Mollurolovomato 9:33 - Gooti Toolluro Yogalokwono

³³ Toruda'ai Moosesol Feroo toollu wuugollu'mo'mno sumaiyokwe wagwolago bwotonyo su tovi kwa'mgu tomuuno abolokwokaikono. Toro bolokwino sumaiyokwe gamoro ato toval bomokaila'no Gooti Yawellu subusu'nyogalo kuudokaikono. Toro kuudoka toga kuuloulo tokwe sullumiyo buuruko bwotonyo tokwe aki buuruko yasuwa'no aviyajuko tokwe ton avomuudodavopogano.

Mollurolovomato 9:33 交叉引用

Mollurolovomato 9:29

Toro kuudoka tovi Moosesol kuudokaikono. “Yowa'nogano. Guu Gooti Yawelluno kuudo yau'bino'moneyokwe nuu wagwolago bwotonyo akavida'ai me'no abolokuumi toga moro ato tov bomokaila'mi Gooti Yawellu subusu'nyogalo nuudumonyugono. Toro kuudumi toga kuuloulo tokwe sullumiyo buuruko bwotonyo tokwe toval novla'bullunovakono. Toro avla'bullu toga wonomaro'bi kuudo yau'binekugono, Oo yiuwi'nokai kwako akav yiuno Gooti Yawelluro'mdeyo, kuudo yau'binekugono.

Mollurolovomato 8:12

Toruda'ai Mooseseke Erooneke todoral Feroo toollu wuugollu'mo'mno sumaleyokwe abolokwolorakono. Toro bolokwino sumaleyokwe Moosesol Gooti Yawellu subusu'nyogalo aro kuudokaikono. “Guu Feroo toollu nabuulo kuubweyodo su toorai domodukwopiyono.” Kuudokaikono.

Mollurolovomato 9:32

Toro kuvi kuruv wit tono'gwowi pwopto yere mai'nodopure tonyuno tov kaiyako migolosokakwono.

Mollurolovomato 9:34

Toro avomuudodavopo tovi Feroo tooke'aro gamoro a'mwo womdo tovi mollomwalokwe toorogai'aro tooro me'no kwonopo kworo kuruv ma'no ma'no aki aiko te yo'mno kemoro poowokalago ton lumdo aulopiyoporogano.

Mollurolovomato 8:8

Toruda'ai Feroo tool Mooseseke Erooneke todorallu doma'no sumaiyokwe aro kuudokaikono. “Nuuge'aro moro a'mwo abolo togai'aro tonolluda'ai nabuulo akarai modukwopiyono'moneyokwe kev todorakul Gooti Yawellu subusu'nyogalo neya duujulo. Toro kuudubullu toga nabuulo tooro anekugollu'mopi tov nuu a'mwo abolo ton Gooti Yawellu wiroudapiyo'mo pla'mdopure tonyu nokwo wonyapino imonyugono.” Kuudokaikono.