1 Pita 4:19 - Gooti Toolluro Yogalokwono

¹⁹ Toro te Gooti toolluro ilaiyo winodowo'jure tovida'ai kev togaikulluro a'mwo abolo pun tagunyo amapi tov kemoro kwako akavida'ai aiyo mwallo'moneyokwe tov Gooti toolluro ato tovi neya uubweyogapuro. Neya duu'nyulo. Gooti tool a'mwo abolo su tonyu me'no sokwollosokagano. Toro sokwollosoka su tonyu pi'mwono mollomwalmwalonekono. Toro te a'mwo abolo su ton tagunyo amapi kuga kuruv sugupasudo kuuno neya amjumovlavogapuro.

1 Pita 4:19 交叉引用

2 Timooti 1:12

Toro te nuu womdo su tonyu yodore tovida'ai jul'nyo akan ama'mwakonyugono. Toro kuvi kuruv nuu jul'nyo ama'mwako tovino wogulo mibwosunmwakonyugono. Su tov aro tovinokwono. Nuu kuudo uubweyodumdo Krais Jisasolluno aro kuudo me'no youroma'dumdonyugono. Oo su toolluro iruko aguto tollugwo yere mabai'mo'mdowo'jure akaga moro womdo yomjumovla'mdo'mure tonyu Krais tool pi'mwono nokwo mollonumwalmwalonekono. Tono tono mollonumwalowo'ji yiuno gamoro iruko aguto tollugwo abai'mowo'ji toga'no pi'mwono nokwo yellukuromollonumwalmwalonekono. Kuudo yau'dumdonyugono.

1 Pita 3:17

Kuudo neya jaullulo. Puga Gooti tool aro kuudo yauronekono. Moro a'mwo abolo ton tabunyuwuulo pun neya amapuro. Kuudo yauronekono. Toro te kevu gamoro ilaiyo winodowo'jure tovi kuumjunpi tovida'ai tabunyuwuulo pun mapinogaikikono. Su tov ilaiyokwono. Toro kuvi kuruv kevnokwe togaikulluro kaiya'no pasudo tooraida'ai tabunyuwuulo amapi to'gwowi ilaiyo'maiyo.

1 Pita 2:15

Toro te Gooti toolluro ilaiyo winodowodo tov arokwono. Kevu a'mwo aguto su toorai kwako tomuu'aro neya duuwimovlavogaulo. Kemoro sugupasudo yodopure su tovi a'mwo abolo kuudo maiyokwe ton aikwonpi toga kemi bwolomekumwogapiyo'moneyokwe junoru'yogalo madumwalpinogano.

Room 2:7

Toro te a'mwo abolo pun Gooti toolluro bako bwotonyo tovi anakuuto tomuu kuulomwallo'moneyokwe puuto tovi a'mgono yodupudogano. Aki Gooti tool muunyu toru'aro yomollonekumwallowo'ji yiunokuudo nobola'jokwe tovino winodupudogano. Su toro winodupudo ton sugupasudo yomjumovla'mdupu mimwogapiyodupudogano. Toro tonyu Gooti tool aiyo yiunokuudo mujomwekovlaiyo'moneyokwe tov kuvinono nuubweyonekono.

Kuurotokwe 7:59

Toro luvaromiyodopure toga Stivenol subusu'nyogalo aro kuudokaikono. “Mi Aguto Jisasoloo, moro kuullo tool gumiyomno domokailawono.” Kuudokaikono.

Luuk 23:46

Toro imo'nyuno sumaiyokwe toga Jisasol deko guureji aro adokaikono. “Mi Nyunumiyagoloo, moro kuullo tool gumoro ato tovi agubwemono.” Toro juno sumaiyokwe toga yiuno'no abolokaikono.

1 Pita 3:20

Wuulo aule'nallajupo kuullo su tooro aiyoga Noowalluro togasuro a'mwo abolo amwallajupo tonyurogano. Aiyoga Noowal sip toollu mododuke toga Gooti tool a'mwo abolo su tonyu kemi ma'no ma'no pasudo tonyuno yere mairumwallajukekono. Toro te a'mwo abolo su ton Gooti toollu kisuvolo to'no kwiyajupogano. Toro kuvi kuruv yiuno 8-pela a'mwo abolo tobuurono'gwowi sip toollu aulomwalopogano. A'mwo abolo pwolno puru'monodo aulomwalopo su tobuurai wonyo tov nome'nyudapiyo'jokweyo'mo Gooti tool wonyo tovida'ai luvomato to'busuko amollurolowapiyokaikono.