Matyuu 13:21 - Gooti Toolluro Yogalokwono

²¹ Toro kworo kuruv yogalo tov pulukomaiyo to'busuko kubalno kemoro poowokalago tovi maula'dowodokwono. Toro tovino tov yogalo su to kuvida'ai tabunyuwuulo puruv abwo'ji toga yere wuugollu'mo'mdupudorogano. Yogalo su tov kemoro poowokalago tovi guureji maulallokweyokwono.

Matyuu 13:21 交叉引用

Matyuu 11:6

Toro te Joonollu aro duujulo. “Yiuwi'nokai a'mwo abolo numino kuudo nubweyodupudo ton numida'ai mabwolorapi su ton ilaiyo nokwo imwalpinogano.” Duujulo.” Jisasol toro kuudokaikono.

Efesos 3:17

Aki kevu kuudo me'no uubweyodupudo togaikullu Krais gavnokwe tool kemoro poowokalago kuudo tonyu nokwo mollekuda'mwalonekono. Toro mollekuda'mdowo'jure toga kevu Gooti toolluro kalo buuropino ikullunodowodo tovi guureji gudupola'mwalpinogaikikono. Toro togaikul ipuluko guureji gudupola'dowodo to'busuko kubalno guureji nokwo da'mwalpinogaikikono.

2 Timooti 1:15

Aki guu aro tovino kuudo nyau'mwakuno. Yiuwi'nokai kwako Esiyada'ai Jisasolluro a'mwo abolo ton mi buulo anuugunyumopiyopogano. Aki su toro anuugunyumopiyopo tonyuda'ai a'mwo pworalluno yovo tov Fijeloseke Hermoogeneseke toorakono. A'mwo su to kworal kuruv mi buulo anuugunyumopiyolorakono.

Filipai 1:6

Aki aro kuudo tovi gudupola'dumdonyugono. Gooti tool kemi poowokalago tonyu anakuuto tomuu womdo sugudo muudu'no me'no aullokaikono. Toro tool kemi poowokalago tonyu akuuto tomuu womdo kuuno mujumovla'mwalonekono. Toro mujumovlavowo'ji iruko pullugwoji Jisas Kraisol aikomgu noolabwonekono. Toro kwolabwo'ji toga'no womdo mujumelabodowodo su tovi yiuno'no nyopiyonekono. Kuudo su toro tovino kuuno gudupola'dumdonyugono.

Galesiya 6:15

Toro te kevu kuudo neya jaullulo. A'mwo pwol lakulkulako me'no ado'nyungikoldeyo oo mado'nyungikoldeyo kuruv yiuwi'nokai su toval aguto mimo'nodubulovakono. Toro kuvi kuruv Gooti toolluro a'mwo abolo muuduko imo'nanekubweyodowodo su to'gwowi agutokwono.

Galesiya 6:12

Neya duu'nyulo. A'mwo pworo lakulkulako do'nyo'mo tovino guureji dumuurolo'mdupudo su tooraino nuu me'no aikudumonyugono. A'mwo su tooro Juu a'mwo abolo punyu ilaiyo igollo'moneyokwe aro dumuurolo'mdupudorogano. “Kevu a'mwo toorekul lakulkulako neya dodo'nogaulo.” Dumuurolo'mdupudorogano. A'mwo su toro dumuurolo'mdupudo tooro aro tovino luko yodupudorogano. “Oo nevu i'noguropte tovi aboloka Krais toolluno kuuguudo tokwe amoruudomolla'ji tov nemi kaiyako nyanekullugolpiyo.” Luko yodupudorogano. Toro tovino tov a'mwo su tooro kev tekwojekullu lakulkulako neya do'numwalpino'moneyokwe daikumuurolo'mdupudorogano.

Galesiya 5:6

Kuudo neya jaullulo. A'mwo pwol Krais Jisasollu me'no uuguro'mwonyodowodo tool gami lakulkulako tov ado'no'jo'mdeyo oo mado'no'jo'mdeyo kuruv su toval aguto mimo'nodubulovakono. Toro kuvi kuruv aguto to'gwowi arokwono. A'mwo pwol Krais Jisasolluno kuudo uubweyodowodo su tovi'aro a'mwo abolo punyuno kalo buuropino winmwalono to'gwowi agutokwono.

Room 2:7

Toro te a'mwo abolo pun Gooti toolluro bako bwotonyo tovi anakuuto tomuu kuulomwallo'moneyokwe puuto tovi a'mgono yodupudogano. Aki Gooti tool muunyu toru'aro yomollonekumwallowo'ji yiunokuudo nobola'jokwe tovino winodupudogano. Su toro winodupudo ton sugupasudo yomjumovla'mdupu mimwogapiyodupudogano. Toro tonyu Gooti tool aiyo yiunokuudo mujomwekovlaiyo'moneyokwe tov kuvinono nuubweyonekono.

Joon 6:26

Toro kuudoganopo tonyu Jisasol aro kuudokaikono. “Nuvu nebal'no kuunodo ikudumo'mokwono. Kevu mino a'mgono sadokwopo tov moro duuwallo jurogudo tonyu amuugona'mwa'jupo tovida'aiyo'maiyo. Toro kuvi kuruv kevu bret togai sumwoluko anyuto'numwa'jupo tovida'ai to'no mino a'mgono sadokwopogaikikono.” Kuudokaikono.

Luuk 8:13

Aki wit sulo pun sulwomdo tomuu abwolorapo su ton a'mwo abolo punyuno'busukogano. A'mwo abolo su ton Gooti toolluro yogalo tovi me'no kuu'nupi toga ilaiyo molloma'dupudogano. Ilaiyo mollomaropi kun kuruv puluko nonaguto to'busuko imo'nodupudogano. Toro ton kemoro kuudo uubweyodupudo tov yiuno kula'nyo toga'gwono uubweyopi kun kuruv lukomgu tabunyu pun yamju abwiyogano'ji toga Gooti toollu yere wuugollu'mo'mdupudogano.

Kuuguudo Sugudo akav Makolluro sakwollokakwono Mak 4:17

Toro kworo kuruv yogalo tov pulukomaiyo to'busuko kubalno kemi poowokalago te maula'duke tooro yogalo su to kuvida'ai tabunyuwuulo puruv abwo'ji toga yere wuugollu'mo'mdupudorogano. Yogalo su tov manyu toga mauluuwollokweyokwono.

Matyuu 26:33

Jisasol toro kuudoka tovi Pital aro kuudokaikono. “Yiuwi'nokai tooro gumino buulo agunyumopipi kuvi kuruv nuu toonyuno'gwowi yiuno puga'nodo kuruv buulo magugunyumopimonyugono.” Kuudokaikono.

Matyuu 26:31

Toro plaino sumaveyokwe Jisasol gami uumjunyokwe toorai aro kuudokaikono. “Surakuuto akallugwoji kevu yiuwi'nokai toorekul mino buulo nonyugunyumopipinorekikono. Gooti toolluro yogalo tov aro me'no sakwollungikokwono. “Nuu sipsip duuwatokwe toollu aromiyosumi toga yiuwi'nokai sipsip tooro lukado nyounopipinorogano.” Toro me'no sakwollungiko tov nobaiki'mowonokwono.

Matyuu 24:13

Toro kuvi kuruv a'mwo pwol mi buulo manyugunyumopiyo'mo tool guureji numjunyuno numjunyuno yowo'ji yiuno abolo'ji toga'no so'ji su toollu lukomgu Gooti tool aiyo yiunokuudo mujomwekovlaiyo'moneyokwe tov nuuwiyo'mwojonekono.

Matyuu 13:57

Toro juno sumaveyokwe Jisasolluno biyolo to'no kuu'mwojopogano. Toro tonyu Jisasol aro kuudokaikono. “Proofet toollu yiuwi'nokai tomuu yovo aguto wiyodupudekono. Toro kuvi kuruv gami wagwolago'mdeyo oo ago'mdeyo tomuuno'gwowi yovo aguto mwiyodupudekono.” Kuudokaikono.

Matyuu 13:6

Yere bilarowiyo'mno kun kuruv puluko nonaguto tovino tov kuujo aboka toga yere abuukuropiyopogano.

Matyuu 10:22

Kevu mi numjunodupudo togaikulluno tov yiuwi'nokai a'mwo abolo ton kemino surodo'mo ipinogano. Toro te kevu mi numjunodupudo togaikulluda'ai pwol mi buulo manyugunyumopiyo'mo tool numjunyuno numjunyuno yowo'ji yiuno abolo'ji toga'no so'ji su toollu lukomgu gavuge aiyo yiunokuudo mujomwekovlaiyo'moneyokwe tov Gooti tool nuuwiyo'mwojonekono.

1 Pita 1:5

Toro to'busuko kubalno kevu Krais toollu kuudo uubweyodupudo tovino tov Gooti tool gamoro jurogudo tokwe kemi pi'mwono yellukuromollekumwalodowodekono. Toro yellukuromollekumwalowo'ji lukomgu kevu gavuge ilaiyo mujomwekovla'mwalpino'moneyokwe ma'no ma'nodo tovuro jurogudo tovida'ai yiunokuudo nobomollurolovekumokalokwonekono. Gooti tool kemi yiuno'no bomollurolovekumokalokwono su tov aiyowo'mo toga yiuwi'nokai a'mwo abolo tonyuro sumdo tovi kuu'maiyo toru'no nobomollolupto'nosonokwono.

2 Timooti 4:10

Duu'nono. A'mwo Demasolo dodupudo tool kwako akavida'ai noonyumwonyu tonyuno kalo buuropino winodowodo tovino tov numi anyugollu'movokaikono. Toro nugollu'mo'mno sumaiyokwe wagwolago Tesaloonaika tomuuno me'no avlavokaikono. Aki Kresensol wagwolago Galesiya tomuuno me'no avlavoka tovino tov nuuge mamwallo. Aki Taitosol kwako Dalmesiya tomuuno me'no avlavoka tovino tov nuuge mamwallo.

Adodolukuu'nosungiko 2:13

Gumoro ajumiyo mwalodumdo su tovino nuu kuudo nyau'mwakono. Ajumiyo su toru Satanyol a'mwo abolo tonyuro aguto kig wimo'nodowodorukono. Toro kuvi kuruv guvno'gwowi mino kuudo nubweyodumdo tovi guureji gudupola'dumdekugono. Aki a'mwo pwol mi numjunodowodo toolluno yovo tov Adipasolekono. A'mwo su tool a'mwo abolo tonyu mino kuu'maiyo toru'no amoruujajukekono. Toro toollu Satanyolluro mwalodowodo ajumiyo toruda'ai a'mwo pworo aromiyosopekono. Toro toollu romiyosodopure kuga kuruv guvno'gwowi mino buulo manugunyumopiyajudekugono.

Matyuu 13:20

Aki a'mwo pworo wit sulo tollovo sulwomdo tomuu abwolorapo to'busukorogano. A'mwo su tooro Gooti toolluro yogalo tovi yere wuu'nopi ilaiyo yokwerogano.

Jems 3:2

Su toro tovino kuudo neya jaullulo. Nevu yiuwi'nokai toonol ma'no ma'no pasudo tonyu go'no go'nodo tomgu'aro bwolo'dowadonogano. Nevu nevnokwenolluro mago tonyu pi'mwono mollomwalnodowadonolno'juki nevu yiuno sugudo to'no imo'nopiyanonogano. Aki nemoro kulako tovuro yiuwi'nokai pasudo kunyu kuruv pi'mwono nokwo mollomwalnanonogano. Toro kuvi kuruv nemoro mago tonyuno'gwowi ku'nono mamollomwalodowadonogano.