Matyuu 19:8 - Gooti Toolluro Yogalokwono

⁸ Toro kuudopo toorai Jisasol aro kuudokaikono. “Kemoro poowokalago ton lumdo kuulopiyodupudo toorekulluno tov Moosesol yogalo su tov sokwollaikubweyokaikono. Toro kuvi kuruv muudu'nodo toga'no'gwowi Gooti tool a'mwo kwolabolo teyaullu nyeru'mdowapinbulluno'moneyokwe sokwollosokalmaiyo.

Matyuu 19:8 交叉引用

Muuduko 2:24

Kwolabolo yoma'nyo'mo pasudo tov toro tovida'ai sumo'nokakwono. Toro te a'mwo pwol gami kuunum kwolabolo teyaullu wuugollu'mowo'ji abolo puruv maronekono. Toro teyaul guro'mwonyo'bullu kulako puru'mono imo'nubulluneyaukono.

Kuuguudo Sugudo akav Makolluro sakwollokakwono Mak 10:5

Toro kuudopo toorai Jisasol aro kuudokaikono. “Kemoro poowokalago ton lumdo kuulopiyodupudo toorekulluno tov Moosesol toro sokwollaikubweyokakwono.

1 Koorin 7:6

Kevu neya duu'nyulo. Moro kuuguudo akavi, “kevu neya duumjunyulo,” maikudadokwono. Toro kuvi kuruv kevu moro kuuguudo akavi uumjunyo'mo aikulluno'jo'mdeyo oo muumjunyo'mo aikulluno'jo'mdeyo tov yiuwi'nokai su tovallu puvi kuumjunpi tov, “nokwo'mokwono,” aikudadokwono.

Matyuu 8:31

Toro te kuullo ma'no ma'nodo tooro Jisasollu aro ajugonoporogano. “Guu nemi amodovomjonekwapibi tov sa'aiyo akaigworai neya kuulomwalpino'moneyokwe domodonekwapiyono.” Ajugonoporogano.

Matyuu 3:15

Su toro kuudoganoka kuvi kuruv Jisasol aro kuudokaikono. “Guvu mi mogalanuvollubino tov nokwo'mokwono. Navu Gooti toolluro ilaiyo winodowodo tovi suuwiyo imwojo'mo tov nokwo mogalanuvollubinekugono.” Kuudokaikono. Toro kuudoka tovi Joonol, “Yowa'nogano,” wuudo'no Jisasollu wonyo tovi amogaluvollokaikono.

Muuduko 7:7

Toro te Noowaike'aro gami abolo tokwe'aro gami muugunyo toorogai'aro gami jaiyo togai'aro ton buuru'allako tov nomulegoukuuranekubweyo'jokwe sip toollu aulapogano.

Matyuu 19:7

Toro kuudoka tovi Farasi tooro kuudoporogano. “Guu toro adumado kuvi kuruv Moosesolno'gwowi aro ajakwollokaikono. A'mwo pwol gami abolo tovi ru'mdowapiyo'mo kwino'ji tool noru'mdowapiyo'moneyokwe puukwollikwiyo tovi me'no yokwollosowo'ji toga aru'mdowapiyo'ji to'gwowi nokwo'mokwono. Toro te Moosesolluro yogalo su tov buro'nyo'mo ajakwollokaldeyo?” Kuudoporogano.

Matyuu 19:9

Aro ikudumo'mokwono. A'mwo pwol gami abolo tov a'mwo pweke kwonyalo miyodowodo tovi molleru'mdowapiyowo'ji abolo muuduko puruv amaro'ji tov a'mwo su tool kwonyalo yonekono.” Kuudokaikono.

Kuuguudo Sugudo akav Makolluro sakwollokakwono Mak 16:14

Toruda'ai a'mwo 11-pela tooro noulonomwalodopure toga Jisasol kemoro sumdollu toru abwiyalo'nokaikono. Jisasol gamoro adukavoka tovino a'mwo abolo kwonopo tonyuro dodolubweyodopure tovi kuudo muubweyajupo tovino yogalo amojurugolokaikono. “Kevu kemoro poowokalago ton lumdo kuulopiyodupudo toorekul mino kuudo manubweyodupudorekikono.” Amojurugolokaikono.