19

Aki Juudas Iskeriyooteke'aro ajesokaikono. A'mwo su tool Jisasollu kaiyako wiyo'moneyokwe ikomago toorai kuumalloka tookono.

Kuuguudo Sugudo akav Makolluro sakwollokakwono Mak 14:11

Toro tool plaino sumaiyokwe pris mido mollomwalokwe toorai aro kuudokaikono. “Nuu Jisasollu nomaikubwemonyugono.” Toro kuudoka tovi pris mido mollomwalokwe tooro wuu'no'mno ilaiyo amollomaroporogano. Toro molloma'no sumaveyokwe aro kuudoporogano. “Guu toro subi tov nevu mubiyo nogujanonogano.” Subuu'yamju toro kwiyoporogano. Toro te Juudas Iskeriyootol Jisasollu adadomgu'aro morubwemonyudukoneyokwe tovino soureya'mgonyajukekono.