Matyuu 5:18 - Gooti Toolluro Yogalokwono

¹⁸ Toro tovino nuvu nebal'no ikudumo'mokwono. Sumdomgu loowo tovida'ai yiuwi'nokai nyumo'nupino ton neya imo'nupinogano. Su toro me'no sumo'nupi toga'no'gwowi sulugumdo tokwe kwako tokwe toval kaiyako nokwo igolamo'nubullunovakono. Toro kuvi kuruv loowo su tonyu suuwiyo yere mimwojodopure toga'no'gwowi loowo tonyuro puukwollo puru'monodo kuruv ku'nono miyounopiyonokwono.

Matyuu 5:18 交叉引用

Luuk 16:17

Sulugumdo tokwe kwako tokwe toval nyounopibullunovakono. Toro kuvi kuruv loowo to'gwowi yiuno puukwollo puru'monodo kuruv ku'nono miyounopiyonokwono.”

1 Pita 1:25

Toro kuvi kuruv Aguto toolluro yogalo to'gwowi yiunokuudo mujo'movla'mwalonokwono.” Sakwollungikokwono. Toro te Aguto toolluro yogalo su tov gamoro kuuguudo sugudo me'no amodekumollopo su tov kurukwono.

Kuuguudo Sugudo akav Makolluro sakwollokakwono Mak 13:30

Toro wuujuno sumaiyokwe aki Jisasol aro kuudokaikono. “Nuu nebal'no ikudumo'monyugono. Su toro togasuro a'mwo tooro yiunokuudo miyemnopiyodopure toga yiuwi'nokai aikudumo su ton nobai'mopinogano.

Adodolukuu'nosungiko 20:11

Toruda'ai nuu sia kig wiya'jo aguto tovi kwononyugono. Aki sia kig wiya'jo su tovi muunyu toru Gooti tool nyulomwaloduke kwononyugono. Toro mwaloduke su toolluda'ai kwako tokwe sulugumdo tokwe toval lukado plavolno yiunokuudo sounopiyolovakono.

Joon 5:19

Toro te Jisasol Juu su toorai aro kuudokaikono. “Nuu nebal'no kuunodo ikudumo'mokwono. Gooti toolluro Kwolaiyo toonyu nuvnokwenyuro kuudo tovida'ai womdo miyokwenyugono. Toro kwonyu kuruv yiuno mi Nyunumiyago toolluro womdo yodowo'jure tovi wonoma'dumdo tovida'ai to'no womdo aval'no yokwenyugono. Kuudo neya jaullulo. Nyunumiyago su tool burowo'nyo burowo'nyo womdo ton so'ji tov gamoro Kwolaiyo kwonyu kuruv womdo su tonyu aval'no yokwenyugono.

Matyuu 17:20

Jisasol kuudokaikono. “Su tov aro tovinokwono. Kemoro Gooti toolluno kuudo uubweyodupudo tov kula'nyo kuunodokwono.” Toro wuujuno sumaiyokwe kuudokaikono. “Nuvu nebal'no ikudumo'mokwono. Kemoro kuudo uubweyodupudo tov yiuno iko mastet sulo kula'nyo tollovobusuko kuudo kuubwepi kuruv Gooti toolno'gwowi kuvinono yonekono. Toro te kevu Gooti toolluno kuudo uubweyopi muumuudo pwollu aro kuudupi tov, Oo ilojo'mowopiyabo'bi pumuuno dovlavono, su toro kuudupi tov kuvinono imo'nonokwono. Aki kuudo kuubwepi su tovi'aro noonyumwonyu womdo tonyu nokwo imwalpinogaikikono.” Kuudokaikono.

Matyuu 16:28

Nebal'no ikudumo'mokwono. Su toro tov kuvinono bai'mo'mdowo'jure tovi kevu akaru adakwopo pworekul yere mabolodopure toga noonpinorekikono. Aro tovi wonpinorekikono. A'mwo Kwolaiyo Kuunodo toonyu nuvnokwenyuro aguto kig mido mollomwalo tokwe abiyalo'numi tovi sugwonyu toru'no noonpinorekikono.” Kuudokaikono.

Matyuu 13:17

Toro te nuu nebal'no ikudumo'mokwono. Aiyoga a'mwo abolo bwotonyago amjomwekelabiyajupo ton moro agasuro ikuduuwallodumdo tonyu wonyo'mo kwingelabiyajupogano. Proofet toorogai'aro a'mwo abolo Gooti toolluro sumdo tovi sugudo kwimo'nyajupo togai'aro ton sumdo wonyo'mo kwingelabiyajupogano. Toro kuvi kuruv ku'nono mwonyajupogano. Aki moro yogalo ikudodore tovi kuu'numwakopo su to kuvi wuu'nyo'mo kwingelabiyajupogano. Toro kun kuruv ku'nono muu'nyajupogano.

Matyuu 10:23

Aki ajumiyo puruv kemi kaiyako nyaikullugolonokwono. Toro saikullugolo'ji toga kevu ajumiyo su tovi wuugollu'movopi ajumiyo muuduko puvino lukado neya dovlaiyulo. Nebal'no ikudumo'mokwono. Kevu Isuraiyolda'ai tonyuro yiuwi'nokai ajumiyo tonyu modomollo'mo womdo tov yere miyopiyodopure kuvi kuruv A'mwo Kwolaiyo Kuunodo toonyu aikomgu noolamonyugono.

Matyuu 6:2

Aki kevu a'mwo abolo supto yodopure tobuurai noonyumwonyu togai wiyo'mwojo'mo toga a'mwo abolo pun neya anekwonpureyokwe kuudo nyau'mwalpiyo. Toro tovino tov kevu a'mwo abolo pun anekwonpureyokwe tovino spika tokwe deko node'noma'mwalpiyo. A'mwo kuunanokwe tooro a'mwo abolo pun ilomonekwopiyapureyokweyo'mo kuudo yauropi pasudo su to kuvi yodupudorogano. Su tooro Juu tooravuro i'bwo'nyago tonyu kuulomwalopi tomge'aro aki puuto aguto kuu'maiyo toru davopi tomge'aro su tomuu pasudo su to kuvi yodupudorogano. Su toro tooraino nuu nebal'no ikudumo'mokwono. A'mwo su tooraino a'mwo abolo pun yovo aguto wiyodupudogano. Su tov kemi mubiyo to'busuko wimo'nodowodo tovi me'no ma'dupudorogano. Aki a'mwo kuunanokwe su tooro Gooti toolluda'ai mubiyo sugudo pun mamapinorogano.

Matyuu 5:26

Toro amagubweyo'ji tookuji nuu nebal'no aro gudumo'mokwono. Guu wuulo killo'mo ago tovida'ai yere mabirolo'nugolokuubinekugono. Toro kweku kuruv yiuno kooti yogalo tovida'ai yiuwi'nokai nuugwiyo adomdukuurosungiko su tov me'no kuubibi toga'no'gwowi gumi nokwo irolovogwapipinekugono.”

Joon 21:18

Jisasol toro wuujuno sumaiyokwe aki aro kuudokaikono. “Nuu nebal'no kuunodo aro gudumo'mokwono. Guu muugunyo mwalodumdo toga guvnokwe tooku youro tov iro'nodum gumi kuudo yau'dore tomuu yomollodumdekugono. Toro kuvi kuruv guu yadaiyo sumo'nubi toga'no'gwowi gumoro ato tovallu wuulo galogulloso'moneyokwe noruuguusapibinekugono. Aki su toga a'mwo pworo gumi youro tov nomollagubwepinekugono. Toro mollagubweyopi guu novlaiyo'mo magujunodowo'jure tomuu nogumokavlapinekugono.” Kuudokaikono.

Joon 16:23

Aki su toro toga kevu noonyumwonyu punyuno mallo'moneyokwe mi aiko te manyudoganmwalpinorekikono. Toro te nuvu nebal'no kuunodo ikudumo'mokwono. Kevu moro Nyunumiyago toollu mino yovo tovida'ai buro'nyo buro'nyodeyo tonyuno kuudoganpi tov kuvinono nomollumo'naikubweyonekono.

Joon 16:20

Nuu nebal'no kuunodo aro ikudumo'mokwono. Kevu mi nonyumo'nodowo'jure tovino kumdato dopi aki kumdaillo mujodumovlapinorekikono. Toro kuvi kuruv kwako akavida'ai a'mwo abolo tono'gwowi mi kaiyako sanyugolpi tovino ilaiyo bwotonyo ipinogano. Su toro yanyugolodopure toga kev toorekulluro poowokalago ton jul'nyo ibwosunpinorekikono. Toro kuvi kuruv kemoro jul'nyo subwosunpi su tovi lukomgu toga'no'gwowi kemi poowokalago togai ilaiyo bwotonyo nyubwosunpinorekikono.

Joon 14:12

Nuu nebal'no kuunodo aro ikudumo'mokwono. A'mwo pwol mino kuudo anubweyo'ji su tool moro duuwallo jurogudo yodumdo ton aval'no nomomjumovla'mwalonekono. Aki a'mwo mino kuudo anubweyo'ji su toolluro duuwallo jurogudo pun moro yodumdo akanyu nuuwolopinogano. Nuu mi Nyunumiyago toollomno sulami tovino tov su toro nokwo momjumovla'mwalonekono.

Joon 13:38

Toro kuudoka toollu Jisasol aro kuudokaikono. “Guu moro aiko toru ma'do'bure tookuji aromiyagubwepureyokwe nokwo wonyapino to'no ibinekudukono? Awiyo. Nuu nebal'no kuunodo aro gudumo'mokwono. Iruko akallugwoji guu mino tov pugasalpuga aro dubinekugono. Awiyo, nuu a'mwo su toolluno kuudo maiyonyugono. Gumoro yogalo su tov kuukuuro kwolo pwol deko yere madodowo'jure toga guu pugasalpuga dubinekugono.” Kuudokaikono.

Joon 13:16

Toro te nebal'no kuunodo aro ikudumo'mokwono. A'mwo ki'nato womdokwe pwol gami a'mwo aguto toollu muunyu toru'aro muuwolo'mdowodekono. Aki a'mwo kuurotokwe pwol gami amorapiyo'ji toollu muunyu toru'aro muuwolo'mdowodekono.

Joon 12:24

Toro te nuu nebal'no kuunodo ikudumo'mokwono. Wit sulo pullugwo kwako tovi bwolorawo'ji mabolo'ji tov wit sulo su tollugwo no ki'nyo'moneyokwe ku'nono mabilarowiyonokwono. Toro kuvi kuruv wit sulo tov abolo'ji to'gwowi bilarowiyowo'ji no bwotonyago ki'nonokwono.

Joon 10:7

Jisasol toro wuujuno sumaiyokwe aki aiko te aro kuudokaikono. “Nuvu nebal'no kuunodo ikudumo'mokwono. Sipsip tooravuro kuulabiyo'moneyokwe noullo tov, nuu kwonyugono.

Joon 10:1

Aki Jisasol aro kuudokaikono. “Nuu nebal'no kuunodo ikudumo'mokwono. A'mwo pwol sipsip kuurupto tovuro noullo tovi'aro maullo'mo kuruv yiulo tomuu'aro pologa'nyo kwolodukwopiyawo'ji su tool a'mwo kuuko pwekono. Aki toro tool povipolomato to'no yodowodekono.

Joon 8:58

Toro kuudopo toorai Jisasol aro kuudokaikono. “Nuu nebal'no kuunodo ikudumo'mokwono. Eburaiyamol yere mimo'noduke kugada'ai me'no amwallajuko tool nuu kwonyugono.” Kuudokaikono.

Joon 8:51

Toro te nuu nebal'no kuunodo ikudumo'mokwono. A'mwo pwol moro yogalo tovi kuumjuno'ji su tool yiunokuudo mabolonekono.” Kuudokaikono.

Joon 8:34

Toro kuudopo kuvi kuruv Jisasol aro kuudokaikono. “Nuu nebal'no kuunodo ikudumo'mokwono. Yiuwi'nokai a'mwo abolo ma'no ma'no amjumovlapi ton ma'no ma'no pasudo tovuro ki'nato womdokwe wimo'nodupudogano.

Joon 6:53

Su toro kuullajunodopure toorai Jisasol kuudokaikono. “Nuvu nebal'no kuunodo aro ikudumo'mokwono. Kevu A'mwo Kwolaiyo Kuunodo toonyuro kulako tokwe mujako tokwe tovallu manpi tov aiyo yiunokuudo mujomwekovlaiyo'moneyokwe tov kemoro poowokalago tonyu maulaikworonorekikono.

Joon 6:47

Nuu nebal'no kuunodo aro ikudumo'mokwono. Yiuwi'nokai a'mwo abolo ton mino kuudo anubwepi ton aiyo yiunokuudo mujomwekovlaiyo'moneyokwe tov nomapinogano.

Joon 6:32

Toro kuudopo tonyu Jisasol aro kuudokaikono. “Nuvu nebal'no kuunodo ikudumo'mokwono. Muunyu kai'muuda'ai bret aikullabiyajuko su tool Moosesolmaiyo. Toro kuvi kuruv muunyu kai'muuda'ai bret kuunodo aikullabiyajuko su toolno'gwowi moro Nyunumiyago tookono.” Kuudokaikono.

Joon 6:26

Toro kuudoganopo tonyu Jisasol aro kuudokaikono. “Nuvu nebal'no kuunodo ikudumo'mokwono. Kevu mino a'mgono sadokwopo tov moro duuwallo jurogudo tonyu amuugona'mwa'jupo tovida'aiyo'maiyo. Toro kuvi kuruv kevu bret togai sumwoluko anyuto'numwa'jupo tovida'ai to'no mino a'mgono sadokwopogaikikono.” Kuudokaikono.

Joon 3:11

Nuvu nebal'no kuunodo aro gudumo'mokwono. Aga toga nevu kuudo me'no youroma'dowado tonyuno to'no jokwenogano. Aki yiuno sumdo muugona'dowado tonyuno to'no kuu'maiyo toru'no dodoluwosokwenogano. Toro kuvi kuruv nemoro dodoluwosodowa'jure su tonyuno kevu buulo to'no uugunyumopiyodupudorekikono.

Joon 3:5

Toro kuudoka toollu Jisasol aro kuudokaikono. “Nuvu nebal'no kuunodo agudadokwono. “A'mwo pwol wonyo tokwe'aro Gooti toolluro Kuullo tooke'aro tovalluda'ai aiyo aiko te mimo'no'ji su tool aguto kig Gooti toolluro mido mollomwalo tovi ku'nono maulomwalonekono.

Joon 3:3

Toro kuudoka toollu Jisasol aro kuudokaikono. “Nuvu nebal'no kuunodo agudadokwono. Kevu aiyo aiko te neya jumo'nogaulo. A'mwo pwol aiyo aiko te mimo'no'ji su toolno'gwowi aguto kig Gooti toolluro mido mollomwalo tovi ku'nono mwononekono.”

Joon 1:51

Jisasol toro wuujuno sumaiyokwe aki puruv aro kuudokaikono. “Nuvu nebal'no kuunodo gudumo'mokwono. Kevu Gooti toolluro ago muunyu kai'muu nousoda'mdowo'jure tovi noonpinorekikono. Aki muunyu kai'muuda'ai Gooti toolluro ensel pworo A'mwo Kwolaiyo Kuunodo toonyu'aro ilno wolabino yodopure toorai noonpinorekikono.” Kuudokaikono.

Luuk 23:43

Toro kuudoka toollu Jisasol kuudokaikono. “Nebal'no gudumo'mokwono. Anuugwo toga guvu ago sugumaluko kuunodo toru nuuge nomwalosunekugono.” Kuudokaikono.

Luuk 18:29

Toro kuudoka tovi Jisasol aro kuudokaikono. “Nuu nebal'no ikudumo'mokwono. Yiuwi'nokai a'mwo tooro aguto kig Gooti toolluro mido mollomwalo tovino'mo kemi agodeyo abolodeyo kuugwai'yagorodeyo kuunum kwolabolodeyo oo kwoloraiyodeyo tonyu kuugollu'mopi tov

Luuk 18:17

Toro te nuvu nebal'no ikudumo'mokwono. Kwoloraiyo ton aguto kig Gooti toolluro mido mollomwalo tovi ilaiyo yere molloma'dupudogano. Toro tonbusuko kubalno a'mwo abolo ton aguto kig Gooti toolluro mido mollomwalo tovi ilaiyo aval'no neya amollomapuro. Toro kuvi kuruv a'mwo pwol kwoloraiyo su tonbusuko ilaiyo kuvinono mamollomaro'ji to'gwowi aguto kig Gooti toolluro mido mollomwalo su tovi ku'nono maulomwalonekono.” Kuudokaikono.

Luuk 13:35

Toro kuvi kuruv neya duu'nyulo. Gooti tool ikwonyapino to'no yonekono. Toro yodowo'jure tovida'ai kemoro wagwolago tov kaiyako i'nopiyowo'ji anyabuullo to'no nyumo'nonokwono. Aki aro ikudumo'mokwono. Kevu numi aki aiko te yere manuwonpinorekikono. Toro kuvi kuruv iruko pullugwoji mino tov aro dupinorekikono. “Oo ilaiyokwonoo! Gooti toolluro sugumaluko to'no kwosuko akallu amonekwopiyamokaikono. Toro tool Aguto toolluro yovo tovida'ai abumokaikono. Ilaiyokwonoo!” Kevu su toro adupi toga'no numi aki aiko te nonuwonpinorekikono.”

Luuk 12:37

A'mwo aguto tool aikomgu bowo'ji gamoro a'mwo ki'nato womdokwe tooro sa mworopi sogwollo kinodopure toorai abuuru'maro'ji toga womdokwe su tooro ilaiyo to'no ipinorogano. Nuu nebal'no ikudumo'mokwono. A'mwo aguto tool gamoro a'mwo womdokwe tekwojai su toro abwono'ji toga wosamujuko nupino'moneyokwe nomorumwallonekono. Me'no morumwallowo'ji a'mwo aguto su tool womdo yo'moneyokwe youro tov mollosowo'ji wosamujuko tokwe yado uumwodeyonekono.

Luuk 11:51

Ebelolluro mujako abwoloka tovida'ai romiyosumelabino romiyosumelabino yo'mno yiuno Sekoraiya'wolluro mujako abwoloka toga'no yiuwi'nokai proofet aromiyosumelabiyajupo su tekwojavuro jul'nyo tov kemi nekubweyonokwono. Sekoraiya'wollu Gooti toolluro ilomoropiyo'moneyokwe ago tokwe'aro Gooti toollu wiroudapiyo'moneyokwe dukwagupto tokwe'aro tovallu akuuto toru me'no aromiyosoporekikono. Tadeyoo, nuu aro aikudadokwono. “Yiuwi'nokai su tonyuno kirumwallo'moneyokwe jul'nyo tov kevu agasuro a'mwo abolo amwakopo togaikullu kuvinono nobaiki'mowonokwono.” Aikudadokwono.”

Kuuguudo Sugudo akav Makolluro sakwollokakwono Mak 14:30

Jisasol toro kuudoka toollu kuudokaikono. “Nuu nebal'no gudumo'mokwono. Surakuuto akaga kuukuuro kwolo pwol deko tov pugasal madodowo'jure toga guu tooku mino tov pugasalpuga aro dubinekugono. “Awiyo, nuu a'mwo su toolluno kuudo maiyonyugono.” Mino toro dubinekugono.”

Kuuguudo Sugudo akav Makolluro sakwollokakwono Mak 14:25

Jisasol toro wuujuno sumaiyokwe aro kuudokaikono. “Nuu nebal'no ikudumo'mokwono. Ikulsulo wain tovida'ai wonyo akav aki aiko te manmonyugono. Toro kuvi kuruv yiuno aguto kig Gooti toolluro mido mollomwalo tovi aulami toga'no wain wonyo muuduko puruv numonyugono.” Kuudokaikono.

Kuuguudo Sugudo akav Makolluro sakwollokakwono Mak 14:18

Bino sumaveyokwe ago tovi kuulonomwalo'mno Jisasol aro kuudokaikono. “Kevu toorekulluro pwol a'mwo tooro galonumworapino'moneyokwe mi manbweyononyugono. Nebal'no ikudumo'mokwono. Aga anomwakuuwo pweku kwekugono.” Kuudokaikono.

Kuuguudo Sugudo akav Makolluro sakwollokakwono Mak 14:9

Jisasol toro wuujuno sumaiyokwe aki aro kuudokaikono. “Nebal'no ikudumo'mokwono. Yiuwi'nokai kwako tomuu mino kuuguudo sugudo tov amodomollupi toru abolo su tovuro sumoka kuvino kuruv wuudupinorogano. Toro kuudupi tovi wuu'nopi abolo su tovuro sumoka tovino kuudo you'movla'mwalpinogano.” Kuudokaikono.

Kuuguudo Sugudo akav Makolluro sakwollokakwono Mak 12:43

Abolo kanyu su tobuul nuugwiyo bookis tovi toro kuullurosoduke toga Jisasol wono'no gami uumjunyokwe toorai domaro'no kuudokaikono. “Nuu nebal'no ikudumo'mokwono. Abolo kanyu akabuulluro nuugwiyo surosumoka su tov yiuwi'nokai nuugwiyo aboullurosumapo punyu kuuwolo'mwallo.

Kuuguudo Sugudo akav Makolluro sakwollokakwono Mak 11:23

Nuu nebal'no ikudumo'monyugono. A'mwo pwol Gooti toolluno kuudo kuubweyo'ji tool gami poowokalago tovi kuudo noullo maullo nyauro'jo. Toro kwol kuruv, Oo kuvinono imo'nono'mdeyo, kuudo sauro'ji to'gwowi Gooti tool kuvinono yonekono. Toro te a'mwo Gooti toolluno kuudo kuubweyo'ji su tool muumuudo pwollu kuudo'ji tov, “Ilojo'mowopiyabo'bi soolwaravi dooluvollunawonoo,” kuudo'ji tov kuvinono imo'nonokwono.

Kuuguudo Sugudo akav Makolluro sakwollokakwono Mak 10:29

Pital toro wuujuno sumaiyokwe Jisasol kuudokaikono. “Nebal'no ikudumo'mokwono. Yiuwi'nokai a'mwo tooro mino tokwe'aro kuuguudo sugudo tokwe'aro tovalluno kuudo kuubwepi tooro kemi agodeyo kuugwai'yagorodeyo jo'mwodeyo kuuneyagodeyo kuunumiyagorodeyo kwoloraiyodeyo womdodeyo tonyu kuugollu'mopi tov

Kuuguudo Sugudo akav Makolluro sakwollokakwono Mak 10:15

Nuvu nebal'no ikudumo'mokwono. Kwoloraiyo ton aguto kig Gooti toolluro mido mollomwalodowodo tovi ilaiyo molloma'dupudo kubalno kev kugaikul kuruv aval'no neya domollomarogaulo. Toro kuvi kuruv a'mwo pwol aguto kig Gooti toolluro mido mollomwalodowodo tovi kwoloraiyo tonbusuko ilaiyo mamollomaro'ji toolno'gwowi ku'nono maulomwalonekono.” Kuudokaikono.

Kuuguudo Sugudo akav Makolluro sakwollokakwono Mak 9:41

Nebal'no ikudumo'mokwono. Lukomgu a'mwo pwol kemi ikwonowo'ji aro aikudo'ji tov, “Oo Krais toollu uumjunyokwe toorodeyo,” toro ikudowo'ji kuuleyaluko'mo yodopure toorekullu kapwo wonyo puruv aikulluro'ji tov a'mwo su toolluro mubiyo sugudo tov lukomgu Gooti tool nuuwiyonekono. Toro tool kuvinono nomaronekono.” Kuudokaikono.

Kuuguudo Sugudo akav Makolluro sakwollokakwono Mak 9:1

Toruda'ai Jisasol kuudokaikono. “Nebal'no ikudumo'mokwono. Kevu akaru adakwopo pworekul yere mabolodopure toga aro tovi noonpinorekikono. Gooti tool gamoro aguto kig mido mollomwalo tov gavnokweyolluro jurogudo tokwe mokabodowo'jure tovi kuu'maiyo toru noonpinorekikono.” Kuudokaikono.

Kuuguudo Sugudo akav Makolluro sakwollokakwono Mak 8:12

Toro dodopure tovi wuu'nyuno sumaiyokwe Jisasol gamoro poowokalago tov jul'nyo subwosunokaikono. Toro tool aro kuudokaikono. “Agasuro a'mwo abolo akagaikul buro'nyo'mo duuwallo jurogudo tonyuno to'no wonyo'mo ikullunodowodogaikuldeyo? Nuu nebal'no ikudumo'mokwono. Gooti tool duuwallo jurogudo pun maikuduuwallonorekikono.” Kuudokaikono.

Kuuguudo Sugudo akav Makolluro sakwollokakwono Mak 6:11

Wuujuno sumaiyokwe aki aro kuudokaikono. “Buro'nyo buro'nyomuuda'airodeyo tooro kemi maikwonyubusuko supi tooro kemoro yogalo tonyu muu'nyubusuko supi tov kwako su toru duugollu'meyulo. Toro supi tooravuro ma'no ma'nodo su tovino wuuduuwallo'moneyokwe toorekul sullukwako tov kemi suvlo tovi kwosuko tokwe ago su toru doluvourokurosumovlaiyulo.” Kuudokaikono.

Kuuguudo Sugudo akav Makolluro sakwollokakwono Mak 3:28

Toro wuujuno sumaiyokwe aro kuudokaikono. “Nuu nebal'no ikudumo'mokwono. A'mwo tooravuro yiuwi'nokai ma'no ma'no pasudo togai'aro Gooti toolluno burolyogalo adupi kugai'aro yiuwi'nokai su tonyuro kirumwallo tovi Gooti tool nokwo modukwopiyonekono.

Matyuu 25:45

Su toro anyudupi tonyu aguto kig toonyu aro wuudumonyugono. “Nuu nebal'no ikudumo'mokwono. A'mwo abolo yovomaiyokwe tobuurai kevu mwiyo'mwojajupo tov nuu kwonyuda'ai manyo'mwojajupogaikikono.” Wuudumonyugono.

Matyuu 25:40

Toro anyudupi tonyu nuu aguto Kig toonyu aro wuudumonyugono. “Nuu nebal'no ikudumo'mokwono. A'mwo abolo yovomaiyokwe pubuuro moro nyo'mwodeyo oo nyugwai'yagorovodeyo tonbusuko nyumo'nodupudo su tobuurai mollodupudo tov nuu kwonyuda'ai yanyugolodupudogaikikono.” Su toro wuudumonyugono.

Matyuu 25:12

Toro aulodopiyapo kuvi kuruv a'mwo aguto tool aro abiloduwopiyokaikono. “Oo nebal'no ikudumo'mokwono. Nuu kemino kuudo miyaikuu'mwakono.” Abiloduwopiyokaikono.” Jisasol yovekurajo tov su toro kuudokaikono.

Matyuu 24:47

Su toro tovino nuu nebal'no ikudumo'mokwono. A'mwo aguto tool gamoro yiuwi'nokai kuto ivito tonyu mido mollomwalmwalono'moneyokwe womdo tov a'mwo ki'nato womdokwe su tekwoji nuubweyonekono.

Matyuu 24:2

Toro kuuduuwallopo toorai Jisasol aro kuudokaikono. “Nebal'no ikudumo'mokwono. Ilomoropiyo'moneyokwe ago su tovuro sugumaluko amodumellungiko kwonmwakopo su tonyu puga a'mwo pumuuda'ai tooro bopi yiuwi'nokai kwonmwakopo su tonyu nomourodukwopipinokwono. Yiuwi'nokai sulo bwaku bwakuto amjomodumellungiko kunyu kuruv mourodukwopiyopi yiuno pwolnodo kwol kuruv mworonokwono.” Kuudokaikono.

Matyuu 23:36

Toro te nuu nebal'no ikudumo'mokwono. Yiuwi'nokai kirumwallo'moneyokwe jul'nyo su ton kevu agasuro a'mwo abolo amwakopo togaikullu kuvinono nekullumo'nonokwono.” Jisasol toro kuudokaikono.

Matyuu 21:31

Toro te muugunyo su todoralluda'ai pwol gami ganumiyago toollu kaduko wiyo'no kuvinono kuumjunoka su tool gadooldukono?” Jisasol toro kuudoganokaikono. Toro kuudoganoka tovi a'mwo mido mollomwalokwe su tooro kuudoporogano. “Muugunyo sumdomguda'ai tool gami ganumiyago toolluro yogalo tovi kuvinono kuumjunokaikono.” Kuudoporogano. Su toro me'no kuudopo toga Jisasol kavlo tovino kuu'maiyo toru po'dogalo aro kuudokaikono. “Nuu nebal'no ikudumo'mokwono. Kevu Juu mido mollomwalokwe toorekul aguto kig Gooti toolluro mido mollomwalo tovi dolago tomuu yere maulai'mopinorekikono. Toro kuvi kuruv takis nuugwiyo mallokwe pworogai'aro kwonyalabolo pugai'aro tono'gwowi kemi ikuuwolovopi sumdomgu noulai'mopinogano.

Matyuu 21:21

Toro dodopure toorai Jisasol aro kuudokaikono. “Nuu nebal'no ikudumo'mokwono. Kevu Gooti toolluno kuudo kuubwepi tov kemi poowokalago tovi kuudo noullo maullo miyaupinono. Toro kworekul kuruv, Oo kuvinono imo'nonokwono, kuudo saupi tov Gooti tool kuvinono yonekono. Kevu Gooti toolluno kuudo kuubwepi toorekul iko fik toollu kwimo'numoka to'busuko kubalno nokwo ipinorekikono. Aki kevu muumuudo pwollu aro kuudupi tov, “Ilojo'mowopiyabo'bi soolwara tovi dooluvollunawonoo,” kuudupi kuruv kuvinono nokwo imo'nonokwono.

Matyuu 19:28

Jisasol aro kuudokaikono. “Nuu nebal'no ikudumo'mokwono. Gooti tool yiuwi'nokai tonyu aiyo me'no amollovo'dogaloso'ji toga nuu A'mwo Kwolaiyo Kuunodo toonyu moro sia kig jurogudo bwotonyokwe toru nyulomwalmonyugono. Su toro sulomwalmi toga kevu numjunodupudo kworekul kuruv 12-pela sia kig go'no go'nodo toru nyulomwalpinorekikono. Toro ilomwalopi Isuraiyolda'ai 12-pela yovodolobunyo tonyu mido nomollomwalmwalpinorekikono.

Matyuu 19:23

Toro te Jisasol gami uumjunyokwe toorai kuudokaikono. “Nebal'no ikudumo'mokwono. A'mwo kuto ivito bwotonyagokwe pwekwo muunyu kai'muuda'ai aguto kig toolluro mido mollomwalo tovi kuulomwallo'mo tov kaveno mwimo'nonekwogano.

Matyuu 18:18

Nuvu nebal'no ikudumo'mokwono. Kevu kwako akavi mwalopi a'mwo abolo ma'no ma'no yodopure tonyuno yogalo adomdukuurosupi tov Gooti tool gamoro ago muunyu kai'muu kuruv aval'no domdukuurosonekono. Aki kevu kwako akavi mwalopi a'mwo abolo ma'no ma'no yodopure tonyu surolowapipi to'gwowi Gooti tool gamoro ago muunyu kai'muu kuruv aval'no nyurolowapiyonekono.” Jisasol toro kuudokaikono.

Matyuu 18:3

Toro molludapino sumaiyokwe toga aro kuudokaikono. “Nuvu nebal'no ikudumo'mokwono. Kevu kemi ma'no ma'no pasudo toorai buulo muugunyumopiyopi kwoloraiyo pubuurobusuko mimo'nupi tov muunyu kai'muuda'ai aguto kig toolluro mido mollomwalo tovi ku'nono maulomwalpinorekikono.

Matyuu 11:11

Nebal'no ikudumo'mokwono. Yiuwi'nokai a'mwo abolo tonyuro yowosungelabodopure tovida'ai a'mwo billumo'nodupudo tooro Wonyo Galuvollokwe Joonollu ku'nono muuwolo'mdupudorogano. Toro kuvi kuruv yiuwi'nokai a'mwo tooro muunyu kai'muuda'ai aguto kig toolluro mido mollomwalo tovi kuulomwalodupudo su toorono'gwowi aiyowo'mo bwollumo'nodapudo kworo kuruv Wonyo Galuvollokwe Joonollu me'no uuwolo'mdupudorogano.

Matyuu 10:42

Lukomgu a'mwo pwol kevu a'mwo yovomaiyokwe tekwojekullu ikwonowo'ji aro aikudo'ji tov, “Oo akaro Krais toollu uumjunyokwe tekwojodeyo,” toro ikudowo'ji kuuleyaluko'mo yodopure tekwojekullu kapwo wonyo puruv aikulluro'ji tov a'mwo su to kwollu kuruv lukomgu Gooti tool mubiyo nuuwiyonekono. Nebal'no ikudumo'mokwono. A'mwo su tool gamoro mubiyo sugudo tov lukomgu kuvinono nomaronekono.” Jisasol toro kuudokaikono.

Matyuu 10:15

Nebal'no ikudumo'mokwono. Gooti tool kooti yogalo aduuwiyo'ji iruko su tollugwoji wagwolago su tovida'ai a'mwo abolo ton kirumwallo bwotonyo tov nomapinogano. Kemoro kirumwallo mapino su tov wagwolago Soodoomke Goomoorake tovalluda'ai a'mwo abolo tonyuro kirumwallo amaropo su tovi nuuwolowonokwono.”

Matyuu 8:10

Jisasol a'mwo aguto su toolluro wuudoduke tovi wuu'nyuno sumaiyokwe morumoukuropi yo'no gami uumjunyokwe toorai aro kuudokaikono. “Nebal'no ikudumo'mokwono. Nuu yiuwi'nokai kwako Isuraiyol tomuu yomollodumdo kuvi kuruv a'mwo kuudo pi'mwono nubweyodowodo akalbusuko pwollu mwonodumdonyugono.

Matyuu 6:16

Aki Jisasol aro kuudokaikono. “A'mwo kuunanokwe su tooro aro kuudo yau'dupudorogano. Oo nevu wosamujuko tonyuno kumako mwalodowa'jure toonollu a'mwo abolo pun neya anekwonpuro. Su toro kuudo yau'dupudo tooro kemoro sumdomago ton kumjuju kulako moropiyodupudorogano. Nebal'no ikudumo'mokwono. A'mwo su tooraino a'mwo abolo ton yovo aguto wiyodupudo tov kemi mubiyo to'busuko wimo'nodowodo su tovi me'no ma'dupudorogano. Toro kuvi kuruv kevno'gwowi wosamujuko tonyuno kumako amwalpi togaikul a'mwo kuunanokwe toorobusuko kumjuju kulako nomoropinmwalpiyo.

Luuk 4:24

Aki nuu nebal'no ikudumo'mokwono. Proofet pwol Gooti toolluro yogalo tokwe yiuwi'nokai ago pumuu moruudomollodowo'jure toga a'mwo abolo kuudomollo'ji su ton ilaiyo to'no wuu'nupinogano. Toro kuvi kuruv proofet su tool gami wagwolago kuunodo toru'no bowo'ji kuuguudo tokwe moruudomollodowo'jure toga gavuge iko avalo tono'gwowi yiuno muu'nyubusuko to'no wipinogano.” Kuudokaikono.