2 Timooti 4:22 - Gooti Toolluro Yogalokwono

²² Oo Aguto tool gumoro kuullo tekwoji nokwo mollogumwalmwalonekono. Gooti toolluro yasuwa'wino sugumaluko tov kemi nekwo'movla'mwalonokwono.

2 Timooti 4:22 交叉引用

Filemoon 1:25

Oo Aguto Jisas Kraisolluro yasuwa'wino sugumaluko tov kemi kuullo tobuurai nokwo ikubwemovla'mwalonekono.

Galesiya 6:18

Mi avalobuuravoo, nemi Aguto Jisas Kraisolluro yasuwa'wino sugumaluko tov kemoro kuullo tobuurai nokwo ikubwemwalonekono. Nebal'nodokwono.

Kooloosi 4:18

Nuu Poolonyugono. Nuvnokwe toonyuro ato tokwe, “Ilaiyokwono,” yakwollodum aikwopiyamono. Nuu wuulo killo'mo ago tovi anakuuto tomuu kuule'na'dumdo toonyuno kevu kuudo nyallulo'gwonmwalpiyo. Oo Gooti toolluro yasuwa'wino sugumaluko tov kemi nekwo'movla'mwalonokwono.

Room 1:7

Gooti tool kevu Roomda'ai togaikulluno kalo buuropino wino'no gamoro a'mwo abolo kuunodo wimo'nyo'moneyokwe me'no adekumarokagaikikono. Toro te nuugebuuravoo, nuu kemi pas akav yakwollodum aro ikudumo'monyugono. Gooti toolluro yasuwa'wino sugumaluko ton nekubwemwalonekono. Nemi Nellunumiyago Gooti tooke'aro Aguto Jisas Kraiseke'aro tooralluda'ai yasuwa'wino sugumaluko su ton kuvinono noma'mwalpinogaikikono. Toro amapi tovida'ai kemoro sumwoluko ton kavo wosopi ilaiyo nokwo yomjomwekovla'mwalpinobuurekikono.

Adodolukuu'nosungiko 22:21

Nemi Aguto Jisasol gamoro yasuwa'wino sugumaluko tov yiuwi'nokai Gooti toolluro a'mwo abolo togaikullu aikubwemovlavogawono. Nebalokwono.”

1 Pita 5:14

Kevu Jisasolluro a'mwo abolo tobuurai kuuru'mapi toga kalo buuropino mollo'mo tov kemoro suuwado tonyu molluduuduulo duuwiyogaulo. Aki yiuwi'nokai Krais toollu uuguro'mwonyodupudo tobuurekul sumwoluko kavo wosunmwalpino'moneyokwe tov Gooti tool nokwo ikubwemwalonekono.

Efesos 6:24

Kevu pugaikul nemi Aguto Jisas Kraisolluno kalo buuropino mollodupudo su tovi miyuu'dapiyodupu yiunokuudo wingovla'mdupudogaikikono. Toro togaikullu Gooti toolluro yasuwa'wino sugumaluko tollovo nokwo ikubwemwalonekono.

1 Timooti 6:21

Kuunano yogalo su tooraino a'mwo abolo pun, “Oo nebalo'mdeyo,” adopo ton nemoro kuudo uubweyodowado tovi me'no suu'dapiyopogano. Oo aiyowo'mo yogalo tov aro ikudumo'mokwono. Gooti toolluro yasuwa'wino sugumaluko tov kemi nekwo'movla'mwalonokwono.

2 Koorin 13:14

Oo aro tovino nyunodowodonyugono. Nemi Aguto Jisas Kraisolluro yasuwa'wino sugumaluko tov kemi nekubwemwalonekono. Aki Gooti toolluro kalo buuropino winodowodo tov kemi nekwo'mwalonokwono. Aki Gooti toolluro Kuullo tool kemoro yiuwi'nokai poowokalago go'no go'nodo tonyu aval'no moguro'mwojaikubweyowo'ji kevu puru'mono nokwo guro'mwonyumwalpinogaikikono.

1 Koorin 16:23

Oo nemi Aguto Jisasolluro yasuwa'wino sugumaluko tov kemi nekubwemwalonekono.

Room 16:20

Oo Gooti tool nemi sumwoluko kavo wosunyo'moneyokwe tov nekullabodowodekono. Gooti su tool Satanyolluro jurogudo tovi kaiyako mollounapiyo'mo wobo togakono. Su toro me'no amollounapiyo'ji toga kevu Satanyollu suvlo ilomavekupinekono. Nemi Aguto Jisas Kraisolluro yasuwa'wino sugumaluko wiyodowodo tov kemi nokwo ikubwemovla'mwalonogaikikono. Nuu su toro tovino ilaiyo anyunadopiyo.

Matyuu 28:20

Aki a'mwo abolo su ton moro yiuwi'nokai kuuguudo daikullodumdo ton kunyuda'aiyo'mogano. Toro te kevu moro yiuwi'nokai kuuguudo daikullodumdo su tonyu a'mwo abolo ton neya uumjunpino'moneyokwe jodubwasogaulo. Aki aro tovino kuudo nyallulo'gwonmwalpiyo. Nuvu yiuwi'nokai toga kevuge nomwalmwalanonyugono. Kevuge mwalno mwalno yo'mi aki kwako akavuro aiyowo'mo abai'mowo'ji kuga kuruv kevuge kuuno mujomwekovla'mwalanonyugono.” Kuudokaikono.

Filipai 4:23

Oo nemi Aguto Jisas Kraisolluro yasuwa'wino sugumaluko tov kemoro kuullo tobuurai nokwo ikubwemovla'mwalonokwono.