Luuk 19:30 - Gooti Toolluro Yogalokwono

³⁰ “Kevu wagwolago akaijuvi kuulabullunorakikono. Toro kuula'bullu toga doonki muugunyo pwol a'mwo pwolnodo kwol kuruv milomwallungiko toollu yere wonbullunorakikono. Toro toollu wuulo tovi ikwolapiyo'bullu akawai'no donumokabilo.

Luuk 19:30 交叉引用

Joon 14:29

Yogalo akav yere mimo'noduke kuvi kuruv agada'ai yiuno'no aikudadokwono. Toro aikudadokwo su tov aro tovino'mokwono. Lukomgu moro yogalo tovi kuvinono sumo'no'ji su toga kevu mino kuudo nonubwepinonyugono.

Luuk 19:32

Toro amodapiyoka tooral plaino sumaleyokwe Jisasolluro yiuwi'nokai yogalo kuudoka ton kuvinono kwonolorakono.

Matyuu 21:2

Toro toorallu aro amodapiyokaikono. “Kevu wagwolago akaijuvi kuulabullunorakikono. Toro kuula'bullu toga doonki ganeyago tokwe'aro gami taiyo tooke'aro tonallu yere wonbullunorakikono. Toro tonallu kevu wuulo tovi ikwolapiyo'bullu miyomno donumokabilo.

Luuk 19:29

Jisaseke'aro gami uumjunyokwe toorogai'aro tooro ilno sumaveyokwe wagwolago Betifejokwe'aro wagwolago Betanike'aro tovallu wobo toru ai'movoporogano. Wagwolago su toval Muumuudo Oolip toollu do'gwapiyo tomuu wo'dubulovakono. Toro tovallu wobo toru ki'mo'mno sumaveyokwe Jisasol gami uumjunyokwe pworallu aro amodapiyokaikono.

Luuk 19:31

Kevu su toro yodo'bule toga a'mwo pwol, “Buro'nyo'mo jadokuulo?” Yamuugojo toro aikullo'ji tov aro duujulo. “Aguto Jisasol womdo yono'mekono.” Duujulo.”