Matyuu 15:8 - Gooti Toolluro Yogalokwono

⁸ “Aka tooro numino mago tokwe to'no mollanyudodupudo kworo kuruv kemoro poowokalago tono'gwowi mi manyu toru'aro wo'dupudogano.

Matyuu 15:8 交叉引用

Kuurotokwe 8:21

Gumoro poowokalago tov Gooti toolluro sumdo tovi idopto'no mimo'nodumdekugono. Toro tovino tov guu navubusuko avaiwomdo tov ku'nono mibinekugono.

1 Pita 3:10

Gooti toolluro yogalo puruv aro sakwollungikokwono. “A'mwo pwol kwako akavi aiyo mwalowo'ji toga ilaiyo ibwosunyo'mo winmwalonekono. Toro tool ilaiyo to'no mujomwekovlaiyo'mo kwino'ji su tool aro imwalonekono. Gamoro kwavlolo tokwe kaiya'no yogalo ton nodumwalo'jo. Aki gami mollo tokwe kuunano yogalo ton nyoukuu'nadumwalo'jo.

Hibruu 3:12

Toro te miyobuuravoo, kevu wako neya dou'nogaulo. Kevnokweyogaikulluro poowokalago ton kirovanyuvanyu kuudo tooro noullo'movaikwopimwalpiyo. Aki kemoro poowokalago su togai Gooti toolluno kuudo uubweyodupudo tovi nomolluduvolmwalpiyo. Aki kemoro poowokalago su ton Gooti aiyokwe toollu buulo uugunyumopiyo'moneyokwe nomollubworekumokavla'mwalpiyo.

Joon 1:47

Filipol toro wuujuno sumaiyokwe Natanyol noboduke toollu Jisasol wono'no Natanyolluno aro adokaikono. “Oo a'mwo akal Isuraiyolda'ai kuunodo pwekono. Toro tool kuunano yogalo youkuu'najo'moneyokwe puru'monodo kuruv nonagutekono.” Adokaikono.

Matyuu 15:7

Jisasol toro wuujuno sumaiyokwe aki aro kuudokaikono. “Aisaiyal kevu a'mwo kuunanokwe toorekulluno proofet yogalo nebal'no amodomollajukekono. Yogalo su tov aro ajakwollokaikono.

Kuuguudo Sugudo akav Makolluro sakwollokakwono Mak 7:6

Toro toorai Jisasol aro kuudokaikono. “Aisaiyal kevu kuunanokwe toorekulluno nebal'no ajakwollokaikono. Gooti toolluro yogalo tovi aro sakwollungikokwono. “A'mwo akaro numino mago tokwe to'no mollanyudodupudo kworo kuruv kemoro poowokalago tono'gwowi mi manyu toru'aro wo'dupudogano.

Joon 5:23

Toro anubweyoka su tov aro tovino'mokwono. A'mwo abolo ton Nyunumiyago toolluno yovo aguto wiyodupudo to'busuko kubalno gamoro Kwolaiyo kwonyu kuruv yovo aguto neya nyabumwalpino'moneyokwe tovinokwono. Toro te a'mwo pwol Gooti toolluro Kwolaiyo toonyuno yovo aguto manyabwo'ji tov Nyunumiyago amonuwopiyaboka kwolluno kuruv yovo aguto mwiyonekono.