Matyuu 20:2 - Gooti Toolluro Yogalokwono

² Toro yo'mgonoma'no sumaiyokwe aro kuudokaikono. “Kevu iruko akallugwoji moro womdo tovi supi tov yiuwi'nokai toorekullu nuugwiyo tov lumdeke pwolno pwolno nekubimonyugono.” Kuudokaikono. Toro kuudoka tovi, “Yowa'nogano,” kuudoporogano. Toro kuudopo toorai kwako tovi jukwo tool gamoro wain ikulsul womdo tovi yo'moneyokwe a'mwo su toorai amodapiyokarogano.

Matyuu 20:2 交叉引用

Adodolukuu'nosungiko 6:6

Aki aiyokwe aral aral tooraida'ai pwolluro yogaimaguurai puruv aro adokakwono. “Guu plavo'bi wit womdo togai'aro bali womdo togai'aro tonyu kaiyako domollounapiyono. Su toro amollounapibi tovida'ai wosamujuko biyomallo'moneyokwe nuugwiyo tov bwotonyo ilawonokwono. A'mwo abolo ton wit yiuno wan kiloo to'no biyomallo'moneyokwe tov iruko pullugwojuro yiuwi'nokai womnuugwiyo tokwe biyomapinokwono. Aki nuugwiyo bwotonyo su tokwe bali yiuno 3 kiloo to'no biyomapinokwono. Toro kuvi kuruv guu a'mwo abolo tonyuro oolip iko toorogai'aro wain ikulsulo womdo togai'aro tonyuno'gwowi kaiyako mamollounapibinono.” Adokakwono.

2 Timooti 3:15

Guu kwolaiyo amwallajudo togada'ai Gooti gavnokweyolluro buukiyo tovida'ai yogalo anekullaboka tonyuno yodogubwosumelabodopure tovi kuudo me'no souromallajudekugono. Yogalo su tov pi'mwo kuudo aro gujabodowodokwono. Guu Krais Jisasollu kuudo kuubwebi tov Gooti tool gumi ma'no ma'nodo tovuro kirumwallo tovida'ai nobomollurolovogumokalokwonekugono. Su toro gujabodowodokwono.

Luuk 10:35

Toro mollomwalo'no iruko aikomguda'ai tollugwoji gavnokweyolluro nuugwiyo pweyo tovida'ai silva nuugwisulo pullal daluvino sumaiyokwe woromollo'mo ago tovuro jukwo toollu kwiyokaikono. Toro wino sumaiyokwe aro kuudokaikono. “Guu a'mwo akaikwoji po'dogalo neya domollomwalogawono. Aki guu mollomwalo'bi nuugwiyo agujamo akavi muunyu toru'aro pun adukwopibi tov nuu aikomgu abumi toga gumi nuugwiyo adukwopibi su ton aiko te nogujamonyugono.” Kuudokaikono.”

Luuk 1:15

Kwolaiyo su tool Aguto toolluro sumdo tovi a'mwo yovokwe nyumo'nonekono. Toro toolluno tov wain wonyodeyo oo imo'wonyodeyo tonyuno kumako neya mwalonekono. Aki kwolaiyo su toollu yere miyoma'dowo'jure kugada'ai Gooti toolluro Kuullo tool aiyowomno noullo'mowopiyonekono.

Matyuu 22:19

Toro wuujuno sumaiyokwe aro kuudokaikono. “Kevu takis nuugwiyo sulo pullu donumokabilo.” Toro kuudoka tooro nuugwisulo pullugwo kuumokaboporogano.

Matyuu 20:13

Toro aduu'mwojopo toorai kwako tovi jukwo tool aro kuudokaikono. “Mi ibwoto'nyoravoo, nuu kaiyako miyaikullugolmwakono. Nuvu sumdomgu aro me'no aikudumorekikono. “Kevu womdo sopipi tov iruko pullugwonodo tollugwojuda'ai nuugwiyo tov nekubimonyugono.” Su toro aikudumo tovino kevnokwe toorekul, “Yowa'nogano,” me'no anyudumaporekikono.

Matyuu 18:28

Toro kuvi kuruv a'mwo ki'nato womdokwe su tool aguto kig mido mollomwalokwe toolluda'ai buugollu'mokalokwino sumaiyokwe gavuge avalo ki'nato womdokwe gabovo pwollu abilluru'marokaikono. Toro billuru'ma'no sumaiyokwe gamoro boruko tovi'aro agalomworarokaikono. Ki'nato womdokwe gabovo su tekwo atousal silva nuugwiyo tomgu'aro dinau tov kurukwekono. Toro toollu galomwora'no sumaiyokwe aro adumuurolovokaikono. “Guvu dinau su tov yere manubibi tov mirolovogwapimekugono.” Adumuurolovokaikono.

Matyuu 9:37

Toro te gami uumjunyokwe toorai yovekurajo puruv aro kuudokaikono. “Wosamujuko bwotonyago ton nomulomallo'moneyokwe suuwiyo me'no mujumawodupudogano. Toro kuvi kuruv wosamujuko su tonyu mulomallo'moneyokwe a'mwo abolo womdokwe tonyuno supto sumo'nadopiyo.

Matyuu 20:1

Aki Jisasol aro kuudokaikono. “A'mwo abolo ton muunyu kai'muuda'ai aguto kig mido mollomwalo tovi dolago tomuu kuulomwallo'mo tov aro to'busukokwono. A'mwo pwol kwako wain womdokwe puvi jukwo sumo'nyajukekono. Kwako su tovi jukwo tool lomwo iru'mago toga bolokwino sumaiyokwe gamoro wain ikulsul womdo su tovi womdo yo'moneyokwe a'mwo pworai so'mgonomarokaikono.

Matyuu 20:3

Aki 9 kilook lomwo toga kwako tovi jukwo tool bolokwino sumaiyokwe a'mwo pworo maket tomuu yasuwa'no mwalodopure toorai kwonokaikono.

Kuuguudo Sugudo akav Makolluro sakwollokakwono Mak 12:15

Toro kuudopo tooraino Jisasol aro souroonokaikono. Oo kuunanokwerodeyo. Toro youroonyuno sumaiyokwe aro kuudokaikono. “Kevu buro'nyo'mo jokuu'nanyudadokwovo?” Wuujuno sumaiyokwe kuudokaikono. “Kevu silva nuugwiyo sulo pullu donumokabilo.” Kuudokaikono.

Luuk 20:24

“Kevu silva nuugwiyo sulo pullu donumokabilo.” Kuudokaikono. Toro kuudoka tooro silva nuugwiyo pullu kuumokaboporogano. Toro mokabino sumaveyokwe toga Jisasol aro kuudoganokaikono. “Nuugwiyo akavi ala'mwolluro sumdomago tokwe'aro yovo tokwe'aro tovallu doonadokwovo?” Toro kuudoganoka tooro kuudoporogano. “Sisa toollu kwonmwakuuwono.”

Matyuu 20:9

Toro kuudoka tovi wain ikulsul womdo tovi mido mollomwalokwe tool a'mwo lukomguda'ai 5 kilook sulato toga abopo toorai domaro'no iruko pullugwonodo tollugwojuro nuugwiyo tovino mubiyo tov kwiyokaikono.